Mogok Media: May 2007

Tuesday, May 29, 2007

WorldWarmWater.MOGOK

ကမ္ဘာကြီး ပူနွေးလာမှု၊ လူဦးရေထူထပ်မှုနှင့် ရေအရင်းအမြစ် ပြဿနာ

ကမ္ဘာကြီးသည် လူသားများမပါပဲ ဆက်လက်တည်တံ့နိုင်သည်။ သို့ရာတွင် လူသားများမှာကား ကမ္ဘာကြီးကို မှီခိုအားထားမှု မပါပဲ အသက်ရှင်ရပ်တည်နိုင်သည် မဟုတ်ပေ ဟူ၍ ပညာရှင်တစ်ဦးက ဆိုဖူးသည်။ ဤအဆိုသည် လူသားများအနေဖြင့် သဘာဝပတ်ဝန်းကျင်အပေါ် မှီတည်နေပုံကို ဖော်ပြနေသည်။ ထို့ပြင် အစဉ်အမြဲ တိုးတက်များပြားလာနေသည့် လူဦးရေက ကမ္ဘာပေါ်တွင် အကန့်အသတ်ဖြင့်သာ ရှိနေသည့် ရေ၊ မြေ၊ သဘာဝသယံဇာတ အရင်းအမြစ်များအပေါ် ၀န်ပိစေပြီး သဘာဝပတ်ဝန်းကျင် ပျက်စီးရေးသို့ ဦးတည်လျှက် ရှိပါသည်။
ကမ္ဘာပေါ်တွင် နေထိုင်ကြသည့် လူများအနက် လူပေါင်း သန်း(၁၀၀၀)ကျော်သည် သန့်ရှင်းသော ရေကို မရရှိနိုင်ကြပဲ ကမ္ဘာ့လူဦးရေ၏ ထက်ဝက်အရေအတွက်ဖြစ်သော လူပေါင်း သန်း(၃၀၀၀)သည် မသန့်ရှင်းသော ပတ်ဝန်းကျင်တွင် နေထိုင်လျှက်ရှိကြကြောင်း ကုလသမဂ္ဂ အဖွဲ့အစည်းများမှ ထုတ်ပြန်သော စာရင်းများအရ သိရပါသည်။ အာရှတိုက်မှ ပြည်သူ သန်း(၈၃၀)သည်လည်း အန္တရာယ်ကင်းရှင်းသည့် သောက်သုံးရေ မရရှိရုံမျှ မကပဲ လူသန်းပေါင်း (၂၀၀၀)ကျော်သည် သန့်ရှင်းသောဝန်းကျင် မရှိသည်ကို တွေ့ရပြီး၊ ၄င်းအခြေအနေသည် ဆက်လက် ဆိုးရွားနေဦးမည်ဖြစ်ကြောင်း သိရပါသည်။
မိုးကုတ်မြို့သည် မြစ်များ၊ ချောင်းများနှင့် ဝေးကွာပြီး ပင်လယ်ရေမျက်နှာပြင် အမြင့်ပေ (၃၈၀၀)ထက်တွင် တည်ရှိသော တောင်ပေါ်မြို့ ဖြစ်ပါသည်။ လွန်ခဲ့သော အနှစ်နှစ်ဆယ်ခန့်က ဆောင်းရာသီကာလတွင် အိမ်ခေါင်မိုးများပေါ်၌ နှင်းခဲများ အချပ်လိုက် ဖြစ်နေတတ်ပြီး အိမ်ပြင်ရှိ ရေပုံး၊ ရေစည်ပိုင်းများထဲမှ ရေများမှာ အနည်းငယ် ခဲနေတတ်ခဲ့ပါသည်။ ယခုအခါတွင် စည်းကမ်းမဲ့ သစ်ခုတ်မှုများကြောင့် သစ်တောများ ပြုန်းတီးလာခြင်း၊ လူနေထူထပ်လာမှုကြောင့် သဘာဝအရင်းအမြစ်များ ပျက်စီးလာခြင်း စသည်တို့ကြောင့် မိုးရာသီကာလတွင် ရေကြီးခြင်း၊ ဆောင်းရာသီကာလများတွင် ယခင်ကလောက် မအေးတော့ခြင်း၊ နွေရာသီတွင် ပူပြင်းလာပြီး ရေရှားပါးလာသဖြင့် အချို့ရပ်ကွက်များတွင် မီးသတ်ကားများဖြင့် ရေဖြန့်ဝေပေးနေရသည်အထိ နဖူးတွေ့ဒူးတွေ့ ကြုံတွေ့လာကြရပါသည်။
မိုးကုတ်မြို့ ဒေသခံများ အဓိကအားကိုးနေရသော ရေထွက်စိမ့်စမ်းများ၏ ရေထွက်ရှိမှုပမာဏမှာလည်း တစ်နှစ်ထက်တစ်နှစ် လျှော့ကျလာလျှက် ရှိပါသည်။ လက်ရှိ မိုးကုတ်မြို့၏ ရေဖြန့်ဝေရေးစနစ်မှာ မြို့၏ မြေမျက်နှာသွင်ပြင် အနေအထားအရ မြေပြန့်နည်းပါးပြီး တောင်ပေါ်တွင် တည်ရှိနေသောကြောင့် ရေကို မြင့်မားသော တောင်ကြောများမှတစ်ဆင့် ပိုက်လုံးများဖြင့် သွယ်တန်းပြီး အသုံးချကြရပါသည်။ အ၀ီစိတွင်းများ တူးဖော်ရာတွင်လည်း တောင်ပေါ်ဒေသဖြစ်နေ၍ အကန့်အသတ်ဖြင့်သာ သုံးစွဲနိုင်သည်ကို တွေ့ရပါသည်။
၁၉၀၅-ခုနှစ် မတိုင်မှီကာလအထိ မိုးကုတ်မြို့တွင် နေထိုင်ကြသော မြို့သူမြို့သားများသည် ရေတွင်းရေကန်နှင့် စိမ့်စမ်းရေတို့မှသာ ရေသွယ်ယူ သုံးစွဲခဲ့ကြသည်။ ထိုစဉ်က Burma Ruby Mines ကျောက်တွင်းကုမ္ပဏီ၏ မိုးကုတ်မြို့လယ် (ယခုလက်ရှိ မြို့လယ်အင်းနေရာ)တွင် ကျောက်မျက်တူးဖော်မှုကြောင့် ရေတွင်းရေကန်တို့ ရေခမ်းခြောက်လာကြသည်။ ထို့ကြောင့် ကုမ္ပဏီမှ အကုန်အကျခံ၍ မြို့၏ အနောက်မြောက်အရပ်ရှိ သဘာဝ ရေဦးရေထွက်ကြီး မှ ရေများကို ပိုက်လိုင်းစနစ်ဖြင့် သွယ်ယူ၍ ရေလှောင်ကန် တည်ဆောက်ကာ မြို့တွင်းသို့ ရေပေးဝေခဲ့ပါသည်။ ထိုစဉ်က မြို့သူမြို့သားတို့အနေဖြင့် အခွန်အခ မပေးရချေ။ ကုမ္ပဏီဖျက်သိမ်းပြီး ၁၉၃၅-ခုနှစ်ကျမှသာ ရေပင်တစ်ပင် (၁၅)ကျပ်၊ အပိုတစ်ပင် ထပ်ယူလျှင် (၁)ကျပ် အခွန်ကောက်ခဲ့ကြောင်းကို မြို့ရေပေးဝေရေးနှင့် ထိန်းသိမ်းကြီးကြပ်မှုကော်မတီမှ ထုတ်ပြန်ထားသော မှတ်တမ်းများအရ သိရှိရပါသည်။
လွတ်လပ်ရေးမရမှီ အင်္ဂလိပ်ခေတ်ကတည်းကပင် မြို့လူထု သောက်သုံးရေဖူလုံစေရန်အတွက် ပရဟိတစိတ်ဓာတ် ထက်သန်ကြသော မြို့မိမြို့ဖများနှင့် ဒေသခံ ငွေကြေးတတ်နိုင်သူများမှ ဦးဆောင်ပြီး မြို့နယ်စည်ပင်သာယာရေးအဖွဲ့နှင့် ပူးပေါင်းကာ ကိုယ်ထူကိုယ်ထ ရေပေးဝေရေးစနစ်ကို ကျပ်သိန်းပေါင်းများစွာ အကုန်အကျခံပြီး တိုးချဲ့လုပ်ကိုင်ခဲ့ရာ ယနေ့အချိန်ထိ ဖြစ်သည်။ အနာဂတ်ကာလတွင် တိုးတက်လာသော လူဦးရေနှင့်အညီ သောက်သုံးရေ တိုးတက်ရရှိလာစေရန် နည်းလမ်းများ ရှာဖွေခြင်း၊ ရေအရင်းအမြစ်များကို ထိန်းသိမ်းခြင်း၊ ရေကြည်ချောင်းများကို စနစ်တကျ မှတ်တမ်းတင်ခြင်း၊ ကွင်းဆင်းတိုင်းတာခြင်းတို့ကို ခေတ်မှီကိရိယာများ အကူအညီဖြင့် ဆောင်ရွက်လျှက် ရှိပါသည်။
