Tuesday, August 25, 2009

သခင်သာခင် (သို့မဟုတ်) မိုးကုတ်နယ်သား ထူးချွန်သောနိုင်ငံရေးသမား




သခင်သာခင်ကို ၁၉၁၇- ခုနှစ် ဇူလိုင်လ (၆) ရက်နေ့တွင် မိုးကုတ်မြို့နယ်၊ ကင်းရွာ၌ မွေးဖွားခဲ့ပြီး မြို့မရပ်ကွက်တွင် နေထိုင်ကြီးပြင်းခဲ့ပါသည်။ သခင်သာခင်သည် ရှမ်းကုလား ကပြားဖြစ်ပြီး ဗုဒ္ဓဘာသာကို ယုံကြည်ကိုးကွယ်ပါသည်။ မွေးချင်းမောင်နှမ သုံးဦးအနက် အကြီးဆုံးသားဖြစ်၍ ညီမများမှာ ဒေါ်စောမေနှင့် ဒေါ်အေးကြည် တို့ဖြစ်ကြသည်။ ဖခင်မှာ အိန္ဒိယနိုင်ငံသား ဟိန္ဒူလူမျိုး ဦးရာမသုခဖြစ်၍ မိခင်မှာ ရှမ်းလူမျိုး ဒေါ်ခွန့် တို့ဖြစ်ကြသည်။
ဖခင်ဖက်မှ အဖိုးဖြစ်သူသည် အိန္ဒိယနိုင်ငံရှိ ဗြိတိသျှအစိုးရလက်အောက်ခံ အိန္ဒိယစစ်တပ်တွင် ဗိုလ်မှူး (Major) အဆင့်ဖြင့် တာဝန်ထမ်းဆောင်ခဲ့သူ Mr. Fagul Singh ဖြစ်သည်။ Mr.Singh သည် အိန္ဒိယစစ်တပ်၏ ပုန်ကန်ထကြွမှုတွင် ခေါင်းဆောင်တစ်ဦးအဖြစ် ပါဝင်ခဲ့ရာ အင်္ဂလိပ်အစိုးရ၏ ဖမ်းဆီးခြင်းခံခဲ့ရသည်။ သို့သော်လည်း အိန္ဒိယ အထက်တန်းစားမျိုးရိုးမှ ဆင်းသက်လာသူတစ်ဦး ဖြစ်ခြင်းကြောင့် ၄င်းအား အင်္ဂလိပ်အစိုးရမှ လွတ်ငြိမ်းချမ်းသာခွင့်ပေးခဲ့ပြီး မျိုးရိုးစဉ်ဆက် ပိုင်ဆိုင်လာခဲ့သော လယ်ယာမြေများကိုလည်း ဆက်လက်ပိုင်ဆိုင်ခွင့် ပေးခဲ့ပါသည်။ နောက်ပိုင်းတွင် Mr.Singh သည် အိန္ဒိယနိုင်ငံ၏ လွတ်လပ်ရေးအတွက် ကြိုးပမ်းဆောင်ရွက်နေသော အိန္ဒိယအမျိုးသားကွန်ဂရက် အသင်းကြီးသို့ ၀င်ရောက်ခဲ့ပြီး နိုင်ငံရေး ပါဝင်လှုပ်ရှားခဲ့ပါသည်။
မိခင်ဖြစ်သူ ဒေါ်ခွန့်သည် တရုတ်နိုင်ငံ၊ ယူနန်ပြည်နယ်ဘုရင်ခံ၏ လက်အောက်ခံ ရှမ်းနယ်မှ စော်ဘွားတစ်ဦးဖြစ်သော စ၀်လုံဖ၏ သမီးဖြစ်သည်။ ဖခင်ဖြစ်သူ စ၀်လုံဖ၏ အရိုက်အရာကို ၄င်း၏ညီဖြစ်သူက လုယူသိမ်းပိုက်လိုက်သဖြင့် ထွက်ပြေးတိမ်းရှောင်ခဲ့ကြရာမှ မိုးကုတ်ရတနာမြေသို့ ရောက်ရှိလာခြင်းဖြစ်ပါသည်။ ဒေါ်ခွန့်၏ မွေးချင်းအစ်ကိုကြီး တစ်ယောက်မှာလည်း တရုတ်နိုင်ငံ ပီကင်းမြို့တော်ရှိ ဘုရင့်စစ်တက္ကသိုလ် သင်တန်းကျောင်းသို့ တက်ရောက်ခွင့်ရရှိခဲ့ပြီး မန်ချူးဘုရင့်တပ်မတော်တွင် စစ်ဗိုလ်တစ်ဦးအဖြစ် အမှုထမ်းခဲ့သူဖြစ်သည်။ ၁၉၁၁-ခုနှစ်တွင် ဖြစ်ပွားခဲ့သည့် ဒေါက်တာဆွန်ယက်ဆင် ခေါင်းဆောင်သော တရုတ်ဘုရင်စနစ်ကို ဖြုတ်ချသည့် တော်လှန်ရေး၌ ပါဝင်ခဲ့သူ တစ်ဦးလည်းဖြစ်သည်။ ထို့ကြောင့် ဖခင်နှင့်မိခင် နှစ်ဖက်စလုံးမှ မျိုးရိုးဆင်းသက် ဆက်နွယ်မှုကို ကြည့်ခြင်းအားဖြင့် သခင်သာခင်သည် နိုင်ငံရေးဗီဇ နဂိုကတည်းကရင်း ပါရှိခဲ့သူ ဖြစ်သည်ဟု ယူဆနိုင်ပါသည်။

နိုင်ငံရေးသမားဘ၀အစ


အသက်နှစ်ဆယ်အရွယ် ကျောင်းသားကလေး ကိုသာခင်သည် ၁၉၃၆- ခုနှစ်တွင် စစ်ကိုင်းမြို့ အစိုးရအထက်တန်းကျောင်း၌ ဆယ်တန်းကျောင်းသားအဖြစ် ပညာသင်ယူလျက်ရှိသည်။ ထိုနှစ်တွင် ရန်ကုန်တက္ကသိုလ်နှင့် မန္တလေးဥပစာကောလိပ် ကျောင်းသားများက ကိုလိုနီအစိုးရကို မကျေနပ်၍ သပိတ်မှောက်ကြရာ မြန်မာနိုင်ငံအရပ်ရပ်ရှိ အစိုးရအထက်တန်းကျောင်းများသို့လည်း သပိတ်ပျံ့နှံ့ ရောက်ရှိခဲ့သည်။ ထိုအချိန်တွင် မန္တလေးဥပစာကောလိပ်မှ ကျောင်းသားခေါင်းဆောင် တစ်ဦးဖြစ်သူ ကိုဗဟိန်းနှင့် ကျောင်းသားများသည် စစ်ကိုင်းမြို့သို့ ရောက်ရှိလာကြပြီး အစိုးရအထက်တန်းကျောင်းကို ၀န်းရံကာ ကျောင်းသားများအား သပိတ်အတွင်း ပါဝင်လာစေရန် ကြွေးကြော်ကြသည်။
ထိုစဉ်က စစ်ကိုင်းအစိုးရအထက်တန်းကျောင်း၏ ကျောင်းအုပ်မှာ အင်္ဂလိပ်လူမျိုး မစ္စတာဒေါင်း ဖြစ်သည်။ ၄င်းက မိမိလက်အောက်ရှိ ကျောင်းသားများအား တုတ်များဝေငှ၍ ကိုဗဟိန်းခေါင်းဆောင်သော ကျောင်းသားအဖွဲ့ကို ရိုက်နှက်ရန် စေခိုင်းလိုက်သည်။ ထိုအခါ အထက်တန်းကျောင်းမှ ကျောင်းသားတချို့သည် ကျောင်းဝင်းထရံအနီးသို့ ကပ်လာသော ကှိုဗဟိန်းခေါင်းဆောင်သည့် ကျောင်းသားများအား ရိုက်နှက်ကြသည်။ ရိုက်နှက်ခံရသော ကျောင်းသားများထဲတွင် ကိုဗဟိန်းလည်း ပါဝင်ခဲ့သည်။ ကိုသာခင်မှာ ကျောင်းအုပ်ကြီးက စေခိုင်းသောကြောင့် တုတ်ကိုင်သွားသော ကျောင်းသားအဖွဲ့နှင့် လိုက်ပါသွားသော်လည်း ရိုက်နှက်ရာတွင် ပါဝင်ခြင်းမရှိခဲ့ပေ။
ကျောင်းသားခေါင်းဆောင် ကိုဗဟိန်းသည် ရုပ်ရည် တည်ကြည်ခန့်ညားပြီး ကိုသာခင်အနေဖြင့် ၄င်းအား ပထမဆုံး မြင်တွေ့ဖူးခြင်း ဖြစ်သည်။ ကိုသာခင်သည် ကိုဗဟိန်း အရိုက်ခံရသည်ကို မြင်တွေ့ရသောအခါ စိတ်ထိခိုက်သွားခဲ့သည်။ ထိုရိုက်နှက်ပွဲတွင် ကိုဗဟိန်းမှာ ဒဏ်ရာပြင်းထန်စွာ မရသော်လည်း အနာတရဖြစ်သွားခဲ့ရသည်။ ကိုသာခင်အနေဖြင့် ထိုသို့ကြုံတွေ့ရပုံကို မိမိတစ်သက်တာတွင် အမှတ်တရ ဖြစ်နေခဲ့သည်။ ထိုနှစ်တွင် ကိုသာခင်သည် ဆယ်တန်းစာမေးပွဲကို ဖြေဆိုပြီးနောက် မိုးကုတ်မြို့သို့ ပြန်လာခဲ့သည်။
မိုးကုတ်မြို့သို့ ရောက်ရှိသောအခါ နယ်ပိုင်ဝန်ထောက်ရုံး၌ စာရေးဝန်ထမ်းအဖြစ် ၀င်ရောက် လုပ်ကိုင်ခဲ့သည်။ ရုံးစာရေးဝန်ထမ်း လုပ်နေစဉ်အတွင်း မိုးကုတ်သူ ဒေါ်ခင်ရွှေနှင့် အိမ်ထောင်ကျခဲ့သည်။ ၁၉၃၈-ခုနှစ်တွင် ရုံးစာရေးအဖြစ်မှ နုတ်ထွက်ခဲ့ပြီး ကျောက်မျက်ရတနာ အရောင်းအ၀ယ်လုပ်ငန်းကို လုပ်ကိုင်ရင်း မိုးကုတ်မြို့မှ ရန်ကုန်မြို့သို့ ဆင်းလာခဲ့သည်။ ရန်ကုန်မြို့သို့ ရောက်ရှိနေတုန်းအခိုက် ကိုဗဟိန်းသည် ရန်ကုန်တက္ကသိုလ် ကျောင်းသားများသမဂ္ဂ ဥက္ကဌအဖြစ် ဆောင်ရွက်နေကြောင်း သိရသဖြင့် ရန်ကုန်တက္ကသိုလ်သို့ သွားရောက်ပြီး ကိုဗဟိန်းနှင့် တွေ့ဆုံခဲ့သည်။ ထိုသို့တွေ့ဆုံကြသည့်အခါ ယခင် စစ်ကိုင်းအထက်တန်းကျောင်းတုန်းက အဖြစ်အပျက်များကို ပြန်လည်ပြောပြရင်း သူ့အနေဖြင့် ကျောင်းအုပ်ကြီး၏ ဆောင်ရွက်မှုအပေါ် မကျေနပ်ခဲ့သည့်အကြောင်း၊ စိတ်ထဲတွင်လည်း မခံမရပ်နိုင် ဖြစ်ရပုံအကြောင်း၊ ကျောင်းသားများအား ရိုက်နှက်သည့်အထဲတွင် မိမိအနေဖြင့် ပါဝင်ခဲ့ခြင်း မရှိသည့်အကြောင်းကို ကိုဗဟိန်းအား ပြန်လည်ပြောပြခဲ့သည်။
ထိုစဉ်က ကိုဗဟိန်းသည် ကိုသာခင်၏ အပြောအဆို၊ အပြုအမူကို အကဲခတ်ကာ မျိုးချစ်စိတ်ရှိသော လူငယ်တစ်ယောက်အဖြစ် ယူဆခဲ့သည်။ ထို့ကြောင့် ကိုသာခင်အား ရန်ကုန်မြို့သို့ ရောက်ရှိနေစဉ်အခိုက် တို့ဗမာအစည်းအရုံးသို့လည်း သွားရောက်လေ့လာသင့်ကြောင်း အကြံပြုခဲ့သည်။ ကိုသာခင်သည် ကိုဗဟိန်း၏ အကြံပြုချက်ကို စိတ်ဝင်စားခဲ့ပြီး တို့ဗမာအစည်းအရုံးသို့ သွားရောက်ခဲ့သည်။ တို့ဗမာအစည်းအရုံး၌ သခင်မြ၊ ကျုံမငေး သခင်တင်မောင်၊ ကာလကတ္တားတွင် ကျောင်းတက်၍ ပြန်ရောက်လာသော နောင် သခင်လှဖေ (ခ) ဗိုလ်လင်္ကျာ တို့ကို တွေ့ဆုံခဲ့ရသည်။ ယင်းပုဂ္ဂိုလ်များက ကိုသာခင်နှင့်အတူ နိုင်ငံရေးအကြောင်း၊ တို့ဗမာအစည်းအရုံးအကြောင်းကို ပြောဆိုဆွေးနွေးခဲ့ကြသည်။ ကိုသာခင်သည် ၁၉၃၉- ခုနှစ်တွင် တို့ဗမာအစည်းအရုံးသို့ သခင်အဖြစ် မှတ်ပုံတင်ဝင်ရောက်ခဲ့သည်။
ကိုသာခင်သည် အထက်တန်းပညာရေးကို Grade A ဖြင့် အောင်မြင်ခဲ့ပြီး တက္ကသိုလ်ပညာရေးကို ဆက်လက်သင်ယူနိုင်သော်လည်း ကျောင်းဆက်မတက်တော့ပဲ ၁၉၃၉- ခုနှစ်တွင် နိုင်ငံရေးလောကထဲသို့ ခြေစုံပစ်ဝင်ရောက်ခဲ့ပြီး သခင်လှုပ်ရှားမှုတွင် ပါဝင်ခဲ့သည်။ ထိုအချိန်မှစ၍ ကိုသာခင်သည် သခင်သာခင် ဟူသောအမည်ကို ခံယူခဲ့ပါသည်။

လွတ်လပ်ရေးကြိုးပမ်းမှုကာလ သခင်ပေါက်စ

သခင်သာခင်သည် ရန်ကုန်မြို့မှ မိုးကုတ်မြို့သို့ပြန်လာခဲ့ရာတွင် အမရပူရမြို့သား သခင်သိန်းမောင်နှင့်အတူ လိုက်ပါလာခဲ့သည်။ ထိုအချိန်မှစပြီး သခင်သိန်းမောင်နှင့် သခင်သာခင်တို့သည် မကြာခဏ ဆက်သွယ်မိကြကာ မိုးကုတ်၊ မန္တလေး၊ အမရပူရ၊ စစ်ကိုင်းမြို့ရှိ သခင်အဖွဲ့အချင်းချင်းကြား ရင်းရင်းနှီးနှီး ရှိလာခဲ့သည်။ သခင်သာခင်သည်လည်း ရန်ကုန်မြို့သို့ မကြာမကြာ လာရောက်တိုင်း တို့ဗမာအစည်းအရုံးဌာနချုပ်သို့ ၀င်ထွက်သွားလာပြီး တို့ဗမာအစည်းအရုံး၏ သခင်ခေါင်းဆောင်ပိုင်း များနှင့် ရင်းနှီးကျွမ်းဝင်ခဲ့သည်။
တို့ဗမာအစည်းအရုံးမှ သခင်များသည် အင်္ဂလိပ်နယ်ချဲ့ကိုလိုနီများအား ဆန့်ကျင်တော်လှန်ရေး အတွက် ယူဂျီ ခေါ် မြေအောက်လှုပ်ရှားမှုအဖွဲ့ကို ဖွဲ့စည်းပြီး လက်နက်စုဆောင်းရေး၊ ပြောက်ကျားစစ်လေ့ကျင့်ခန်း၊ ရန်သူလှုပ်ရှားမှုများကို ဗဟိုသို့သတင်းပေးပို့ရေး၊ ဂျပန်က လေကြောင်းဖြင့် ချပေးမည်ဆိုသည့် လက်နက်များအား စောင့်ယူရေး စသည်တို့ကို ဆောင်ရွက်ခဲ့သည်။ ယင်းတာဝန်များကို ဆောင်ရွက်ရာတွင် သခင်သာခင်သည်လည်း ပါဝင်ခဲ့သည်။ ဗမာ့လွတ်လပ်ရေးတပ်တော် (BIA) သည် အထက်မြန်မာပြည်သို့ ရောက်လာသောအခါ သခင်သာခင်သည် အထက်မြန်မာပြည်စစ်ရုံး၌ ဗိုလ်အဖြစ်ခန့်အပ်ခြင်းခံရပြီး ဗိုလ်လင်းယုန်တပ်၌ အမှုထမ်းရသည်။ ၁၉၄၀-၄၁ ခုနှစ်အတွင်း အထက်မြန်မာပြည် နယ်ချဲ့တော်လှန်ရေးတွင် တာဝန်ခံ ခေါင်းဆောင်အဖြစ် ပါဝင်ခဲ့ပြီး ဗမာ့လွတ်လပ်ရေးတပ်မတော် (BIA) ၌ ဗိုလ်ကြီးအဆင့်ထိ တာဝန်ထမ်းဆောင်ခဲ့ပါသည်။
ထိုစဉ်က သခင်သာခင်သည် အထက်မြန်မာပြည်လုံးဆိုင်ရာ BIA အုပ်ချုပ်ရေးအဖွဲ့၏ ဖွဲ့စည်းရေးမှုးအဖွဲ့တွင် တစ်ဦးအပါအ၀င် ဖြစ်ခဲ့သည်။ ၁၉၄၁- ခုနှစ်တွင် ဖွဲ့စည်းခဲ့သည့် မြေအောက်တော်လှန်ရေး အဖွဲ့ခွဲတွင် မိုးကုတ်ဒေသတာဝန်ခံအဖြစ် ဆောင်ရွက်ခဲ့ပါသည်။ ၁၉၄၂ ဇွန်လလယ်တွင် BIA တပ်ဖွဲ့ကို ဖျက်သိမ်းလိုက်သောအခါ မွေးရပ်မြေ မိုးကုတ်မြို့သို့ ပြန်လာခဲ့ပါသည်။

ဂျပန်ခေတ်ကာလ ရဲဝန်ထမ်းဘ၀

မိုးကုတ်မြို့တွင် တစ်လခန့်အနားယူပြီးသောအခါ ရန်ကုန်သို့ဆင်းလာခဲ့ပြီး သခင်မြ၊ ဦးကျော်ငြိမ်း တို့နှင့် တွေ့ဆုံ၍ ၄င်းတို့၏စီစဉ်ပေးမှုဖြင့် ရဲဗိုလ်သင်တန်းကို တက်ရောက်ခဲ့သည်။ သင်တန်းပြီးဆုံးသည့်အခါ ရှမ်းပြည် တောင်ကြီးမြို့သို့ ခရိုင်ရဲဝန် (DSP) ရာထူးဖြင့် ရဲလုပ်ငန်းတာဝန်များ ထမ်းဆောင်ခဲ့သည်။ သခင်သာခင်သည် ၁၉၄၁-၄၅ ဂျပန်ခေတ် တစ်လျှောက်လုံးတွင် အစိုးရဖက်၌ ခရိုင်ရဲဗိုလ်မှုးအဖြစ် ကသာ၊ လားရှိုး၊ တောင်ကြီးတို့၌ တာဝန်ထမ်းဆောင်ခဲ့ပါသည်။ ၁၉၄၅-ခုနှစ် မတ်လတွင် ဖက်ဆစ်ဂျပန်ကို တော်လှန်ရန်အတွက် ရှမ်းပြည်မှ ဦးတင်အေး အစရှိသော လူငယ်ခေါင်းဆောင်များနှင့်အတူ တောခိုခဲ့ပါသည်။ ထိုနောက် ဖက်ဆစ်ဂျပန်တော်လှန်ရေးတွင် စစ်တိုင်းအမှတ် (၆)မှ ဗိုလ်မှုးရဲထွတ် ဦးစီးသော ဘယကျော်ထင်တပ်ဖွဲ့တွင် တောင်ပိုင်းရှမ်းပြည်၊ ပျဉ်းမနားနယ်စပ် တာဝန်ခံအဖြစ် ဆောင်ရွက်ခဲ့သည်။ တော်လှန်ရေးပြီး၍ ရန်ကုန်မြို့ရှိ ခေါင်းဆောင်များထံသို့ သတင်းပို့ပြီး မိုးကုတ်သို့အပြန် လမ်းခရီး၌ အဖမ်းဆီးခံရကာ ရွှေဘိုအကျဉ်းထောင်တွင် နှစ်လ အကျဉ်းကျခံခဲ့ရပါသည်။
ထိုနောက် ဗိုလ်ချုပ်အောင်ဆန်းမှနေ၍ သက်ဆိုင်ရာအာဏာပိုင်များထံသို့ မေတ္တာရပ်ခံ တောင်းဆိုမှုအရ အနယ်နယ်အရပ်ရပ်တွင် ထောင်အကျဉ်းကျခံနေရသော သခင်နိုင်ငံရေးသမားများ လွတ်မြောက်လာခဲ့ကြသည်။