၁၉၈၈-ခုနှစ်နောက်ပိုင်း ကျောက်မျက်ဖက်စပ်လုပ်ကွက်များ ပေါ်ပေါက်လာပြီး ကျောက်လုပ်ငန်း လာရောက်လုပ်ကိုင်သူ လုပ်ငန်းရှင်များ၊ အလုပ်သမားများ၊ အခြေချနေထိုင်လာကြသူများ တိုးပွားလာသောကြောင့် ယခုအခါ မိုးကုတ်မြို့၏ လူဦးရေမှာ အမြဲတမ်းနေထိုင်သူ နှစ်သိန်းခန့်ထိ တိုးတက်များပြားလာခဲ့ပါသည်။ လုပ်ငန်းများ စည်ပင်ချိန်ကာလ၌ အမြဲတမ်းနေထိုင်သူများအပြင် ခေတ္တလာရောက် လုပ်ငန်းလုပ်ကိုင်သူ (Floating Population) များကိုပါ ထည့်တွက်ပါက လူဦးရေ သုံးသိန်းခန့်အထိ ရှိနိုင်ကြောင်း ခန့်မှန်းရပါသည်။ မြို့ပြဖွံ့ဖြိုးမှုနှင့်အတူ လူနေအိမ်ယာများ တိုးပွားလာခြင်းတို့ကြောင့် ရေအသုံးချမှုနှင့် ရေအရင်းအမြစ်ရရှိမှုအချိုးကွာဟချက်မှာ တဖြည်းဖြည်း ကြီးထွားလာခဲ့ရပါသည်။
တစ်ဖက်တွင်လည်း ဒေသခံများအနေဖြင့် သစ်တောပြုန်းတီးနေသော်လည်း သစ်ပင်စိုက်ပျိုးသည့် အလေ့အထမရှိခြင်း၊ တောင်ကမ်းပါးယံများ ဖြိုချနေမှုကြောင့် ရေထိမ်းသိမ်းဧရိယာ နည်းပါး၍ စိမ့်စမ်းရေများ ခမ်းခြောက်လာရခြင်း၊ ကျောက်မျက်လုပ်ကွက်များမှလည်း သဘာဝရေထွက်များကို ခွဲဝေသုံးစွဲနေခြင်းနှင့် လုပ်ကွက်များမှ စွန့်ပစ်လာသော ရေများကြောင့် ရေအရည်အသွေးကို ထိခိုက်လာခြင်းတို့ကိုလည်း တွေ့မြင်လာကြရပါသည်။ ကျောက်မျက်ဖက်စပ် လုပ်ငန်းရှင်များနှင့် ဒေသခံရွာ၏ ရေသုံးစွဲသူများအကြား ရေပြဿနာများလည်း မကြာခဏ ပေါ်ပေါက်လျှက်ရှိသည်။
အထက်ပါအချက်များကြောင့် သဘာဝပတ်ဝန်းကျင်ထိန်းသိမ်းရေးဌာနများကလည်း နှစ်စဉ် ရေနီမြောင်း(ကျောက်မျက်လုပ်ကွက်များမှ သုံးစွဲပြီးထွက်လာသောရေမြောင်း) များကို ရေစီးရေလာကောင်းမွန်အောင် ဆောင်ရွက်ခြင်း၊ သစ်တောများကို မပျက်စီးအောင် ထိန်းသိမ်းဆောင်ရွက်ခြင်း၊ လုပ်ကွက်များမှ ထွက်ရှိလာသော ရေများကို တိုက်ရိုက်မစွန့်ပစ်စေပဲ ရေစစ်ကန်များ ထားရှိကာ စွန့်ပစ်စေခြင်း တို့ကို ကြပ်မတ်ဆောင်ရွက်လျှက် ရှိပါသည်။ ထိုသို့ဆောင်ရွက်ရာတွင် ကျောက်မျက်ဖက်စပ် လုပ်ငန်းရှင်များဘက်ကလည်း သဘာဝပတ်ဝန်းကျင်ဆိုင်ရာ လုပ်ငန်းများတွင် ပူးပေါင်းပါဝင် ဖြေရှင်းမှသာလျှင် ရေသယံဇာတ အရင်းအမြစ် ပြုန်းတီးခြင်း၊ သဘာဝပတ်ဝန်းကျင်ယိုယွင်းခြင်းတို့ကို ထိရောက်စွာ ကာကွယ်နိုင်မည် ဖြစ်ပါသည်။
မြို့ရေပေးဝေရေးနှင့်ထိန်းသိမ်းကြီးကြပ်မှုကော်မတီ၏ ရေအရင်းအမြစ်ဆိုင်ရာ ကွင်းဆင်း သုတေသနပြု တွေ့ရှိချက်များအရ မိုးကုတ်မြို့နေ ပြည်သူလူထုသည် သဘာဝမိခင်၏ အလွန်အဖိုးထိုက်တန်သော လက်ဆောင်မွန်ဖြစ်သည့် ရေဦးရေထွက်များကို လက်ခံရရှိထားပြီး ၄င်းရေထွက်များသည် အလွန်ကံကောင်းစွာဖြင့် မြို့နေရပ်ကွက်များထက် မြင့်မားသော နေရာများတွင် တည်ရှိနေကြောင်း၊ ရေထွက်များမှ ရေများသည် သဘာဝကျောက်ကြိုကျောက်ကြားမှ သန့်ရှင်းကြည်လင်သည့်ရေ (Safe & Clean Natural Mountain Spring Water) ဖြစ်ကြောင်း သိရပါသည်။ ထို့ပြင် ဘေးကင်းသန့်ရှင်းသော သောက်ရေကြည်သန့် ဖြစ်နိုင်ပါလျှက် သဘာဝကြောင့်လည်းကောင်း၊ လူတို့၏ ပယောဂကြောင့်လည်းကောင်း၊ အချို့နေရာများတွင် နောက်ကျိညစ်ပတ်နေရသည်ကို တွေ့ရှိရကြောင်း၊ သစ်တောများထိန်းသိမ်းခြင်း၊ သစ်ပင်များ ပြန်လည်စိုက်ပျိုးခြင်း ပြုလုပ်နိုင်ပါက လက်ရှိဖြန့်ဖြူးနေသော ရေပမာဏထက် သုံးဆခန့် တိုးတက်ဖြန့်ဖြူးနိုင်မည် ဖြစ်ကြောင်းကို ရေကော်မတီအဖွဲ့ဝင်တစ်ဦးဖြစ်သူ ဒေါက်တာစောနောင်ဦးမှ မိုးကုတ်မီဒီယာသို့ ပြောကြားသည်။
ရေအရင်းအမြစ်များကို ကာကွယ်ထိန်းသိမ်းရန်မှာ လူသားတိုင်းတွင် တာဝန်ရှိပါသည်။ လူ့ပယောဂကြောင့် ပျက်စီးပျောက်ကွယ်ခဲ့ပါက ဒေါ်လာ သန်းထောင်ပေါင်းများစွာဖြင့် ပြန်လည်ဝယ်ယူ ရရှိနိုင်လိမ့်မည် မဟုတ်ပေ။ လက်ရှိအခြေအနေတွင် ရေအရင်းအမြစ်များကို မထိန်းသိမ်းနိုင်ခဲ့လျှင် နောင်မျိုးဆက်အတွက် ရေအခက်အခဲ ဖြစ်ပေါ်လာနိုင်ပြီး မိုးကုတ်ရတနာမြေကဲ့သို့ တောင်ပေါ်ဒေသတွင် ပတ္တမြားကိုမလို၊ ရေကိုသာလိုသည် ဟူ၍ ကြွေးကြော်နေရပေလိမ့်မည်ဖြစ်ကြောင်း တင်ပြလိုက်ရပါသည်။