ဖဆပလ ခေတ် နိုင်ငံရေးလှုပ်ရှားမှု

၁၉၄၇- ခု ဗိုလ်ချုပ်အောင်ဆန်း ခေါင်းဆောင်သော ဖဆပလ ခေတ်တွင် သခင်သာခင်သည် မိုးကုတ်မြို့သို့ပြန်လာပြီး ဖဆပလ အဖွဲ့ကို ဖွဲ့စည်းခဲ့သည်။ မိုးကုတ်မြို့နယ် ဖဆပလ အဖွဲ့ကို စတင်ဖွဲ့စည်းရာ၌ ဥက္ကဌအဖြစ် သခင်ဘသိန်း၊ အတွင်းရေးမှုးအဖြစ် သခင်သာခင် တို့က တာဝန်ယူ ဆောင်ရွက်ခဲ့ကြသည်။ ထို့နောက် သခင်သာခင်အား ဖဆပလ ရန်ကုန်ဌာနချုပ်က ခေါ်ယူ၍ အထက်မြန်မာပြည် ဖဆပလ စည်းရုံးရေး တိုင်းမှုးအဖြစ် တာဝန်ပေးအပ်ခဲ့သည်။ ထို့နောက် ရန်ကုန်ဗဟိုဌာနချုပ်တွင် လက်ထောက်အတွင်းရေးမှုး တာဝန်ကို ထမ်းဆောင်ခဲ့ရသည်။
၁၉၄၇-ခုနှစ်တွင် သခင်ဘသိန်းသည် ကသာခရိုင် မိုးကုတ်မဲဆန္ဒနယ်မှနေ၍ တိုင်းပြုပြည်ပြု လွှတ်တော်အမတ်အဖြစ် အရွေးချယ်ခံရပြီး သခင်သာခင်မှာမှု ပြည် ကျေးလက်အရှေ့ပိုင်း မဲဆန္ဒနယ်မှ ၀င်ရောက်အရွေးခံခဲ့ပါသည်။ ထိုစဉ်က သခင်သာခင်သည် ယှဉ်ပြိုင်ဖက်မရှိပဲ ရွေးကောက်ပွဲတွင် အနိုင်ရရှိခဲ့ကာ တိုင်းပြုပြည်ပြုလွှတ်တော်အမတ် ဖြစ်လာခဲ့ပါသည်။ ထို့နောက် အစိုးရအဖွဲ့တွင် ပြည်ထဲရေး၊ ကာကွယ်ရေး၊ နိုင်ငံခြားရေးဌာနများနှင့် ၀န်ကြီးချုပ်ရုံးတို့တွင် ပါလီမန်အတွင်းဝန်အဖြစ် ဆောင်ရွက်ခဲ့သည်၊၊
၁၉၅၁-ခု ရွေးကောက်ပွဲတွင် သခင်သာခင်သည် မိုးကုတ်မဲဆန္ဒနယ်မှ ရွေးကောက် တင်မြှောက်ခံရသော ပါလီမန်အမတ် ဖြစ်လာခဲ့ပြီး အစိုးရအဖွဲ့တွင် ကူးသန်းရောင်းဝယ်ရေး၊ ကုန်စည်ဖြန့်ဖြူးရေးနှင့် သမ၀ါယမ၀န်ကြီးအဖြစ် ဆောင်ရွက်ခဲ့သည်။ ၁၉၅၄- ခုနှစ် သြဂုတ်လတွင် ကျန်းမာရေးချို့ယွင်းလာသည့်အတွက် အစိုးရအဖွဲ့မှ ခေတ္တနုတ်ထွက်ခဲ့ပါသည်။ ထိုနောက်ပိုင်း သခင်သာခင်သည် ဖဆပလ အဖွဲ့ချုပ်တွင် တွဲဖက်အထွေထွေအတွင်းရေးမှုး အနေဖြင့် အမြင့်ဆုံးတာဝန် ထမ်းဆောင်ခဲ့ပါသည်။ ထိုစဉ်က အထွေထွေအတွင်းရေးမှုးမှာ ဦးဗဆွေ ဖြစ်၍ ၄င်း၏လက်အောက်တွင် အရေးကြီးသော တာဝန်များကို ဆက်လက်ထမ်းဆောင်ခဲ့ပါသည်။ ၁၉၅၆- ခု ရွေးကောက်ပွဲတွင် မိုးကုတ်မဲဆန္ဒနယ်မှ ပါလီမန်အမတ်အဖြစ် ဆက်တိုက်အရွေးခံခဲ့ရပြီး အစိုးရအဖွဲ့တွင် ပြည်ထဲရေးဝန်ကြီး အဖြစ် ဖဆပလ အဖွဲ့ကြီး နှစ်ခြမ်းမကွဲမှီ အချိန်အထိ တာဝန်ထမ်းဆောင်ခဲ့သည်။
၁၉၄၇- ခု ဇူလိုင်လတွင် ဗိုလ်ချုပ်အောင်ဆန်းလုပ်ကြံခံရပြီးနောက် သခင်နုသည် ဖဆပလ အဖွဲ့ကြီး၏ ဥက္ကဌဖြစ်လာခဲ့သည်။ သခင်နု ဖဆပလ ဥက္ကဌဖြစ်ပြီး (၁၁) နှစ်ကျော်အကြာ ၁၉၅၈- ခုနှစ် မေလလယ်တွင် ဖဆပလ အဖွဲ့ကြီးသည် နှစ်ခြမ်းကွဲခဲ့ရပါသည်။ ထိုစဉ်က ဖဆပလ အဖွဲ့ကြီးတွင် အဓိကခေါင်းဆောင်များမှာ ဦးနု၊ ဦးကျော်ငြိမ်း၊ သခင်တင်နှင့် ဦးဗဆွေတို့ ဖြစ်ကြသည်။ ဦးကျော်ငြိမ်းသည် ဆိုရှယ်လစ်ခေါင်းဆောင်တစ်ဦးအဖြစ် ထင်ရှားပြီး သခင်သာခင်မှာ ဦးကျော်ငြိမ်း၏ ညာလက်ရုံး ဖြစ်ခဲ့သည်။ ဖဆပလ နှစ်ခြမ်းကွဲသွားသည့်နောက် ဦးနုနှင့် သခင်တင်၏ အုပ်စုကို သန့်ရှင်းဦးဗဆွေနှင့် ဦးကျော်ငြိမ်းတို့ လူစုကို တည်မြဲဟု ပြည်သူလူထုက ကင်ပွန်းတပ်ခဲ့ကြသည်။
ထိုသို့ နှစ်ခြမ်းကွဲသွားပြီးနောက် လွှတ်တော်တွင် မဲခွဲဆုံးဖြတ်ရာ သန့်ရှင်းဖဆပလ အဖွဲ့က တည်မြဲဖဆပလ အဖွဲ့အပေါ် (၈)မဲအသာဖြင့် ကပ်၍ အနိုင်ရရှိခဲ့ပြီး အစိုးရအဖွဲ့ကို ဖွဲ့စည်းနိုင်ခဲ့သည်။ တည်မြဲဖဆပလ အဖွဲ့တွင်ပါဝင်သော သခင်သာခင်သည်လည်း ပြည်ထဲရေးဝန်ကြီးအဖြစ်မှ နုတ်ထွက်ခဲ့ရသည်။
ဝန်ကြီးချုပ်ဦးနု ဦးဆောင်သော သန့်ရှင်းဖဆပလ လက်ထက်တွင် တိုင်းပြည်မှာ အဖက်ဖက်မှ ယိုယွင်းလာသည့်အတွက် ထိုစဉ်က ကာကွယ်ရေးဦးစီးချုပ်ဖြစ်သူ ဗိုလ်ချုပ်ကြီးနေ၀င်းအား အိမ်စောင့်အစိုးရကို တာဝန်ယူဖွဲ့စည်းနိုင်ရန် အာဏာလွှဲပြောင်း ပေးခဲ့ရသည်။ ထို့နောက် ၁၉၅၈ အောက်တိုဘာ (၂၉)ရက်နေ့တွင် ဗိုလ်ချုပ်ကြီးနေ၀င်းခေါင်းဆောင်သော အိမ်စောင့်အစိုးရ ပေါ်ပေါက်လာခဲ့သည်။ အိမ်စောင့်အစိုးရသည် ၁၉၆၀- ခု ဧပြီလ (၃)ရက်အထိ တိုင်းပြည်ကို အုပ်ချုပ်ခဲ့ပါသည်။
၁၉၆၀- ခု ဖေဖေါ်ဝါရီလ (၆)ရက်နေ့တွင် အိမ်စောင့်အစိုးရမှ ကျင်းပပေးသည့်ရွေးကောက်ပွဲ၌ တည်မြဲအဖွဲ့သည် သန့်ရှင်းအဖွဲ့ကို ရှုံးနိမ့်ခဲ့ပါသည်။ ၁၉၆၀- ခုနှစ်တွင်ကျင်းပသော ရွေးကောက်ပွဲ၌ သခင်သာခင်သည် မိုးကုတ်အမတ်အဖြစ် အနိုင်ရခဲ့ပြီး ပါလီမန်လွှတ်တော်တွင် တည်မြဲဖက်မှ အတိုက်အခံခေါင်းဆောင်အဖြစ် ရပ်တည်ခဲ့သည်။ ထိုစဉ်က အတိုက်အခံခေါင်းဆောင်အနေဖြင့် တာဝန်ယူခဲ့ရာတွင် အစိုးရ၀န်ကြီးအဖွဲ့ဝင်ကဲ့သို့ပင် လစာခံစားရရှိသည်။ ၁၉၅၈- ခုနှစ်မှစ၍ သခင်သာခင်သည် တည်မြဲဖဆပလ အဖွဲ့တွင် အထွေထွေအတွင်းရေးမှုးချုပ် ရာထူးကို ရရှိခဲ့ပြီး တော်လှန်ရေးကောင်စီ၏ အဖမ်းဆီးမခံရမှီ အချိန်တိုင်အောင် ဆောင်ရွက်ခဲ့ပါသည်။ သခင်သာခင်သည် အတိုက်အခံခေါင်းဆောင်အဖြစ် ၁၉၆၀- ခုနှစ်မှစ၍ ဗိုလ်ချုပ်ကြီးနေ၀င်းဦးဆောင်သော တော်လှန်ရေးကောင်စီမှ ပြည်သူ့လွှတ်တော်ကို မဖျက်သိမ်းမှီ ၁၉၆၂- ခု မတ်လအထိ ဆောင်ရွက်ခဲ့ပါသည်။ ၁၉၆၁- ခု ဇွန်လတွင် အင်္ဂလန်နိုင်ငံသို့ သွားရောက်ခဲ့သော အစိုးရကိုယ်စားလှယ် အဖွဲ့တွင် သခင်သာခင်သည်လည်း တစ်ဦးအပါအ၀င်ဖြစ်သည်။
သခင်သာခင်၏ နိုင်ငံရေးသမားဘ၀တွင် ၄င်းနှင့်အရင်းနှီးဆုံးသော ပုဂ္ဂိုလ်များ၌ ၀န်ကြီးချုပ်ဦးနု၊ ဒုတိယ၀န်ကြီးချုပ် ဦးကျော်ငြိမ်း၊ ၀န်ကြီး ဗိုလ်ခင်မောင်ကလေး၊ ဆိုရှယ်လစ်ခေါင်းဆောင်တစ်ဦး ဖြစ်သည့် ဦးဗဆွေ အစရှိသော ခေါင်းဆောင်ကြီးများလည်း ပါဝင်သည်။ သခင်သာခင်သည် ထိုခေါင်းဆောင်များ၏ နိုင်ငံရေးတပည့်မျိုး မဟုတ်ပဲ ထိုခေါင်းဆောင်များက ပေးအပ်သော တာဝန်များကို ယုံကြည်စွာ ထမ်းဆောင်ခဲ့သော ရဲဘော်ရဲဖက်ကောင်း တစ်ဦးသာ ဖြစ်ခဲ့ပါသည်။ သခင်သာခင်သည် အမျိုးသားခေါင်းဆောင်ကြီး ဗိုလ်ချုပ်အောင်ဆန်း၏ အသိအမှတ်ပြုခြင်းကို ခံယူရရှိခဲ့သူ နိုင်ငံရေးကေဒါ တစ်ဦးလည်းဖြစ်ပါသည်။ ထို့ပြင် သခင်သာခင်သည် ကိုယ်ကျိုးမရှာသော နိုင်ငံရေးသမား တစ်ဦးအဖြစ် ရပ်တည်နိုင်ခဲ့သူလည်း ဖြစ်သည်။

တော်လှန်ရေးကောင်စီလက်ထက် နိုင်ငံရေးသမားဘ၀

၁၉၆၂- ခုနှစ် မတ်လ (၂)ရက်နေ့တွင် ဗိုလ်ချုပ်ကြီးနေ၀င်း ခေါင်းဆောင်ပြီး ပြည်ထောင်စုအစိုးရ တစ်ဖွဲ့လုံးကို ဖြုတ်ချ၍ နိုင်ငံတော်အာဏာကို သိမ်းယူခဲ့ပါသည်။ တော်လှန်ရေးကောင်စီအစိုးရ ပေါ်ပေါက်လာသည်နှင့် တပြိုင်နက် ပြည်သူ့လွှတ်တော်နှင့် လူမျိုးစုလွှတ်တော်ကို ဖျက်သိမ်းခဲ့ပါသည်။ ထိုအခါ ပြည်သူ့လွှတ်တော်တွင် အတိုက်အခံခေါင်းဆောင်အဖြစ် ဆောင်ရွက်နေသော သခင်သာခင်သည်လည်း ၄င်းရာထူးမှ ဖြုတ်ချခံရသည်။ သို့သော် တော်လှန်ရေးကောင်စီမှ ဖမ်းဆီးထိန်းသိမ်းခံရသော နိုင်ငံရေးသမားများထဲတွင် မပါဝင်ခဲ့ပေ။ ထို့ကြောင့် သခင်သာခင်သည်လည်း မိမိနေအိမ်တွင် နေထိုင်ပြီး ရှုပ်ထွေးလာသော နိုင်ငံရေးအခြေအနေများကို စောင့်ကြည့်လေ့လာနေခဲ့သည်။
သခင်သာခင်သည် ဗိုလ်ချုပ်ကြီးနေ၀င်း၏ မြန်မာ့ဆိုရှယ်လစ်လမ်းစဉ်ကို ထောက်ခံခြင်း မပြုခဲ့ပေ။ ဗိုလ်ချုပ်ကြီးနေ၀င်းနှင့် နိုင်ငံရေးပါတီ ခေါင်းဆောင်များအကြား စေ့စပ်ဆွေးနွေးရေးကိစ္စ ပျက်ပြားသွားသောအခါ တည်မြဲ ဖဆပလ ခေါင်းဆောင်အချို့ကို အစိုးရက လိုက်လံဖမ်းဆီးရာ သခင်သာခင်သည် အဖမ်းဆီးမခံပဲ တိမ်းရှောင်နေခဲ့ပါသည်။
တော်လှန်ရေးကောင်စီ အစိုးရမှ နိုင်ငံရေးပါတီများကို ဖျက်သိမ်းပစ်လိုက်ပြီးနောက် ၁၉၆၃-ခု အောက်တိုဘာလတွင် သခင်သာခင်သည် မြေအောက်လုပ်ငန်းသို့ ရောက်ရှိခဲ့ကာ အစိုးရကို ဆန့်ကျင်တော်လှန်သူအဖြစ် တံဆိပ်တပ်ခြင်း ခံခဲ့ရသည်။ ထို့ကြောင့် သခင်သာခင်သည် မိမိလုပ်ဆောင်လိုသော နိုင်ငံရေးလုပ်ငန်းများ အနှောင့်အယှက် ကင်းရှင်းစွာ လုပ်ဆောင်နိုင်ရန် ဗိုလ်ချုပ်ကြီးနေ၀င်း လက်လှမ်းမမှီနိုင်သော ဒေသများသို့ ရွေ့လျားပြီး လုပ်ငန်းများကို ဆောင်ရွက်ခဲ့ရသည်။ ထိုသို့ တိမ်းရှောင်လှုပ်ရှား ဆောင်ရွက်နေစဉ် ကာလအတွင်း ၁၉၆၃-ခု ပုပ္ပါး တောင်သူလယ်သမား နှီးနှောဖလှယ်ပွဲတွင် သခင်သာခင်သည် တောင်သူလယ်သမား ကိုယ်စားလှယ်အသွင်ဖြင့် နှီးနှောဖလှယ်ပွဲကို တက်ရောက်ခဲ့ပါသည်။ ထိုစဉ်က သခင်သာခင်သည် ဗိုလ်ချုပ်ကြီးနေ၀င်းနှင့် ခုံတန်းသုံးတန်းအကွာတွင် ထိုင်နေခဲ့ပြီး တက်ရောက်လာသော ကိုယ်စားလှယ်များ အကြားတွင် ရှိနေခဲ့သည်။ ထိုသို့ ပုန်းရှောင်လှုပ်ရှားပြီး နိုင်ငံရေးဆောင်ရွက်နေစဉ် ၁၉၆၆-ခု ဧပြီလ (၁၄)ရက်နေ့တွင် စစ်ထောက်လှမ်းရေးအဖွဲ့မှ သတင်းရရှိကာ ဖမ်းဆီးခံခဲ့ရသည်။
၁၉၆၈-ခု ဒီဇင်ဘာလ (၄)ရက်နေ့တွင် တော်လှန်ရေးကောင်စီ အစိုးရသည် ပြည်တွင်းညီညွှတ်ရေး အကြံပေးအဖွဲ့အဖြစ် အဖွဲ့ဝင် (၃၃)ဦး ပါဝင်သော ကော်မတီတစ်ရပ်ကို ဖွဲ့စည်းခဲ့ပါသည်။ ထို (၃၃)ဦး ကော်မတီအဖွဲ့တွင် သခင်သာခင်သည်လည်း အရွေးချယ်ခံရသည့်အတွက် ၁၉၆၈-ခု နိုဝင်ဘာလ (၂၃)ရက်နေ့တွင် ထောင်မှလွှတ်ပေးခဲ့ပါသည်။

အင်ဒိုနီးရှားနိုင်ငံ လွတ်လပ်ရေးကြိုးပမ်းမှုတွင် ပါဝင်ကူညီခြင်း

မြန်မာနိုင်ငံသည် ၁၉၄၈-ခု ဇန်န၀ါရီလ (၄)ရက်နေ့တွင် အင်္ဂလိပ်ကိုလိုနီ လက်အောက်မှ လွတ်လပ်ရေးရရှိခဲ့သော်လည်း ထိုစဉ်က အင်ဒိုနီးရှားနိုင်ငံသည် ဒတ်ခ်ျ ကိုလိုနီလက်အောက်တွင် ကျရောက်နေခဲ့သည်။ ဒတ်ခ်ျကိုလိုနီအစိုးရကို ဆန့်ကျင်တိုက်ပွဲဝင်ပြီး အင်ဒိုနီးရှားနိုင်ငံ၏ လွတ်လပ်ရေးအတွက် ကြိုးပမ်းနေသော တော်လှန်ရေးသမားများထံသို့ မြန်မာအစိုးရမှနေ၍ ရှိစုမဲ့စု လက်နက်ခဲယမ်းများကို လေယာဉ်ပျံဖြင့် အခေါက်ခေါက် အခါခါ ပေးပို့ခဲ့ရသည်။ ထိုစဉ်က အင်ဒိုနီးရှားနိုင်ငံသို့ လက်နက်အကူအညီများ သွားရောက်ပေးပို့ရာတွင် မြန်မာအစိုးရကိုယ်စားလှယ်အဖြစ် ဦးဆောင်ခဲ့သူမှာ သခင်သာခင်ဖြစ်သည်။
သခင်သာခင်သည် ပြည်သူ့အရေးတော်ပုံပါတီတွင် ရှမ်းပြည်မြောက်ပိုင်းနှင့် အထက်မြန်မာနိုင်ငံ၏ မြေအောက်လုပ်ငန်းများကို တာဝန်ခံလုပ်ဆောင်စဉ် စွန့်လွှတ်စွန့်စားမှုများစွာ ပြုလုပ်ခဲ့ဖူးသည်။ ဂျပန်ခေတ် ခရိုင်ရဲဝန်ရာထူးဖြင့် ဂျပန်ကင်ပေတိုင် စစ်ပုလိပ်များ မျက်စိအောက်မှာပင် လျှို့ဝှက်တော်လှန်ရေး မြေအောက်လုပ်ငန်းများကို အောင်မြင်စွာ လုပ်ကိုင်ခဲ့သူလည်းဖြစ်သည်။ ထိုသို့ အတွေ့အကြုံရှိပြီး၊ အစမ်းသပ်ခံပြီး ၀ါရင့်တော်လှန်ရေးသမား တစ်ဦးဖြစ်သည့်အတွက် မြန်မာအစိုးရကိုယ်စား အင်ဒိုနီးရှားနိုင်ငံသို့ လျှို့ဝှက်သွားရောက်ရန် စေလွှတ်ခြင်းခံခဲ့ရသည်။ ထို့ကြောင့် သခင်သာခင်သည် မြန်မာနိုင်ငံမှ စစ်လက်နက်ပစ္စည်းများကို တင်ဆောင်ပြီး လေယာဉ်ပျံဖြင့် အင်ဒိုနီးရှားနိုင်ငံသို့ လျှို့ဝှက်ပျံသန်းကာ ပို့ဆောင်ပေးခဲ့ရသည်။ ထိုစဉ်က အသုံးပြုခဲ့ရသော လေယာဉ်များမှာ ဒီစီ-၃၊ ဒီစီ-၆ လေယာဉ်အမျိုးအစားများ ဖြစ်ကြသည်။ ထိုသို့ မြန်မာနိုင်ငံက လက်နက်များ လျှို့ဝှက်ကူညီနေကြောင်းကို ဒတ်ခ်ျကိုလိုနီအစိုးရက သိရှိသွားခဲ့ရာ တစ်ကြိမ်တွင် သခင်သာခင် စီးနင်းလိုက်ပါလာသော လေယာဉ်အား ဒတ်ခ်ျလေယာဉ်များက လိုက်လံပစ်ခတ်ရာ မနီလာလေဆိပ်သို့ အရေးပေါ်ဆင်းသက်ခဲ့ရလေသည်။ သခင်သာခင်သည်လည်း ကံကောင်း၍ အသက်ဘေးမှ သီသီလေး လွတ်မြောက်ခဲ့ရသည်။
မြန်မာနိုင်ငံအစိုးရသည် အင်ဒိုနီးရှားနိုင်ငံ၏ လွတ်လပ်ရေးကြိုးပမ်းမှုကာလတွင် နိုင်ငံရေးအရ၊ စိတ်ဓာတ်ရေးရာအရ အထောက်အကူပေးခဲ့သည်။ ၁၉၄၈-ခု ဒီဇင်ဘာလတွင် ကုလသမဂ္ဂ၏ ကြီးကြပ်မှုအရ လွတ်လပ်သော အင်ဒိုနီးရှားပြည်ထောင်စုသမ္မတနိုင်ငံ ပေါ်ထွန်းလာခဲ့သည်။