S.T.A

Monday, May 28, 2007

Why...?

ကျောက်က အပြာရောင်ရှိပြီး ဘာလို့ နီလာလို့ ခေါ်တာလဲ

သွေးကဲ့သို့ ချင်းချင်းနီသော ပတ္တမြားနှင့် တောက်ပသော အပြာရောင်ရှိသော နီလာတို့မှာ တစ်မျိုးနှင့်တစ်မျိုး မတူပဲ ခြားနားသည်ဟု ထင်ရသော်လည်း စင်စစ် ၄င်းကျောက်နှစ်မျိုးမှာ Corundum ကျောက်အမျိုးအစား တစ်ခုတည်းပင်ဖြစ်သည်။ ထိုပတ္တမြားနှင့် နီလာနှစ်မျိုးစလုံးတွင် ပါရှိသော အခြေခံဓာတ်ဖွဲ့စည်းမှု၊ ပုံဆောင်ခဲစနစ်၊ ရုပ်ဂုဏ်သတ္တိတို့မှာ လည်း အတူတူပင်ဖြစ်ကြပြီး ခြားနားချက်မှာ အရောင်သာလျှင် ဖြစ်သည်။
ရှေးအခါက မိုးကုတ်ဒေသရှိ ကျောက်တူးသမားတို့သည် ကျောက်တွင်း တူးကြရာတွင် အပြာရောင်ရှိသော ကျောက်များကို တွေ့ရှိကြသည်။ ထိုအခါ ၄င်းတို့သည် အပြာရောင်ကျောက်ကို တွေ့လျှင် အပြာရောင်ကျောက်အစား အဖိုးတန် ပတ္တမြား၊ အနီရောင်ကျောက် ဖြစ်လာပါစေတော့။ နီပါစေတော့။ နီလာပါစေတော့ ဟု ဆုတောင်းပြောဆိုကြရာမှ အပြာရောင်ရှိသော ကျောက်ကို နီလာဟု ခေါ်တွင်ကြလေသည်။ နီလာခေါ် Supphire ကျောက်သည် မာခြင်းအဆင့် (၉)ရှိပြီး ကတ္တီပါပြာအရည်ကို အကောင်းဆုံး အရည်အသွေးအဖြစ် သတ်မှတ်ကြသည်။ ယခု ကျောက်မျက်ဈေးကွက်တွင် အပြာရောင်နီလာ သာမက ပန်းရောင်၊ လိမ်မော်ရောင် နီလာများလည်း ဈေးကောင်းနေပါသည်။
နီလာကို စက်တင်ဘာလ မွေးဖွားသူများအတွက်နှင့် ကြာသပတေးသားသမီးများအတွက် အဆောင်ကျောက်အဖြစ် ၀တ်ဆင်ကြသည်။ နီလာကို န၀ရတ်ကိုးပါးလက်စွပ် ပြုလုပ်ကြရာတွင်လည်း ထည့်သွင်း အသုံးပြုကြသည်။ ထို့ပြင် နီလာသည် စိတ်ကို တည်ငြိမ်စေသည် ဟုလည်းကောင်း၊ မေတ္တာပွားစေသည် ဟုလည်းကောင်း ယုံကြည်ကြလေသည်။
မြန်မာ့ကျောက်မျက်ရတနာပြတိုက်တွင်ရှိသော အလေးချိန် (၆၃၀၀၀)ကာရက်ရှိ နီလာဂေါ်ကြိုးတုံးကြီးသည် ၁၉၆၇-ခုနှစ်တွင် မိုးကုတ်ရတနာမြေမှ တူးဖော်ရရှိခဲ့ပြီး ကမ္ဘာပေါ်တွင် အကြီးဆုံးသော နီလာဖြစ်လေသည်။

ပြောင်ခေါင်းစိမ်းကျောက်လို့ ဘာလို့ခေါ်တာလဲ

ပြောင်ခေါင်းစိမ်းကျောက်သည် အ၀ါရောင် အနည်းငယ်သန်းနေသော အစိမ်းရောင်ရှိသည့် ကျောက်အမျိုးအစားဖြစ်သည်။ ကျောက်မျက်ဝေါဟာရအားဖြင့် Peridot ဟုခေါ်ပြီး မာခြင်းအဆင့် (၆.၅) ရှိပါသည်။ ပြောင်ခေါင်းစိမ်းသည် ဓါတုဗေဒဖွဲ့စည်းပုံအရ သံနှင့် မဂ္ဂနီဆီယမ်စီလီကိတ်ဖြစ်ပြီး Olivine အုပ်စုဝင်ဖြစ်သည်။ သံနှင့် မဂ္ဂနီဆီယမ် အချိုးအစားကိုလိုက်ပြီး မျိုးကွဲနှစ်ခု ဖြစ်ပေါ်လာပြန်သည်။ မဂ္ဂနီဆီယမ်များသော အော်လဗင်းကို Fosterlite ဟုခေါ်ပြီး သံအမျိုးအစားများသော အော်လဗင်းကို Fayalite ဟုခေါ်ပါသည်။ ထိုမျိုးကွဲနှစ်ခုကြားရှိ သံနှင့် မဂ္ဂနီဆီယမ်စီလီကိတ်သည်သာ ပြောင်ခေါင်းစိမ်း (Peridot) ဖြစ်သည်။

မိုးကုတ်ဒေသတစ်ဝိုက်တွင် အမြင့်ဆုံးတောင်ဖြစ်သော တောင်မင်းတောင်၏ နောက်ကျောဘက် တွင်တည်ရှိသည့် ပြောင်ခေါင်းရွာတွင် စတင်ထွက်ရှိသောကြောင့် ပြောင်ခေါင်းစိမ်းကျောက်ဟု အမည်တွင်ရခြင်း ဖြစ်သည်။ မြန်မာနိုင်ငံတွင် ပြောင်ခေါင်းစိမ်းကျောက်ကို မိုးကုတ်ရတနာမြေတွင်သာ အများဆုံး တွေ့ရပြီး မိုးကုတ်ဒေသတွင် ပြောင်ခေါင်းရွာ တ၀ိုက်၌သာ အများဆုံး တူးဖော်ရရှိသည်။