မွေးရပ်ဒေသ ဖွံ့ဖြိုးရေးဆောင်ရွက်ချက်

သခင်သာခင်သည် အစိုးရအဖွဲ့တွင် ပါဝင်ပြီး ၀န်ကြီးဌာနအသီးသီး၌ တာဝန်ထမ်းဆောင်နေစဉ် ကာလအတွင်း မွေးရပ်ဇာတိမြေဖြစ်သော မိုးကုတ်မြို့နယ်၏ ပညာရေး၊ ကျန်းမာရေး၊ ရပ်ရေးရွာရေးကိစ္စများ၊ ဒေသဖွံ့ဖြိုးရေးကိစ္စများကို ဆောင်ရွက်ခဲ့ပါသည်။ ၁၉၄၇-ခု ဇန်န၀ါရီလ (၂၆)ရက်နေ့တွင် အင်္ဂလိပ်အစိုးရက မိုးကုတ်ပတ္တမြားကျောက်တွင်းနယ်ကို ရှမ်းပြည်တောင်တန်းနယ် အတွင်းသို့ သွတ်သွင်းရန် စီမံခဲ့ရာ မြို့လူထုက ကန့်ကွက်ဆန္ဒပြကြပြီး ရွှေဘိုခရိုင်အတွင်းသို့ ထည့်သွင်းရန် အရေးဆိုခဲ့ကြသည်။ ထိုကန့်ကွက်ဆန္ဒပြပွဲတွင် မြို့လူထု (၃၀၀၀)ကျော် စီတန်းလှည့်လည်ကာ ဆန္ဒပြခဲ့ကြသည်။ မိုးကုတ်နယ်ကို ရှမ်းပြည်အတွင်းသို့ မသွတ်သွင်းပဲ မြန်မာပြည်မနှင့် ပူးပေါင်းစေရန် လူထုဆန္ဒပြပွဲကြီးကို ဆင်နွှဲရာတွင် သခင်သာခင်သည် ခေါင်းဆောင်မှုပေးခဲ့သည်။ အင်္ဂလိပ်အစိုးရသည် ၁၉၄၇-ခု ဇူလိုင်လ (၁၇)ရက်တွင် မိုးကုတ်နယ်ကို ကသာခရိုင်မှ ရွှေဘိုခရိုင်အပါအ၀င်အဖြစ် အသိအမှတ်ပြုခဲ့သည်။
၁၉၅၈-၅၉ ခုနှစ် အိမ်စောင့်အစိုးရလက်ထက်တွင် မိုးကုတ်မြို့ ရေပေးဝေမှု အဆင်ပြေလွယ်ကူစေရေး အတွက် သခင်သာခင်မှ ဦးစီးဦးဆောင်ပြုကာ မြို့မိမြို့ဖများနှင့် ပူးပေါင်းပြီး အုန်းကိုင်းရွာအထက် ရေထွက်ဦးနေရာမှ ယခုရေလှောင်ကန်အထိ ပေ(၇၀၀၀) ကျော်ရှည်သော ဒုတိယ ရေပိုက်လိုင်းကို သွယ်ယူနိုင်ခဲ့ပါသည်။
သခင်သာခင်သည် ပြည်ထဲရေးဝန်ကြီးအဖြစ် တာဝန်ထမ်းဆောင်နေစဉ် ကာလအတွင်း၌ မိုးကုတ်-မန္တလေးကားလမ်း ဖောက်လုပ်ရေး အကောင်အထည်ဖော်နိုင်ရန် မိုးကုတ်ဒေသခံ တာဝန်ရှိသူများနှင့် တွေ့ဆုံဆွေးနွေးခဲ့ပါသည်။ ထိုသို့ အကောင်အထည်ဖော်နေစဉ် ဗိုလ်ချုပ်ကြီးနေ၀င်း၏ အိမ်စောင့်အစိုးရ တက်လာ၍ လုပ်ငန်းများ ရပ်တန့်သွားခဲ့သည်။ သို့ရာတွင် သခင်သာခင် စပြီး အကောင်အထည်ဖော်ခဲ့သော မိုးကုတ်-မန္တလေးကားလမ်း စီမံကိန်းကို အိမ်စောင့်အစိုးရ လက်ထက်တွင် စတင်ဖောက်လုပ်ခဲ့ပါသည်။
ထို့နောက် သန့်ရှင်း ဖဆပလ အဖွဲ့ အာဏာပြန်လည် ရရှိခဲ့ပြီး မိုးကုတ်-မန္တလေးလမ်းကို ဆက်လက် အကောင်အထည်ဖော်ခဲ့ပါသည်။ ၁၉၆၀-ခုနှစ်တွင် မိုးကုတ်-မန္တလေးကားလမ်းကို သယ်ယူပို့ဆောင်ရေးနှင့် စာတိုက်ကြေးနန်းဌာန၀န်ကြီး သတိုးသီရိသုဓမ္မ ဗိုလ်မှုးအောင်က ဖွင့်လှစ်ပေးခဲ့ပါသည်။


နိဂုံး
အိမ်စောင့်အစိုးရလက်ထက် ၁၉၆၀-ခု ဒီဇင်ဘာလတွင် သခင်သာခင်သည် လွတ်လပ်ရေး မော်ကွန်းဝင်တံဆိပ် (ပထမဆင့်)ကို ချီးမြှင့်ခြင်းခံရပြီး ၁၉၈၀-ပြည့်နှစ် ဇွန်လ (၇)ရက်နေ့တွင် ပြည်ထောင်စု ဆိုရှယ်လစ်သမ္မတ မြန်မာနိုင်ငံ၏ နိုင်ငံတော်ကောင်စီက နိုင်ငံဂုဏ်ရည်ဘွဲ့ (ပထမဆင့်)ကို ချီးမြှင့်အပ်နှင်းခြင်းခံရသည်။
သခင်သာခင်သည် မိုးကုတ်သူ ဒေါ်ခင်ရွှေနှင့် ၁၉၃၆-ခု တွင် လက်ထပ်ခဲ့ပြီး ဒေါ်ခင်ပြုံး၊ ဦးညီညီ၊ ဒေါ်ရီရီ၊ ဦးအောင်ခင်၊ ဒေါ်ညိုညို တို့ကို ဖွားမြင်ခဲ့ကာ ၁၉၅၅-ခု ဧပြီလတွင် ကွာရှင်းခဲ့ပါသည်။ ဒုတိယအိမ်ထောင်အဖြစ် ဒေါ်မြသန်းတင်နှင့် ၁၉၅၉-ခု မေလ (၁၁)ရက်နေ့တွင် လက်ထပ်ခဲ့ပြီး ဒေါ်ဥမ္မာသာခင်နှင့် ဦးနန္ဒာသာခင်တို့ကို မွေးဖွားခဲ့ပါသည်။
ဦးချစ်လှိုင် (စာရေးဆရာ ကိုကိုမောင်၊ ယခင် တပ်မတော်စိတ်ဓာတ်စစ်ဆင်ရေးဌာန ဒုတိယညွှန်ကြားရေးမှုး၊ ဗဟိုနိုင်ငံရေးသိပ္ပံ သင်တန်းမှုးချုပ်) သည် သခင်သာခင်နှင့် ယောက်ဖတော်စပ်ပါသည်။ သခင်သာခင်သည် ၁၉၈၆-ခု ဧပြီလ (၁၉)ရက်နေ့တွင် ရန်ကုန်မြို့ အမှတ် ၆၀(ခ)၊ ရွှေတောင်ကြားလမ်း၊ ဗဟန်းမြို့နယ်ရှိ နေအိမ်တွင် ကွယ်လွန်ခဲ့ပါသည်။


ကိုးကားချက်

(၁) ဦးနုရေး တာတေစနေသား။
(၂) မိုးကုတ်မြို့ ပတ္တမြားမြေသမိုင်း၊ ဦးသိန်းလွင် (ဘီအေ)၊ စာပြီးရက်စွဲ- ၁၉၅၀ ခု ဒီဇင်ဘာ (၂၈)ရက်၊ ထုတ်ဝေသည့်နှစ် မပါရှိ။
(၃) ကမ္ဘာကသိတဲ့ မြန်မာ့ပတ္တမြားမြေ၊ မောင်ထွန်းဦး (မိုးကုတ်)၊ ၂၀၀၁ ခုနှစ် သြဂတ်လ။
(၄) မိုးကုတ်မြို့၊ မြို့တွင်းသောက်သုံးရေပေးဝေရေး သမိုင်းမှတ်တမ်း၊ မြို့ရေပေးဝေရေးနှင့် ထိန်းသိမ်းကြီးကြပ်ရေးကော်မတီ၊ ၂၀၀၃ ခုနှစ် ဇွန်လ။
(၅) သခင်သာခင်၏ ၁၉၆၀ ရွေးကောက်ပွဲအတွက် မဲဆွယ်လက်ကမ်းကြော်ငြာ။
(၆) ဗမာပြည်က အကူအညီပေးခဲ့ခြင်း၊ ဦးဗဆွေ၊ ရွှေတူဂျာနယ် အတွဲ (၂) အမှတ် (၁၀)၊ ၁.၇.၁၉၇၂.။
(၇) မြန်မာ အင်ဒိုနီးရှား နယ်ချဲ့ဆန့်ကျင်ရေး သွေးစည်းညီညွတ်မှု၊ ကိုသန်း (ကြည့်မြင်တိုင်)၊ မိုးဂျာနယ်၊ ၁၉၆၆ ခု မတ်လ။
(၈) ယောက်ဖတော်စပ်သူ ဦးချစ်လှိုင်၏ ပြောပြချက်။
(၉) သမီးဖြစ်သူ ဒေါ်ခင်ပြုံး၏ ပြောပြချက်၊ (၂၇ မေ ၂၀၀၉)။
(၁၀) သားဖြစ်သူ ဦးနန္ဒာသာခင်၏ ပြောပြချက်၊ (၂၈ ဒီဇင်ဘာ ၂၀၀၈)။

STA

Read More...

Tuesday, May 5, 2009

သီတဂူဆရာတော် မိုးကုတ်သို့ ကြွချီ

မြို့ကျက်သရေဆောင် ချမ်းသာကြီးမြတ်စွာဘုရား

စစ်ကိုင်းတောင် သီတဂူ ကမ္ဘာ့ဗုဒ္ဓတက္ကသိုလ်မှ အဂ္ဂမဟာပဏ္ဍိတ၊ အဂ္ဂမဟာသဒ္ဒမ္မဇောတိကဓဇ၊ မဟာဓမ္မကထိက ဗဟုဇန ဟိတဓရ၊ အဂ္ဂမဟာ ဂန္တ၀ါစက ပဏ္ဍိတ
ဆရာတော် ဒေါက်တာ အရှင်ဉာဏိဿရ (Ph.D) (D. Litt)

သည် ၁၃၇၁-ခုနှစ် ကဆုန်လဆန်း (၉)ရက်နေ့မှ (၁၁)ရက်နေ့၊ (၂.၅.၂၀၀၉)မှ (၄.၅.၂၀၀၉)ရက်နေ့ထိ မိုးကုတ်မြို့သို့ ကြွချီကာ ချမ်းသာကြောင်း၊ နိဗ္ဗာန်ရောက်ကြောင်း တရားတော်များကို ဟောကြားခဲ့ပါသည်။ မေလ (၂)ရက်နေ့ ညနေ (၆း၃၀) ၌ မိုးကုတ်အရှေ့ပိုင်း ချမ်းသာကြီးမြတ်စွာဘုရား ဓမ္မဗိမာန်တော်ကြီးပေါ်တွင် ဗုဒ္ဓ၏ ချမ်းသာကြောင်း တရားတော်မြတ်များကို ဟောကြားခဲ့သည်။ ဆရာတော်ကြီး၏ တရားပွဲကျင်းပရာ ဓမ္မဗိမာန် အပေါ်ထပ် အောက်ထပ်တွင်သာမက ဘုရားရင်ပြင်တော် အောက်ထပ် မြေကွက်လပ်များအထိ တရားနာသူ ပရိသတ်များပြည့်လျှံကာ အထူးပင် စည်ကားခဲ့ပါသည်။

မေလ (၃)ရက်နေ့ နေ့လည်(၂)နာရီခန့်တွင် တောင်ကချင်ရပ်ရှိ မိုးကုတ် သီတဂူဓမ္မ၀ိဟာရ ကျောင်းတိုက် ၌ တပည့်သာဝက ဒါယိကာများအား ဆုံးမသြ၀ါဒပေးရန် အစီအစဉ် ပြုလုပ်ထားသော်လည်း ထိုကျောင်းတိုက်၌ နွေရာသီ အင်္ဂလိပ်စာသင်တန်း တက်နေကြသော ကျောင်းသားများအား အထူးဂရုဏာ ထားတော်မူသဖြင့် ဦးစားပေးကာ အသိဉာဏ်ဗဟုသုတ ဖွံ့ဖြိုးစေရေး၊ စိတ်ဓာတ်မြှင့်တင်ရေး အတွက် အချိန်ပေးကာ သင်တန်းပြသခဲ့ပါသည်။ ညနေဖက်ပိုင်းနှင့် နောက်တစ်နေ့ နံနက်ပိုင်းတွင် မိုးကုတ်အနောက်ပိုင်း ကျပ်ပြင်သို့ ကြွချီကာ တရားရေအေးများ တိုက်ကျွေးခဲ့ပါသည်။ မိုးကုတ်မြို့သို့ ဆရာတော် ကြွချီလာခဲ့သည်မှာ ယခုအကြိမ်သည် တတိယအကြိမ်မြောက် ဖြစ်ပါသည်။



မိုးကုတ် သီတဂူ ဓမ္မ၀ိဟာရ ကျောင်းတိုက် သမိုင်းမှတ်တမ်းအကျဉ်း

မိုးကုတ်သီတဂူ ဓမ္မ၀ိဟာရ ကျောင်းတိုက်ကို မိုးကုတ်မြို့ တောင်ကချင်ရပ် ရသေ့တောင်ကုန်းပေါ်တွင် မြန်မာသက္ကရာဇ် ၁၃၆၆-ခုနှစ်တွင် စတင် တည်ထောင်ခဲ့ပါသည်။ ကျောင်းတိုက် မတည်ထောင်မှီက ထိုတောင်တော်ပေါ်တွင် ရသေ့တစ်ပါး သီတင်းသုံးနေထိုင်ခဲ့ပြီး စေတီ၊ ပုထိုးများကို တည်ထားကိုးကွယ်ခဲ့ပါသည်။ နောက်ပိုင်းတွင် ထိုရသေ့သည် သီတဂူဆရာတော်နှင့် တွေ့ဆုံပြီး ဆရာတော်ထံ မိုးကုတ်သီတဂူကျောင်းတိုက် တည်ထောင်ရန်အတွက် တောင်တော်နှင့် စေတီပုထိုးများအား ရေစက်သွန်းချကာ ပေးအပ်လှူဒါန်းခဲ့ပါသည်။


ယခုလက်ရှိကျောင်းထိုင်မှာ သီတဂူ ကမ္ဘာ့ဗုဒ္ဓတက္ကသိုလ်မှ ဆရာတော် အရှင်စန္ဒိမာဘိဝံသ ဖြစ်ပြီး ကျောင်းတိုက်တွင် တရားဓမ္မလုပ်ငန်းများအပြင် လူငယ်မောင်မယ်များအား နွေရာသီ ဗုဒ္ဓဘာသာယဉ်ကျေးလိမ္မာ သင်တန်းများနှင့် အင်္ဂလိပ်စာ သင်တန်းများကို ပို့ချပေးလျက် ရှိပါသည်။
TP

Read More...

Friday, April 17, 2009

ဟာသ

လောဘ
မိုးကုတ်ရတနာမြေမှာ ကျောက်လုပ်ငန်းနဲ့ ပတ်သက်ဆက်နွယ်ကြတဲ့ ကုန်သည်တွေ၊ ပွဲစားတွေ၊ တွင်းပေါလန်တွေ၊ ကျောက်တွင်းတူးသမားတွေဟာ ဘိုးဘိုးကြီးနတ်နန်းမှာ ကျောက်လာတောင်းကြတဲ့ ဓလေ့ ရှေးကတည်းက ရှိခဲ့ပါတယ်။ ဒီလိုပါပဲ ကြီးပွားချမ်းသာချင်တဲ့ စိတ်တစ်ခုတည်းနဲ့ မိုးကုတ်ကိုလာပြီး ကျောက်တူးတဲ့ အောက်ပြည်အောက်ရွာက လူငယ်တစ်ဦးဟာလည်း အုန်းပွဲ ငှက်ပျောပွဲနဲ့ ဘိုးဘိုးကြီးဆီမှာ ကျောက်လာတောင်းပါတယ်။

ဒီသူငယ်က မိုးကုတ်ကိုလည်း တစ်ခါမှ မရောက်ဖူးဘူး။ ပတ္တမြားဆိုတာ ဖြူသလား မည်းသလားလည်း မသိ၊ ကျောက်တွင်းကလည်း ခုမှ စလုပ်ဖူးတာဆိုတော့ သူများတွေ ကျောက်တောင်းကြသလို သူကလည်း လိုက်တောင်းတာပါပဲ။ ဘုမသိ ဘမသိနဲ့ ကျောက်ရတဲ့အထဲမှာ သူမပါမှာ စိုးရိမ်တဲ့စိတ်နဲ့ပေါ့။

အဲဒါနဲ့ သူက အုန်းငှက်ပျောပွဲကို လက်ကမပြီး ဘိုးဘိုးကြီးထံ အခုလို ကျောက်တောင်းလိုက်ပါတယ်။ ဘိုးဘိုးကြီးခင်ဗျား... ကျနော်မျိုး လူဆင်းရဲ မောင်ဘယ်သူကို ယခု အုန်းသီးလုံးလောက် ပတ္တမြားများ ချီးမြှင့်ပေးသနားတော်မူပါ လို့ အစချီပြီး စီကာပတ်ကုံး အတော်ကြာအောင် ရွတ်ဆိုလို့ ဆုတောင်းလိုက်ပါသတဲ့။

ဒါနဲ့ ညရောက်တော့ အိပ်ပျော်နေချိန်မှာ ဘိုးဘိုးကြီးက အိပ်မက်လာပေးပါတယ်။ အိပ်မက်ထဲမှာ ဘိုးဘိုးကြီးက သူ့ကို မျက်စိနီကြီးနဲ့ ကြည့်ပြီး စိတ်ဆိုးဆိုးနဲ့ နားပန်တစ်ချက်လောက် ကျင်းလိုက်ပါသတဲ့။ ပြီးတော့ ဘိုးဘိုးကြီးက အခုလို သူ့ကို ပြောလိုက်ပါတယ်။ မင်းမပြောနဲ့ ငါတောင် အဲဒီလောက်ကြီးတဲ့ ပတ္တမြားကို တစ်ခါမှ မမြင်ဖူးသေးဘူး တဲ့...။
....

လက်တွေ့သမား
မိုးကုတ်မှာ ပတ္တမြားနဲ့ နီလာတွေကို မြေကြီးထဲမှာသာမကပဲ ကျောက်တောင်တွေထဲမှာလည်း တူးဖော်ကြပါတယ်။ ကျောက်တောင်တွေထဲမှာရှိတဲ့ ကျောက်တွေဟာ ပင်မသိုက်တွေ ဖြစ်ကြပါတယ်။ အဲဒါကို ခဲတွင်းလို့ ခေါ်ကြပါတယ်။ ကျောက်တောင်အတွင်း ကျောက်ရှိမယ့် ခဲကြောတွေကို ယမ်းနဲ့ခွဲပြီး လှိုဏ်ခေါင်းဖောက်ကာ ရှာဖွေကြရတာပါ။ ခဲတွင်းနဲ့ မြေတွင်းက ကျောက်ရတာခြင်း မတူကြပါဘူး။ ခဲတွင်းက ကျောက်ရှိတဲ့အကြောကို ရောက်ပြီဆိုရင် ကျောက်တွေကို အစုအဝေးလိုက် အများကြီး တွေ့ရတတ်ပါတယ်။

တခါတော့ အညာသားတစ်ယောက်ဟာ မိုးကုတ်ကို ကျောက်တူးဖို့ ရောက်ချလာပါတယ်။ ဒါနဲ့ သူက ကျောက်ရတာခြင်း အတူတူ များများစားစား ရနိုင်တဲ့ ခဲတွင်းကိုပဲ လုပ်မယ်လို့ ရွေးချယ်လိုက်ပါတယ်။ သူက အရာရာကို တိတိကျကျ လုပ်တတ်သူတစ်ဦးလည်း ဖြစ်ပါတယ်။ ဒါနဲ့ နေ့စဉ်နေ့တိုင်း ကျောက်တောင်ကြီးကို မှန်မှန် ဖောက်လာတာ သူ့ခမျာ ကျောက်နဲ့တူတာဆိုလို့ တစ်စက်လေးတောင်မှ မတွေ့ရရှာဘူးတဲ့။ ဒီလိုနဲ့ သုံးနှစ်လောက်လည်းကြာလာရော စိတ်ဓာတ်လေးက ကျချင်ချင် ဖြစ်လာသတဲ့။ နောက်ဆုံးတော့ ရွာပြန်ပြီး လယ်လုပ်တာကမှ ဟန်ကျဦးမယ်လို့ တွေးမိပြီး ရွာပြန်ဖို့ ဆုံးဖြတ်လိုက်ပါတယ်။ ရွာမပြန်ခင် သူနဲ့ ရင်းနှီးတဲ့ သူငယ်ချင်းတွေကို ပြောသွားပုံကတော့ ခဲထဲမှာ ကျောက်ထွက်တယ်ဆိုတာကို ငါတော့ လုံးဝမယုံဘူးဟေ့ တဲ့။

အမှန်က သူများတွေ လှိုဏ်ခေါင်းဖောက်သလို လိုက်သာဖောက်နေတာ ကျောက်ရှိတဲ့အကြောက ဘယ်ဟာ၊ ကျောက်မရှိတဲ့အကြောက ဘယ်ဟာဆိုတာ သူ့ခမျာ သိမသွားရှာခဲ့ဘူးလေ...။
STA

Read More...

၂၀၀၉ ခု-ပတ္တမြားမြေက သင်္ကြန်ပုံရိပ်များ

...
TP

Read More...

နှစ်သစ်မင်္ဂလာ

မြန်မာသက္ကရာဇ် ၁၃၇၀-ခုနှစ် ကုန်ဆုံးကာ ၁၃၇၁-ခုနှစ်သို့ ချင်းနင်းဝင်ရောက်ခဲ့ပြီ ဖြစ်ပါသည်။

နှစ်သစ်တွင် မိတ်ဆွေအပေါင်း ရန်သူမျိုးငါးပါးဘေးမှ ကင်းလွတ်ပြီး ကိုယ်စိတ်နှစ်ဖြာ ရွှင်လန်းချမ်းမြေ့ကြပါစေ...။

Read More...