အမေရိကန်နိုင်ငံ ၀ါရှင်တန်မြို့ စမစ်ဆိုနီယမ်ပြတိုက်ရှိ အလေးချိန် (၂၈၇)ကရက်ရှိသော ပြောင်ခေါင်းစိမ်းကြီး၊ ကနေဒါနိုင်ငံ အွန်တေးရီးယိုးမြို့ Royal Ontario Museumရှိ အလေးချိန် (၁၀၈၊ ၈၇.၁၊ ၈၃.၃) ကရက် အသီးသီးရှိသော ပြောင်ခေါင်းစိမ်းသုံးပွင့်၊ ကနေဒါနိုင်ငံ အယ်လ်ဘာတာ Devonian Group ပြတိုက်ရှိ အလေးချိန် (၈၂.၄ နှင့် ၂၄.၇) ကရက်ရှိ ပြောင်ခေါင်းစိမ်းနှစ်ပွင့်၊ လန်ဒန်ဘူမိဗေဒပြတိုက်မှ (၃၁၆) ကရက် အရွယ်ရှိ ပြောင်ခေါင်းစိမ်းနှင့် မြန်မာ့ကျောက်မျက်ရတနာပြတိုက်တွင် ပြသထားသော သွေးပြီးအလေးချိန် (၃၂၉)ကရက်ရှိ ကမ္ဘာ့အကြီးဆုံးပြောင်ခေါင်းစိမ်းတို့သည် မိုးကုတ်ပြောင်ခေါင်းဒေသမှ ထွက်ရှိသော ပြောင်ခေါင်းစိမ်းများဖြစ်ကြသည်။

ကမ္ဘာပေါ်တွင် ပြောင်ခေါင်းဒေသမှကျောက်တို့၏ အရည်အသွေးကို ယှဉ်ပြိုင်နိုင်သောကျောက်များ ထွက်ရှိရာ အခြားဒေသများစွာရှိသည်။ သို့ရာတွင် အရွယ်အစားကြီးမားမှုတွင်ကား ပြောင်ခေါင်းဒေသကို မယှဉ်နိုင်ပေ။ ပြောင်ခေါင်းရွာသည် အရောင်အဆင်း ကျောက်မျက်တန်းဝင်ပြီး အရွယ်အစားကြီးမားသော ပြောင်ခေါင်းစိမ်းကျောက်များ ထွက်ရှိရာ မြန်မာနိုင်ငံ၏ တစ်ခုတည်းသော ဒေသဖြစ်သည်။ ကရက်ချိန် ရာဂဏန်းထိကြီးမားသော ပြောင်ခေါင်းစိမ်းကျောက်များ ထွက်ရှိရာ အဓိကဒေသတစ်ခုလည်းဖြစ်သည်။ ပြောင်ခေါင်းရွာသည် မိုးကုတ်မြို့နှင့် (၁၀)မိုင်ခန့်ကွာဝေး၍ ပေပေါင်း (၅၆၀၀)အမြင့်တွင် တည်ရှိသော ရွာကလေးဖြစ်ပြီး လီဆူလူမျိုးများ အများဆုံး နေထိုင်ကြသည်။

သက္ကရာဇ် ၁၈၈၆-ခုနှစ်၊ မတ်လတွင် မိုးကုတ်မြို့နယ်ရှိ ယခု ပြောင်ခေါင်းအရပ်တွင် မေဂျာ ဆာချားဘားနဒ် (Sir Charles Bernad) ၏ စစ်တပ်စခန်း ရောက်ရှိပြီး တပ်မချကာ မိုးကုတ်ဘက်သို့ စစ်ကြောင်းဖြန့်ခဲ့လေသည်။ ပြောင်ခေါင်းဒေသသည် ရာသီဥတုအေးမြပြီး သာယာလှပသောကြောင့် ကလောနှင့် မေမြို့ကဲ့သို့ တောင်ပေါ်စခန်းမြို့အဖြစ် တည်ဆောက်ရန် အင်္ဂလိပ်တို့ စိတ်ကူးခဲ့သော်လည်း ယခုအခါတွင် ရွာအဆင့်သာ တည်ရှိခဲ့ပါသည်။ သို့သော် ဤပြောင်ခေါင်းရွာရှိ တောင်ပေါ်သူတောင်ပေါ်သားများ ရောင်းဝယ်ဖောက်ကားရာ ဈေးအား ဘားနဒ်ဈေးအဖြစ် ယနေ့ချိန်တိုင် ခေါ်ဝေါ်လျှက်ရှိကြသည်။
ပြောင်ခေါင်းစိမ်းကျောက်ကို သြဂုတ်လဖွားများအတွက် အဆောင်ကျောက်အဖြစ်လည်း အသုံးပြု ကြသည်။ ပြောင်ခေါင်းစိမ်းကျောက်သည် န၀ရတ်ကိုးပါးတွင် ပါဝင်သောကျောက် မဟုတ်ခဲ့ပေ။ မြန်မာ့နန်းစဉ် တော်ဝင်ရတနာများ အဖြစ်လည်း သတ်မှတ်ခြင်း မခံခဲ့ရပေ။

S.T.A

History of RubyLand

ပတ္တမြားမြေ မိုးကုတ်သမိုင်းအကျဉ်း
မြန်မာ့သမိုင်းအစမှ ၁၈၈၅ခုနှစ်အထိမိုးကုတ်မြို့သည် မန္တလေးတိုင်းအတွင်း မန္တလေးမြို့၏ အရှေ့ဘက် (၁၁၄)မိုင်အကွာ ပင်လယ်ရေမျက်နှာပြင်အထက် ပေ(၃၇၅၀)ခန့် အမြင့်တွင် တည်ရှိသည်။ လွန်ခဲ့သောနှစ်ပေါင်း (၈၀၀)ခန့်ကပင် မိုးကုတ်သည် ကမ္ဘာ့ပတ္တမြားပင်ရင်းဒေသ ဖြစ်ခဲ့သည်။ မြန်မာ့ပတ္တမြားအကြောင်း ဥရောပတိုက်သားများ၏ ခရီးသွားမှတ်တမ်းများတွင် စတင်တွေ့ရှိရသည်မှာ ...