Sunday, March 1, 2009

သတ္တမအကြိမ်မြောက် ရှမ်းတောကျောင်း ဘိုးဘွားဆရာ ပူဇော်ကန်တော့ပွဲ

ရှမ်းတော အခြေခံပညာအလယ်တန်းကျောင်း၏ သတ္တမအကြိမ်မြောက် အငြိမ်းစား ဘိုးဘွားဆရာကြီး-ဆရာမကြီးများအား ပူဇော်ကန်တော့ပွဲ အခမ်းအနားကို (၁.၃.၂၀၀၉)နေ့တွင် မြို့မရပ် မြို့မခန်းမ၌ ကျင်းပခဲ့ပါသည်။ ဦးစွာ ဆရာ-ဆရာမကြီးများမှ သံဃာတော်များအား နေ့ဆွမ်း ဆက်ကပ်လှူဒါန်းခဲ့ကြပြီး ကန်တော့ပွဲအခမ်းအနားကို နေ့လည် (၁၁း၃၀)မှ (၁း၃၀)အထိ ကျင်းပခဲ့သည်။ အခမ်းအနားသို့ အကန်တော့ခံ ဆရာ-ဆရာမကြီး(၂၂)ယောက်အနက် (၁၇)ယောက်သာ တက်ရောက်နိုင်ခဲ့ပြီး လာရောက် ဂါရ၀ပြုကြသော ကျောင်းသားဟောင်းများမှာ (၃၀၀)ကျော်ခန့် ရှိပါသည်။


ပူဇော်ကန်တော့ခံ ဆရာ-ဆရာမကြီးများ


(၁) ဒေါ်သိန်းနွဲ့ ၉၀-နှစ်၊ ရှမ်းတောရပ်

(၂) ဒေါ်ခင်ကြည် ၈၄-နှစ်
အရှေ့ဗိုလ်ကုန်းရပ်။
(၃) ဒေါ်ရီရီဝင်း ၈၂-နှစ် ရှမ်းတောရပ်
(၄) ဦးသန်းညွှန့် ၇၈-နှစ် စည်ပင်သာယာရပ်
(၅) ဦးဝမ်းမောင် ၇၂-နှစ် စဥ့်ကူးမြို့
(၆) ဒေါ်ခင်ထား ၇၂-နှစ် အနောက်ဗိုလ်ကုန်းရပ်
(၇) ဒေါ်ခင်မြင့် ၆၉-နှစ် အောင်ချမ်းသာရပ်
(၈) ဒေါ်စိန်လှ ၆၉-နှစ် အမေရိကန်နိုင်ငံ
(၉) ဒေါ်သင်းသင်းစိုး ၆၉-နှစ် မြို့လယ်ရပ်
(၁၀) ဦးအောင်စိုး ၆၇-နှစ် ရန်ကုန်မြို့
(၁၁) ဒေါ်ခင်စိမ်းဝင်း ၆၇-နှစ်၊ အောင်နန်းရပ်
(၁၂) ဒေါ်ညွှန့်ညွှန့်ဆွေ ၆၅-နှစ် အောင်နန်းရပ်
(၁၃) ဒေါ်ခင်နှင်းရီ ၆၄-နှစ် မန္တလေးမြို့
(၁၄) ဦးပြေသိန်း ၆၃-နှစ် အောင်နန်းရပ်
(၁၅) ဒေါ်ခင်လှမြိုင် ၆၃-နှစ် အောင်နန်းရပ်
(၁၆) ဒေါ်ခင်မာလွင် ၆၃-နှစ် အောင်နန်းရပ်
(၁၇) ဒေါ်ခင်ဝင်း ၆၃-နှစ် ရွှေဘုံသာရပ်
(၁၈) ဒေါ်မြင့်မြင့်ဝင်း ၆၃-နှစ် ရှမ်းတောရပ်
(၁၉) ဒေါ်အုန်းမြင့် ၆၃-နှစ် ဗိုလ်ကုန်းရပ်
(၂၀) ဦးဝင်းမောင် ၆၁-နှစ် ညောင်ဦးမြို့
(၂၂) ဒေါ်ညိုညိုသန့် ၆၀-နှစ် ရှမ်းတောရပ်

ရှမ်းတောကျောင်း သမိုင်းအကျဉ်း
ရှမ်းတောကျောင်းကို မူလက မြို့မရပ်ကွက် ရွှေကျောင်းအနီးတွင် စတင်ဖွင့်လှစ်ခဲ့ပါသည်။ ၁၉၄၆-ခုနှစ်တွင် ၄င်းနေရာမှ ရှမ်းတောဇရပ်သို့ ပြောင်းရွှေ့ဖွင့်လှစ်ခဲ့သည်။ ထိုစဉ်က ကျောင်းအုပ်ကြီးမှာ ဒေါ်အောင်ဖြစ်၍ လက်ထောက် ဆရာမများမှာ ဒေါ်သိန်းနွဲ့နှင့် ဒေါ်သန်းတို့ ဖြစ်ကြပြီး ကျောင်းသူကျောင်းသား စုစုပေါင်း (၅၀)ဦး ရှိသည်။ ထိုနှစ်မှာပင် ရှမ်းတောအစိုးရ မူလတန်းကျောင်းအဖြစ် သတ်မှတ်ပေးခဲ့ပါသည်။ ၁၉၅၇-ခုနှစ်တွင် ရှမ်းတောဇရပ်မှနေပြီး ယခုလက်ရှိ မြို့မရပ် ပတ္တမြားမြေ တင်းနစ်ကွင်းအနီးသို့ ထပ်မံ ပြောင်းရွှေ့ခဲ့ပါသည်။ ထို့နောက် ၁၉၆၈-ခုနှစ် ဒီဇင်ဘာလ (၁၀)ရက်နေ့တွင် ရှမ်းတော အစိုးရ မူလတန်းကျောင်းကို အလယ်တန်းကျောင်းအဖြစ် တိုးမြှင့် ဖွင့်လှစ်ခဲ့ပါသည်။
TP

Read More...

Monday, February 16, 2009

မိုးကုတ်သဟာယစာပေဆု ရန်ကုန်မြို့တွင် ချီးမြှင့်

မိုးကုတ် သဟာယစာကြည့်တိုက်တတိယအကြိမ်မြောက် သဟာယစာပေဆု ချီးမြှင့်ပွဲ အခမ်းအနားကို ၂၀၀၉-ခုနှစ် ဖေဖော်ဝါရီလ (၁၃)ရက် သောကြာနေ့တွင် ဆုချီးမြှင့်ရေးကော်မတီက မိုးကုတ်မြို့မှနေ၍ ရန်ကုန်မြို့သို့ သွားရောက်ပြီး ကျင်းပနိုင်ခဲ့ပါသည်။

အခမ်းအနားကို မြို့တော်ခန်းမနှင့် မဟာဗန္ဓုလပန်းခြံ ထောင့်ရှိ City Star Hotal ၌ နေ့လည် ၁း၀၀ မှ ၃း၀၀ အထိ ကျင်းပခဲ့ရာ ဖိတ်ကြားထားသော မဂ္ဂဇင်း ဂျာနယ်များမှ အယ်ဒီတာများ၊ စာရေးဆရာများ၊ ကဗျာဆရာများနှင့် သတင်းထောက်များ၊ စာပေအသိုင်းအ၀ိုင်းမှ ပုဂ္ဂိုလ်များ စုံညီစွာ တက်ရောက်ခဲ့ကြပါသည်။

ရှေးဦးစွာ အခမ်းအနားအစီအစဉ်ကို သဟာယစာပေ ဆုချီးမြှင့်ရေးကော်မတီ၏ အကျိုးတော်ဆောင် ဦးဇော်မင်းကျော် (စာရေးဆရာ ပြည်သွေးနိုင်၊ ချယ်ရီမဂ္ဂဇင်းနှင့် ရနံ့သစ်မဂ္ဂဇင်း စီစဉ်သူ) က ဖတ်ကြားပြီးနောက် ဆုချီးမြှင့်ရေးကော်မတီ၏ ကိုယ်စား စာရေးဆရာ ထက်နိုင်(တလုပ်မြို့) က အဖွင့်အမှာစကား ပြောကြားပြီး သဟာယစာပေဆု၏ ရည်ရွယ်ချက်များနှင့် မူဝါဒများကို ရှင်းလင်းတင်ပြပါသည်။

ထို့နောက် သဟာယစာကြည့်တိုက် ဥက္ကဌ ဦးမြင့်ဆွေက သဟာယစာကြည့်တိုက်၏ သမိုင်းကြောင်းကို ဖတ်ကြားပါသည်။ ဆက်လက်ပြီး တတိယအကြိမ်မြောက် သဟာယစာပေဆု ရွေးချယ်ရေးအဖွဲ့၏ သုံးသပ်ချက်ကို ဖတ်ကြားရာတွင် စာရေးဆရာ မောင်လွင်မွန်(ကသာ) (ပန်းအလင်္ကာမဂ္ဂဇင်း အယ်ဒီတာရီနေနိုငအမည်ဖြင့် စာပေဝေဖန်ရေးဆောင်းပါးများလည်း ရေးသားလျှက်ရှိ) က အတွေးအမြင်စာစောင်၏ သမိုင်းကြောင်းနှင့် ဆုရွေးချယ်ရေးအဖွဲ့၏သုံးသပ်ချက် ကိုလည်းကောင်း၊ ဦးထွန်းဝင်းငြိမ်း (Beauty မဂ္ဂဇင်းအယ်ဒီတာ) က စာရေးဆရာမ ဂျူး သူ.. မင်းကိုဘယ်တော့မှ လုံးချင်းဝတ္ထုအပေါ် ဆုရွေးချယ်ရေးအဖွဲ့၏သုံးသပ်ချက် ကိုလည်းကောင်း ဖတ်ကြားပါသည်။ ဆက်လက်၍ တတိယအကြိမ်မြောက် သဟာယစာပေဆုကို ချီးမြှင့်ရာ မဟေသီမဂ္ဂဇင်းအယ်ဒီတာချုပ် ဦးဝင်းသူရက အတွေးအမြင်စာစောင် အယ်ဒီတာအဖွဲ့ကိုယ်စား ဆရာမ သီရိဝံသ ကိုလည်းကောင်း၊ ရွှေအမြုတေမဂ္ဂဇင်းနှင့် အလင်းတန်းဂျာနယ်၏ အယ်ဒီတာချုပ် ဦးဝင်းငြိမ်းက စာရေးဆရာမ ဂျူး အားလည်းကောင်း အသီးသီး ဆုချီးမြှင့်ပေးအပ်ခဲ့ပါသည်

ထို့နောက် ဆုရရှိသူများက ကျေးဇူးတင်စကား ပြန်လည်ပြောကြားပြီး သဟာယစာကြည့်တိုက် ဥက္ကဌ ဦးမြင့်ဆွေမှ ဆုချီးမြင့်ရေးကော်မတီ၏ကိုယ်စား ကျေးဇူးတင်ဝမ်းမြောက်ကြောင်း ပြောကြားကာ အခမ်းအနားကို ရုပ်သိမ်းခဲ့ပါသည်။

ထို့ပြင် အလင်းတန်းဂျာနယ်ကလည်း သဟာယစာကြည့်တိုက် ရံပုံငွေအဖြစ် ကျပ် တစ်သိန်းတိတိကို လှူဒါန်းခဲ့ကြောင်း သိရပါသည်။ သဟာယစာပေဆုချီးမြှင့်ရေးအဖွဲ့သည် ဖေဖော်ဝါရီလ (၁၁)ရက်နေ့တွင် စာရေးဆရာကြီး လူထုစိန်ဝင်း ၏ နေအိမ်သို့လည်းကောင်း၊ ဖေဖော်ဝါရီလ (၁၂)ရက်နေ့တွင် သံလျင်တွင် ရောက်ရှိနေသော စာရေးဆရာကြီး ဒဂုန်တာရာ အားလည်းကောင်း၊ ဖေဖော်ဝါရီလ (၁၃)ရက်နေ့တွင် ကာတွန်းဆရာကြီး ဦးဖေသိန်း၏ နေအိမ်သို့လည်းကောင်း သွားရောက်ကာ ဂါရ၀ပြု ကန်တော့ခဲ့ကြပြီး ငွေကြေးထောက်ပံ့ကူညီခဲ့ကြပါသည်။ စာရေးဆရာနှင့် သတင်းစာဆရာကြီး လူထုစိန်ဝင်း၊ ကာတွန်းဆရာကြီး ဦးဖေသိန်း တို့ကလည်း စာကြည့်တိုက်အတွက် စာအုပ်များ ပြန်လည် ပေးအပ်လှူဒါန်းခဲ့ကြပါသည်။


S.T.A

Read More...