တစ်ဆယ့်ငါးရာစုနှစ်ခန့်က ဖြစ်သည်။ မြန်မာ့ပတ္တမြားကျောက် ရောင်းဝယ်ရန်အတွက် ပထမဦးဆုံး ပဲခူးသို့ ရောက်ရှိလာသူ အီတလီလူမျိုး ဗားသီးမား၏ မှတ်တမ်းတွင် ပဲခူးမှ ရက်ပေါင်း(၃၀)ခရီးအကွာတွင်ရှိသည့် ကပ္ပလန်အရပ်တွင် ထွက်သည်ဟု ဖော်ပြထားပါသည်။ ပေါ်တူဂီလူမျိုး ဘာဆိုစား၏ မှတ်တမ်းတွင် ဖော်ပြထားသည့် အင်းဝနေပြည်တော်၌ အလွန်ကြွယ်ဝသော ကပ္ပလန်ဆိုသည်မှာလည်း နိုင်ငံခြားသားများ ကျပ်ပြင်ကို နားကြားလွဲ၍ ခေါ်ဝေါ်သောအမည်ဖြစ်သည်။
ပတ္တမြားမြေသည် မြန်မာမင်းတို့လက်အောက်မရောက်မှီက မိုးမိတ်စော်ဘွားပိုင်နက်ဖြစ်သည်။ ပထမဆုံး ပတ္တမြားမြေကို ချီတက်တိုက်ခိုက်သိမ်းပိုက်သည့် မြန်မာမင်းမှာ ဟံသာဝတီ ဆင်ဖြူများရှင် (ခေါ်) ဘုရင့်နောင် ဖြစ်သည်။ ညောင်ဦးရွှေစည်းခုံရှိ ခေါင်းလောင်းအတွင်း ဘုရင့်နောင်မင်းတရားကြီးအား မိုးမိတ်၊ သီပေါနှင့် ပတ္တမြားတွင်း၏ အရှင်သခင်အဖြစ် ဖော်ပြထားသည်။ ၁၅၉၇-ခုနှစ်တွင်မူ မိုးမိတ်နယ်အား အ၀မြို့တော် စီရင်စုလုပ်သည့် အမိန့်တော်ကို ထုတ်ပြန်ခဲ့သည်။ အမိန့်တော်ပါရက်စွဲအရ ယင်းအမိန့်တော်သည် အင်းဝမှ ထုတ်ပြန်သော ညောင်ရမ်းမင်း၏ အမိန့်တော်ဖြစ်သည်။ ပဒုံမင်းလက်ထက်တွင် ပတ္တမြားမြေ၏ နယ်နိမိတ်ကို ပြန်လည်သတ်မှတ်ခဲ့ကြောင်း ၁၇၈၃-ခုနှစ် စစ်တမ်းများအရ သိရှိရသည်။ ပတ္တမြားမြေ၏ နယ်နိမိတ်သည် ညောင်ရမ်းမင်းလက်ထက်တွင် သတ်မှတ်ခဲ့သော မူလနယ်နိမိတ်ထက် ပို၍ ကျယ်လာသည်။
မြန်မာမင်းက ပတ္တမြားတွင်းလုပ်ငန်းကို အုပ်ချုပ်ရန် ကျောက်ဝန် ခေါ် အရာရှိတစ်ဦးကို ကျပ်ပြင်သို့ စေလွတ်ခန့်ထားသည်။ ပဒုံမင်းလက်ထက်သို့ ရောက်ရှိသောအခါ စို့သူကြီး ဟူသော အခေါ်အဝေါ် ပေါ်ပေါက်လျှက်ရှိနေပြီဖြစ်သည်။ ပတ္တမြားမြေကို စို့သူကြီး တစ်ဦးတည်းဖြင့် ကျပ်ပြင်မှ အုပ်ချုပ်စေသည်။ ပဒုံမင်းလက်ထက်တွင်ပင် ကသည်းကို ကျပ်ပြင်မှ ခွဲထုတ်ကာ စို့သူကြီး တစ်ဦး ထပ်မံခန့်ထားလျှက် သီးခြားအုပ်ချုပ်စေရာမှ စို့သူကြီးသုံးဦး ဖြစ်လာသည်။
စို့သူကြီးတို့ နှစ်စဉ်ကောက်ခံဆက်သရသော အခွန်များတွင် အရေးအကြီးဆုံးမှာ စီတော်မံတော် ဟု ခေါ်သော ဒေသထွက်ကုန်ဖြစ်သည်။ ပတ္တမြားကိုပင် သတ်မှတ်ထားသည့် အရွယ်အစား၊ အရေအတွက်နှင့် တန်ဖိုးအတိုင်း စီတော်မံတော် ပေးဆောင်ရသည်။ စီတော်မံတော်တွင် ခေါင်းခေါ် ငွေသားတစ်ပိဿာနှင့် တန်ဖိုးချင်းညီမျှသော ပတ္တမြားကြီးတစ်လုံး၊ တစ်လုံးလျှင် ငွေတစ်ကျပ်သားခန့် တန်သော ပတ္တမြားအလုံး (၁၅၀)နှင့် ထုပ် ခေါ် နီလာ၊ ဂေါ်မိတ်၊ ဥဿဖယား စသည့် ကျောက်မျိုးစုံပါဝင်သော စုံစီကျောက်ထုပ် တစ်ထုပ် ပါဝင်သည်။
မြန်မာမင်းများလက်ထက်တွင် တူးဖော်ရရှိသည့် ကျောက်များမှ သတ်မှတ်ထားသည့် အရွယ်အစားနှင့် အရည်အသွေးရှိသော လက်ရွေးစင်ကျောက်များကို ဘုရင်မင်းမြတ်အား ဆက်သရသည်။ ဆက်သသည့် ပတ္တမြား၏ အဆင့်အတန်းကိုလိုက်၍ ဆင်၊ လှော်ကားငယ်၊ လှော်ကားကြီး စသည်တို့ဖြင့် တင်ဆောင်ကြိုယူလာလေ့ ရှိသည်။ ဤသို့ဖြင့် ဆင်တင်ပတ္တမြား၊ လှော်ကားငယ်တင်ပတ္တမြား၊ လှော်ကားကြီးတင်ပတ္တမြား စသည့် အခေါ်အဝေါ်များ ပေါ်ပေါက်လာရသည်။ ကမ္ဘာကျော် ငမောက်ပတ္တမြား မှာ လှော်ကားကြီးတင်ပတ္တမြား ဖြစ်သည်။
နေပြည်တော်သို့ ရောက်သောအခါ ကြိုယူလာသော ပတ္တမြားကို ဘုရင့်ကျောက်ဆက်ဝန်ထံ အပ်နှံရသည်။ ၄င်းကတစ်ဆင့် ဘုရင်မင်းမြတ်အား ကျောက်ရှင်နှင့်အတူ အပ်နှံရသည်။ ဘုရင်မင်းမြတ်က ရာဖြတ်တော်များကို ပြသ၍ တန်ဖိုးများကို ဖြတ်စေပြီး ကျောက်ရှင်အား ထိုက်တန်သော ဆုတော် လာဘ်တော်များ ချီးမြှင့်ပေးသနားသည်။ မြန်မာမင်းများလက်ထက်တွင် ပတ္တမြားသည် မြန်မာနိုင်ငံ၏ ပဓာနအကျဆုံး ထွက်ကုန်ဖြစ်ခြင်းကြောင့် မြန်မာမင်းတို့သည် ပတ္တမြားကို ကုန်တော်အဖြစ် သတ်မှတ်ခဲ့သည်။ ၁၉-ရာစုသို့ ရောက်သောအခါ အနောက်တိုင်းသားတို့သည် မြန်မာ့အဖိုးတန် ကျောက်မျက်ရတနာများကို ပို၍ စိတ်ဝင်စားလာကြသည်။
သီပေါမင်းလက်ထက်တွင် ပြင်သစ်အင်ဂျင်နီယာများက မိုးကုတ်၊ ကျပ်ပြင်၊ ကသည်းရှိ ပတ္တမြားတွင်းများကို နှစ်စဉ် အခွန်တော်ငွေ ကျပ်သုံးသိန်း ပေးသွင်း၍ လက်ဝါးကြီးအုပ် တူးဖော်ခွင့်ပေးရန် သီပေါမင်းထံ လျှောက်ထားသည်။ သီပေါမင်းက သဘောတူသဖြင့် မြန်မာနှင့် ပြင်သစ်တို့ ပတ္တမြားတွင်းများတူးဖော်လုပ်ကိုင်ခွင့်နှင့် ပတ်သက်၍ လျှို့ဝှက်သဘောတူညီချက် တစ်ရပ်ကို လက်မှတ်ရေးထိုးကြသည်။ ဤစာချုပ် ချုပ်ဆိုပြီးနောက်ပိုင်းတွင် အင်္ဂလိပ်မြန်မာဆက်ဆံရေး တဖြည်းဖြည်း တင်းမာလာကာ နောက်ဆုံး ၁၈၈၅-ခုနှစ်၊ နိုဝင်ဘာလတွင် အင်္ဂလိပ်တို့သည် ကျူးကျော်စစ်ကို ဖန်တီးပြီး မြန်မာတစ်နိုင်ငံလုံးကို အကြောင်းရှာ သိမ်းယူခဲ့သည်။ အထက်မြန်မာနိုင်ငံ ကျဆုံးခြင်းနှင့်အတူ မြန်မာပတ္တမြားတွင်းများသည်လည်း နယ်ချဲ့အင်္ဂလိပ်တို့ လက်အောက်သို့ ကျရောက်ခဲ့ရသည်။
သီပေါမင်းသည် မိုးကုတ်ကျောက်တွင်းလုပ်ငန်းအား ပြင်သစ်ကုမ္ပဏီ Messrs Bonvellein & Co. အား ယာယီလိုင်စင်ဖြင့် ပုံသေငှားရမ်းခ ရယူပြီး လုပ်ကိုင်ခွင့်ပြုထားလျှက်ရှိရာ ပါတော်မူသည့်အတွက် လိုင်စင် ပျက်ပြယ်ခဲ့သည်။

၁၈၈၅-ခုနှစ်မှ ၁၉၆၂-ခုနှစ်အထိပါတော်မူပြီးနောက် ဗြိတိသျှတို့ စတင်အုပ်ချုပ်ချိန်တွင် ကျောက်မျက်ရတနာကုန်သည် တစ်ဦးဖြစ်သူ အက်ဒ၀င်စတရိတာ (Edwin Streeter) က စိတ်ဝင်စားလာခဲ့သည်။ Streeter Syndicate ဖွဲ့စည်းပြီး ဆင်ဒီကိတ်လူကြီးဖြစ်သူ ဗိုလ်ကြီး Aubrey Palton မြန်မာနိုင်ငံသို့ရောက်ချိန်၊ ၁၈၈၆-ခုနှစ် ဇန်န၀ါရီလတွင် ကာလကတ္တားအခြေစိုက် Gillander Arbuthnot (G&A Co) က ရူပီးနှစ်သိန်းဖြင့် ကျောက်တူးခွင့်ရရန် ကမ်းလှမ်းထားကြောင်း တွေ့ရသည်။ Streeter က ရူပီးလေးသိန်းဖြင့် ကမ်းလှမ်းသည်။ ကမ်းလှမ်းချက်အား ၁၈၈၆-ခုနှစ် ဧပြီလတွင် ယာယီလက်ခံပြီး ၁၈၈၇-ခုနှစ် ဧပြီလတွင် ယာယီ ငါးနှစ်ခွဲလိုင်စင်ဖြင့် ခွင့်ပြုခဲ့သည်။ မိုးကုတ်ကျောက်တူးလုပ်ငန်းတွင် ပထမဆုံး ကျောက်မိုင်းကုမ္ပဏီမှာ Streeter Co. ဖြစ်ပြီး F.Atlay မှာ ပထမဆုံး ကျောက်မိုင်း မန်နေဂျာဖြစ်သည်။ ၁၈၈၇-ခုနှစ် အောက်တိုဘာလတွင် အထက်မြန်မာပြည် ရူဘီဒရက်ဂူလေးရှင်း ကို ထုတ်ပြန်ခဲ့ပြီး နိုဝင်ဘာလတွင် မိုးကုတ်ရတနာနယ်မြေ သတ်မှတ်သည်။ မြန်မာပြည် ရူဘီဒရက်ဂူလေးရှင်းအရ ဒေသခံများကိုသာ ကျောက်မျက်တူးဖော်ခွင့်ပြုခဲ့သည်။ ထိုနောက်ပိုင်းတွင် မိုးကုတ် ကျောက်မျက်ရတနာတူးဖော်ခွင့် လုပ်ငန်းများကို ဗြိတိသျှ ဒု-ကော်မရှင်နာက အုပ်ချုပ်ခဲ့သည်။
၁၈၈၆-ခုနှစ် ဇန်န၀ါရီလတွင် ဗြိတိသျှအစိုးရသည် မိုးကုတ်ကျောက်မျက်သတ္တုသိုက်ကို သုံးသပ်အကဲဖြတ်ရန် ဘူမိဗေဒပညာရှင် C-Barrington Brown ကို စေလွှတ်ခဲ့သည်။ ထိုအချိန်တွင် London Rothschilds ကုမ္ပဏီနှင့် ပူးပေါင်းပြီး Burma Ruby Mines (B.R.M) ကို ထူထောင်ခဲ့သည်။ ၁၈၈၈-ခုနှစ်တွင် ဘားမားရူးဘီမိုင်း ကုမ္ပဏီကို ဖွဲ့စည်းသည်။ (၂၂.၂.၁၈၈၉) တွင် မိုးကုတ်ရတနာနယ်မြေ၌ ကျောက်မျက်တူးဖော်ရောင်းဝယ်ဖောက်ကားခွင့်ပြုသည့် လိုင်စင်ကို Streeter Syndicate က ရရှိသည်။ Streeter Syndicate သည် ဖေဖော်ဝါရီလ ၂၇-ရက်နေ့တွင် ပေါင်စတာလင်သုံးသောင်းဖြင့် ရရှိသော အဆိုပါ တူးဖော်ခွင့်လိုင်စင်ကို ပေါင်စတာလင် ငါးသောင်းငါးထောင်ဖြင့် B.R.M သို့ ရောင်းချခဲ့သည်။ B.R.M သည် မိုးကုတ်ကျောက်တူးဖော်ခွင့်လိုင်စင် ရရှိပြီးနောက် သပိတ်ကျင်း-မိုးကုတ်လမ်း ဖောက်လုပ်ခြင်း၊ ၄၀၀-ကီလိုဝပ် ရေအားလျှပ်စစ်စက်ရုံ ဆောက်လုပ်ခြင်း၊ မြေလွတ်ဒေသများတွင် ရှာဖွေစမ်းသပ်ခြင်းတို့ကို ပြုလုပ်ခဲ့သည်။
မိုးကုတ်တွင် ကျောက်မျက်များကို တစ်ဦးတည်း စက်ဖြင့် တူးဖော်ခွင့်လိုင်စင်ရပြီး နှစ်စဉ် လိုင်စင်ကြေး ပေါင်စတာလင် သုံးသောင်းနှင့် အမြတ်၏၃၀%ကို ပေးဆောင်ရန်ဖြစ်သည်။ ၁၈၈၉-ခုနှစ်မှ ၁၈၉၆-ခုနှစ်ထိ ပထမခုနှစ်နှစ် လိုင်စင်သက်တမ်းတွင် အနည်းငယ်သာ မြတ်သည်။ ကုမ္ပဏီသည် ဆက်တိုက်ရရှိလုပ်ကိုင်ခဲ့ရာ ဒုတိယပါမစ် သက်တမ်းကာလ ၁၈၉၇-ခုနှစ်မှ ၁၉၀၃-ခုနှစ်တွင် အမြတ်ကောင်းစွာ ရခဲ့သည်။ တတိယလိုင်စင်သက်တမ်း ၁၉၀၄-ခုနှစ်မှ ၁၉၁၂-ခုနှစ်တွင် မြေအောက်ရေကြောင့် တူးဖော်မှုများ အဟန့်အတား ဖြစ်ရသဖြင့် မြေအောက်စိမ့်ရေများကို ထုတ်ရန်အတွက် မြေအောက်ပေ ၁၀၀ အနက်တွင် တစ်မိုင်ခန့်အရှည်ရှိ ရေနှုတ်မြောင်းတစ်ခုကို တူးဖော်ဆောင်ရွက်ခဲ့သည်။ ရေနှုတ်မြောင်းကို ၁၉၀၈-ခုနှစ်တွင် ပြီးစီးအောင် တူးဖော်ခဲ့ရာ အောင်မြင်မှုရပြီး ထုတ်လုပ်မှုတိုးတက်ခဲ့သော်လည်း အဆိုပါနှစ်တွင် Verneuil ပတ္တမြားအတု ချက်လုပ်အောင်မြင်မှုကြောင့် ပတ္တမြားဈေးများ ထိုးကျခဲ့ပြီး တတိယပါမစ်သက်တမ်းကာလအတွင်း အမြတ်နည်းပါးခဲ့သည်။ စတုတ္ထလိုင်စင်သက်တမ်းကာလတွင် ပတ္တမြားဈေးများ ဆက်လက်ကျဆင်းမှုကြောင့် စီးပွားရေးထိခိုက်ပြီး ၁၉၂၅-ခုနှစ်တွင် မြေအောက်ရေနှုတ်မြောင်းကြီးအား ယမ်းခွဲဖျက်ဆီးခံရပြီး လုပ်ငန်းများ ထိခိုက်ခဲ့သည်။ ၁၉၂၅-ခုနှစ် နိုဝင်ဘာလတွင် အစုရှယ်ယာရှင်များ၏ ဆန္ဒဖြင့် ကုမ္ပဏီ ဖျက်သိမ်းခဲ့ပြီး ၁၉၃၁-ခုနှစ်တွင် လိုင်စင် ပြန်အပ်ခဲ့သည်။ B.R.M လုပ်ကိုင်ခဲ့သည့် ၄၂-နှစ်တာကာလတွင် ဗြုံးတန်ချိန် သန်း(၃၀) ဆေးခဲ့ပြီး စတာလင်ပေါင် (၂.၃၅)သန်းခန့်တန်သော ကျောက်မျက်များ ရခဲ့သည်။ B.R.M ဖျက်ပြီးနောက် ၁၉၃၄-ခုနှစ်တွင် Ruby Mines Ltd ကို B.R.M ကုမ္ပဏီ လူကြီးများက ပြန်၍ ဖွဲ့စည်းခဲ့သည်။ ယခင် B.R.M မှ လုပ်ခဲ့သော လျှပ်စစ်မီးစက်မှ ဓာတ်အားကို ရောင်းစားရန်နှင့် ပတ္တမြားရောင်းဝယ်ရေးကို အရံလုပ်ငန်းအဖြစ် လုပ်ကိုင်ရန် ဖြစ်သော်လည်း လုပ်ငန်းများ မအောင်မြင်ပဲ ၁၉၄၁-ခုနှစ်တွင် ပျက်ခဲ့သည်။
ဂျပန်ခေတ်တွင် ဗိုလ်မှူးကြီးကီမူရာခေါင်းဆောင်သော ဂျပန်တပ်များ မိုးကုတ်သို့ ရောက်လာချိန်တွင် မိုးကုတ်သားများက ကျောက်တွင်းများကို ကျောက်တုံးများဖြင့် ပိတ်ဆို့ကွယ်ဝှက်ထားခဲ့သည်။ ဂျပန်ခေတ်တလျှောက်လုံးတွင် ကျောက်တွင်းလုပ်ငန်းများ ရပ်ဆိုင်းခဲ့ရသည်။ ၁၉၄၅-ခုနှစ် မတ်လတွင် မဟာမိတ်တပ်များ မိုးကုတ်ကို သိမ်းပြီးချိန်မှစ၍ ပတ္တမြားနှင့် လေထီးစများ လဲလှယ်ရောင်းဝယ်မှုလုပ်ငန်း ကျယ်ပြန့်လာပြီး ကျောက်တွင်းလုပ်ငန်း အသက်ပြန်ဝင်လာသည်။
ပင်လုံစာချုပ်ချုပ်ဆိုရန် တိုင်းရင်းသားခေါင်းဆောင်များ ဆွေးနွေးချိန်တွင် မိုးကုတ်ကျောက်တွင်း လုပ်ငန်းများအား မိုးမိတ်စော်ဘွား အုပ်ချုပ်မှုအောက်တွင် ထားရန် မိုးမိတ်စော်ဘွား စောခွန်ချိုက တင်ပြခဲ့ရာ လောလောဆယ်တွင် လက်ရှိအတိုင်း စီမံအုပ်ချုပ်ရန် ညှိနှိုင်းခဲ့ကြပြီး စောခွန်ချိုအား ရှမ်းပြည်နယ်ရေးရာ ၀န်ကြီးအဖြစ်လည်းကောင်း၊ နိုင်ငံခြားရေးရာ ၀န်ကြီးအဖြစ်လည်းကောင်း ပူးတွဲတာဝန် ပေးခဲ့သည်။ စောခွန်ချိုသည် ၁၉၅၈-ခုနှစ်အထိ ၄င်းတာဝန်များတွင် ထမ်းဆောင်ခဲ့သည်။ မိုးကုတ်ကျောက်တွင်း လုပ်ငန်းများသည် နိုင်ငံရေးမတည်ငြိမ်မှုများ၏ နှောင့်ယှက်မှု မခံရပဲ လုပ်ကွက်(၁၀၀၀)ကျော် ပုံမှန်တူးဖော် ထုတ်လုပ်လျှက်ရှိခဲ့သည်။ မိုးကုတ်ကျောက်တွင်းလိုင်စင် ခွင့်ပြုစနစ်တွင် တွင်းတူးသမားများအား တွင်းစားအဖြစ် သတ်မှတ်ပေးပြီး ၄င်းတို့ရရှိသည့် ကျောက်အမြတ်ပေါ်မှ ခွဲဝေခံစားခွင့်ပြုလာသည်။ လွတ်လွတ်လပ်လပ် ရောင်းချခွင့်များ တွင်ကျယ်လာသည်။ မှောင်ခိုမှုများလည်း အထိုက်အလျောက် ရှိလာသည်။

၁၉၆၂-ခုနှစ်မှ ၁၉၈၈-ခုနှစ်အထိ
၁၉၆၂-ခုနှစ် မတ်လတွင် တော်လှန်ရေးကောင်စီမှ နိုင်ငံတော်အာဏာသိမ်းပြီးနောက် ၁၉၆၄-ခုနှစ်တွင် ပြည်ပပို့ကုန်လုပ်ငန်း အားလုံးကို အစိုးရက တာဝန်ယူဆောင်ရွက်သည်။ ၁၉၆၄-ခုနှစ် မေလတွင် ကျောက်မျက်ရတနာရောင်းဝယ်ရေးအဖွဲ့ငယ် စတင်ဖွဲ့စည်းရာ ဘဏ္ဍာရေးနှင့်အခွန်ဌာန၊ ရွှေဘိုခရိုင် လုံခြုံရေးနှင့်အုပ်ချုပ်ရေးကော်မတီ၊ ကောက်ပဲသီးနှံရောင်းဝယ်ရေးအဖွဲ့၊ ရေနံနှင့်ဓာတ်သတ္တုပင်ရင်း အခြေအမြစ်များ တိုးတက်အောင် ရှာဖွေထုတ်လုပ်ရေး ကော်ပိုရေးရှင်းတို့မှ ကိုယ်စားလှယ် တစ်ဦးစီနှင့် ပြင်ပကျောက်ကုန်သည်တစ်ဦး၊ စုစုပေါင်း (၅)ဦးတို့ ပါဝင်သည်။ အဆိုပါအဖွဲ့ဖြင့် ကျောက်မျက်အ၀ယ်ဒိုင်ကို မိုးကုတ်မြို့တွင် ဖွင့်လှစ်ဝယ်ယူခဲ့သည်။ ၁၉၆၄-ခုနှစ် ဇွန်လတွင် ကျောက်တွင်းအုပ်ချုပ်ရေး လုပ်ငန်းများကို သတ္တုတွင်းဝန်ကြီးလက်အောက်ခံ ရေနံနှင့်ဓာတ်သတ္တု ရှာဖွေထုတ်လုပ်ရေးကော်ပိုရေးရှင်းသို့ လွှဲပြောင်းပြီး မိုးကုတ်မြို့နယ်ရှိ သူရိန်တောင်၊ လေသာတောင်၊ မိုးကုတ်ဂေါက်ကွင်း၊ ရေပူချိုင့်ဝှမ်း၊ ရေပူဘောလုံးကွင်း၊ အင်းချောက်၊ ပဒန်ရှိုး၊ မင်းတံတား စသည့်ဒေသများတွင် စမ်းသပ်တူးဖော်မှုများ စတင်ခဲ့သည်။ ၁၉၆၄-ခုနှစ် ဒီဇင်ဘာလတွင် ကုန်သွယ်ရေးဌာန၊ မြန်မာ့ထုတ်ကုန်သွင်းကုန်ကော်ပိုရေးရှင်းမှ ဦးဆောင်၍ ပထမအကြိမ် မြန်မာ့ကျောက်မျက်ရတနာပြပွဲကို အင်းယားကန်ဟိုတယ်တွင် စတင်ကျင်းပသည်။
လွတ်လပ်ရေးရပြီးနောက် ၁၉၆၄-ခုနှစ်ထိ နိုင်ငံပိုင် ကျောက်မျက်တူးဖော်မှုလုပ်ငန်း မရှိပဲ၊ ၁၉၆၄-ခုနှစ် ဇွန်လမှစ၍ ပုဂ္ဂလိကပိုင်နှင့် နိုင်ငံပိုင် ကျောက်တွင်းလုပ်ငန်းများ ရှိနေခဲ့သည်။ ၁၉၆၇-ခုနှစ်တွင် မိုးကုတ်ဒေသမှ (၆၃၀၀၀)ကာရက်ရှိ ကမ္ဘာ့အကြီးဆုံး နီလာဂေါ်ကြိုး အရိုင်းတုံးကြီးကို တူးဖော်ရရှိသည်။ (၁၂.၃.၁၉၆၉) နေ့တွင် ပုဂ္ဂလိက ကျောက်တွင်းလုပ်ငန်းအားလုံးအား ပြည်သူပိုင်သိမ်းပြီး ပုဂ္ဂလိက ပိုင်ဆိုင်မှုကိုပါ တားမြစ်လိုက်သဖြင့် ပုဂ္ဂလိကလုပ်ငန်းအားလုံး ရပ်ဆိုင်းသွားခဲ့သည်။ ပုဂ္ဂလိက လက်ဝယ်ရှိ ကျောက်များကို မှတ်ပုံတင်စေပြီးနောက် ကော်ပိုရေးရှင်းအမှတ်(၁၉)က အ၀ယ်ဒိုင် ဖွင့်လှစ်ဝယ်ယူပြီး မှတ်ပုံတင်မရှိသော ကျောက်များကို စစ်ဆင်ရေးတစ်ရပ် ပြုလုပ်၍ ပိုက်စိတ်တိုက် စစ်ဆေးသိမ်းဆည်းခြင်းများ လုပ်ခဲ့သည်။ ပုဂ္ဂလိကများ အနေဖြင့် ကျောက်မျက်များ တရားမ၀င် တူးဖော်ကြပြီး တရားမ၀င် ကျောက်ရောင်းချသည့် ထာပွဲများ ပေါ်ပေါက်လာသည်။ ၁၉၇၆-ခုနှစ်တွင် သတ္တုတွင်းဝန်ကြီးဌာနသည် ကျောက်မျက်ရတနာကော်ပိုရေးရှင်းကို ထူထောင်ပြီး ကျောက်မျက်ရတနာ လေလံတင်ရောင်းချပွဲအား တစ်နှစ်တစ်ကြိမ် ကျင်းပရန် စီစဉ်ဆောင်ရွက်ခဲ့သည်။ ၁၉၈၄-ခုနှစ်တွင် (၁၀.၉၅)ကာရက်ရှိ အရည်အသွေးကောင်းမွန်သော မိုးကုတ်သရဖူပတ္တမြားကြီးအား မိုးကုတ် ရွှေပြည်အေးစခန်းမှ ရရှိခဲ့သည်။

၁၉၈၈-ခုနှစ် နောက်ပိုင်း …
(၁၁.၃.၁၉၉၀)နေ့တွင် နိုင်ငံတော်ငြိမ်ဝပ်ပိပြားမှုတည်ဆောက်ရေးအဖွဲ့သည် ကျောက်မျက်ရတနာ ဖက်စပ် လုပ်ငန်း ဗဟိုကြီးကြပ်ရေးအဖွဲ့ကို ဖွဲ့စည်းခဲ့သည်။ (၂၄.၃.၁၉၉၀)နေ့တွင် ပထမဆုံးအကြိမ် ကျောက်စိမ်းဖက်စပ်လုပ်ငန်းနှင့် ပတ်သက်သည့် စာချုပ်လက်မှတ်ရေးထိုးပွဲ ပြုလုပ်သည်။
၁၉၉၀-ခုနှစ် ဧပြီလတွင် န၀ရတ်ရတနာမြေ၊ ပင်လုံဒေသမှ (၉.၇)ကာရက်ရှိ န၀ရတ်သရဖူ ပတ္တမြားကြီးကို တူးဖော်ရရှိသည်။ မိုးကုတ် ဓာတ်တော်ကွက်ရပ်မှလည်း (၄၉၆.၅)ကာရက်ရှိ န.၀.တ ပတ္တမြားကြီး တူးဖော်ရရှိသည်။ (၂၂.၆.၁၉၉၃)နေ့တွင် မြန်မာ့ကျောက်မျက်ရတနာခန်းမကြီးကို စတင် ပန္နက်ချခဲ့သည်။ (၁၆.၇.၁၉၉၂)နေ့တွင် မိုင်းရှူးကို ရတနာမြေအဖြစ် သတ်မှတ်သည်။ ၁၉၉၅-ခုနှစ်တွင် မြန်မာ့ကျောက်မျက်ရတနာဥပဒေကို ပြဌာန်းသည်။ ၁၉၉၆-ခုနှစ်တွင် ထိုလုတ်(ကင်းရွာ)မှ (၂၁၄၅၀)ကရက်ရှိ ကမ္ဘာ့အကြီးဆုံး ပတ္တမြားအရိုင်းတုံးကြီးကို တူးဖော်ရရှိသည်။ (၂၇.၇.၁၉၉၈)နေ့တွင် ကျောက်မျက်ရတနာဦးစီး ဗဟိုကော်မတီအား ဖွဲ့စည်းခဲ့သည်။ (၂၁.၈.၁၉၉၂)နေ့တွင် ထိုင်းနိုင်ငံမှ VES Group ကုမ္ပဏီနှင့် လက်ဝတ်ရတနာများ ဖက်စပ်ပြုလုပ်ခြင်းလုပ်ငန်းစာချုပ် ချုပ်ဆိုခဲ့သည်။ မိုင်းရှူးရတနာနယ်မြေတွင် ကျောက်မျက်ဖက်စပ်တူးဖော်မှုလုပ်ငန်းကို ရူဘီဒရက်ဂွန် ကုမ္ပဏီနှင့် ခွန်ပအို့ဝ် ကုမ္ပဏီတို့ဖြင့် (၂၉.၁.၂၀၀၀)နေ့တွင် စာချုပ်ချုပ်ဆိုခဲ့သည်။ သတ္တုတွင်းဝန်ကြီးဌာနသည် မိုးကုတ်ရတနာနယ်မြေအား မြန်မာ့ကျောက်မျက်ရတနာ ဥပဒေပုဒ်မ-၆ အရ အစိုးရခွင့်ပြုချက်ဖြင့် (၁၈.၁၀.၂၀၀၁)နေ့ အမိန့်ကြေငြာစာအမှတ် ၈၇/၂၀၀၁ ဖြင့် ယခင်ထုတ်ပြန်ထားသည့် ရတနာနယ်မြေကို ပြင်ဆင်ဖြည့်စွက်၍ သတ်မှတ်ခဲ့သည်။

(မိုးကုတ်ဖော်တော်ဦးမြတ်စွာဘုရား သမိုင်းကျောက်စာမှ ကူးယူဖော်ပြပါသည်။)