Wednesday, January 28, 2009

၁၉၉၀ ရွေးကောက်ပွဲ၊ မိုးကုတ်မဲဆန္ဒနယ် နှင့် NLD

မြန်မာနိုင်ငံတွင် ၁၉၆၂-ခုမှစ၍ ဗိုလ်ချုပ်ကြီးနေ၀င်း ဦးဆောင်ကာ မြန်မာ့ဆိုရှယ်လစ်လမ်းစဉ် ဖြင့် တစ်ပါတီအာဏာရှင် အုပ်ချုပ်ရေးစနစ်ကို ကျင့်သုံးခဲ့ပါသည်။ ထိုသို့ အကောင်အထည်ဖော်ခဲ့ရာ (၂၆)နှစ်အကြာ ၁၉၈၈-ခုနှစ်တွင် ပြည်သူလူထုတစ်ရပ်လုံး၏ ကြီးမားကျယ်ပြန့်သော အုံကြွဆန့်ကျင်မှု ပေါ်ပေါက်ခဲ့ရပြီး သမိုင်းဝင် ရှစ်လေးလုံးလူထုအရေးတော်ပုံကြီးနှင့် ရင်ဆိုင်ခဲ့ရပါသည်။ မြန်မာ့ဆိုရှယ်လစ်လမ်းစဉ်ပါတီ စနစ်ကြီးသည်လည်း ချုပ်ငြိမ်းခဲ့ရပြီး ၁၉၈၈-ခုနှစ် စက်တင်ဘာလ (၁၈)ရက်နေ့တွင် တပ်မတော်မှ အာဏာသိမ်းယူခဲ့ရာ နိုင်ငံတော်ငြိမ်ဝပ်ပိပြားမှုတည်ဆောက်ရေးအဖွဲ့ ကို ဖွဲ့စည်း၍ တိုင်းပြည်ကို အုပ်ချုပ်ခဲ့ပါသည်။ ထိုစဉ်က န၀တ အစိုးရအဖွဲ့မှ တာဝန်ယူပြီးသည်နှင့်တပြိုင်နက် ၄င်းတို့၏ တာဝန်ကြီး (၄)ရပ်ကို ကမ္ဘာသိ ကြေငြာခဲ့ရာတွင် ပါတီစုံအထွေထွေရွေးကောက်ပွဲကို ကျင်းပပေးသွားမည်ဖြစ်ကြောင်း ပါဝင်ခဲ့ပါသည်။ တစ်ဆက်တည်း နိုင်ငံရေးပါတီများ မှတ်ပုံတင်ခြင်း ဥပဒေကို ၁၉၈၈-ခုနှစ် စက်တင်ဘာလ (၂၇)ရက်နေ့တွင် ပြဌာန်းခဲ့ပါသည်။

ထိုသို့ ပြဌာန်းပြီးသည့်နောက် ပထမဦးဆုံးအနေဖြင့် ဦးသုဝေဒီမိုကရေစီပါတီက ဦးစွာ မှတ်ပုံတင်ခဲ့ပြီး၊ ဗိုလ်မှူးချုပ်ဟောင်း အောင်ကြီး၊ ကာကွယ်ရေးဦးစီးချုပ်ဟောင်း ဗိုလ်ချုပ်ကြီး သူရတင်ဦး၊ အမျိုးသားခေါင်းဆောင်ကြီး ဗိုလ်ချုပ်အောင်ဆန်း၏ သမီး ဒေါ်အောင်ဆန်းစုကြည် တို့ ဦးဆောင်သော အမျိုးသားဒီမိုကရေစီအဖွဲ့ချုပ် (NLD) ပါတီကို ၁၉၈၈-ခု စက်တင်ဘာလ (၂၈)ရက်နေ့တွင် အမှတ်စဉ် (၂) နေရာ၌ တရားဝင် မှတ်ပုံတင်ခဲ့ပါသည်။ ထိုစဉ်က နိုင်ငံရေးပါတီအဖြစ်မှတ်ပုံတင်ခဲ့ကြသော နိုင်ငံရေးပါတီပေါင်းမှာ (၂၃၆)ပါတီထိ ရှိခဲ့ပါသည်။ တပ်မတော်အစိုးရက ၁၉၉၀-ပြည့်နှစ် မေလ(၂၇)ရက်နေ့တွင် ပါတီစုံအထွေထွေရွေးကောက်ပွဲကြီးကို မြန်မာနိုင်ငံတ၀ှမ်းလုံးတွင် မဲရုံပေါင်း (၁၈၁၈၉) ဖွင့်လှစ်ကာ ကျင်းပပြုလုပ်ပေးခဲ့ပါသည်။ သို့သော်လည်း ၁၉၉၀-ရွေးကောက်ပွဲတွင် ၀င်ရောက်ယှဉ်ပြိုင်ခဲ့သော နိုင်ငံရေးပါတီ အရေအတွက်မှာ (၉၃)ပါတီသာ ရှိခဲ့ပါသည်။ NLD ပါတီသည်လည်း တစ်နိုင်ငံလုံးတွင် မဲဆန္ဒနယ်ပေါင်း (၄၈၅) ရှိသည့်အနက် မဲဆန္ဒနယ် (၄၄၇)ခုတွင် ၀င်ရောက်ယှဉ်ပြိုင်ခဲ့ရာ (၃၉၂)နေရာတွင် အနိုင်ရရှိခဲ့ပါသည်။ ၁၉၉၀-ရွေးကောက်ပွဲရလာဒ်အရ NLD ပါတီသည် တစ်နိုင်ငံလုံးကိုယ်စားပြု မဲရရှိမှု (၅၂.၅%)ဖြင့် ပြိုင်ဖက်မရှိ အနိုင်ရရှိခဲ့ပါသည်။

၁၉၉၀-ရွေးကောက်ပွဲကြီးတွင် မိုးကုတ်မြို့နယ်မဲဆန္ဒနယ် အမှတ်(၁)နှင့် အမှတ်(၂)တွင်လည်း NLD ပါတီမှ ၀င်ရောက်ယှဉ်ပြိုင်ခဲ့ပါသည်။ ထိုစဉ်က မိုးကုတ်မဲဆန္ဒနယ်မြေတွင် ၀င်ရောက်အရွေးခံကြသော နိုင်ငံရေးပါတီ (၆)ပါတီ ရှိခဲ့ပါသည်။ ၄င်းတို့မှာ အမျိုးသားဒီမိုကရေစီအဖွဲ့ချုပ် (NLD)၊ လီဆူအမျိုးသားသွေးစည်းခိုင်မာရေးအဖွဲ့၊ တအာင်း (ပလောင်) အမျိုးသားဒီမိုကရေစီအဖွဲ့ချုပ်၊ တိုင်းရင်းသားစည်းလုံးညီညွတ်ရေးပါတီ (တ.စ.ည)၊ ဦးသုဝေ၏ ဒီမိုကရေစီပါတီ၊ ဦးအောင်ကြီး၏ ပြည်ထောင်စုအမျိုးသားများဒီမိုကရေစီပါတီ (UNDP) တို့ဖြစ်ကြပါသည်။ ရှမ်းတိုင်းရင်းသားများဒီမိုကရေစီအဖွဲ့ချုပ် (SNLD) မှာ မိုးကုတ်မြို့သို့ စည်းရုံးရေးခရီးစဉ် အနေဖြင့်သာ ရောက်ရှိခဲ့ပြီး ပါတီအနေဖြင့် ၀င်ရောက်ယှဉ်ပြိုင်ခြင်း မပြုခဲ့ပါ။ ထို့အတူ ဗကသ အဖွဲ့မှ မိုးသီးဇွန် ဦးစီးသော လူ့ဘောင်သစ်ဒီမိုကရက်တစ်ပါတီ သည်လည်း ရုံးခန်းများ လာရောက်ဖွင့်လှစ်ခဲ့ပြီး ၀င်ရောက်ယှဉ်ပြိုင်ခြင်း မရှိခဲ့ပါ။ ထိုစဉ်က မိုးကုတ်မြို့နယ်မဲဆန္ဒနယ်မြေ အမှတ်(၁)တွင် ၀င်ရောက်ယှဉ်ပြိုင်ပြီး အရွေးခံရသော ပုဂ္ဂိုလ်မှာ အမျိုးသားဒီမိုကရေစီအဖွဲ့ချုပ်မှ ပြည်သူ့လွှတ်တော်ကိုယ်စားလှယ် ဒေါ်မေနှင်းကြည် (ခ) ဒေါ်နီနီ ဖြစ်ပါသည်။ မိုးကုတ်မြို့နယ် မဲဆန္ဒနယ်မြေ အမှတ်(၂)တွင် အနိုင်ရရှိခဲ့သူမှာ အမျိုးသားဒီမိုကရေစီအဖွဲ့ချုပ်မှ ပြည်သူ့လွှတ်တော်ကိုယ်စားလှယ် ဦးဗိုလ်လှတင့် ဖြစ်သည်။ ထို့ပြင် ရှမ်းပြည်မြောက်ပိုင်း မိုးမိတ်မြို့မှ အမျိုးသားဒီမိုကရေစီအဖွဲ့ချုပ်တွင် ကိုယ်စားပြု လွှတ်တော်ကိုယ်စားလှယ်လောင်း မရှိသည့်အတွက် မိုးကုတ်မြို့သို့ အကူအညီတောင်းခံခဲ့ရာ မိုးကုတ်မြို့မှ ဆရာဝန်ကြီး ဒေါက်တာဦးအုံးမောင် (အမျိုးသားစာပေဆုရ စာရေးဆရာ)က ၀င်ရောက်အရွေးခံရာ မိုးမိတ်မြို့ လွှတ်တော်ကိုယ်စားလှယ်အဖြစ် အနိုင်ရရှိခဲ့ပါသည်။

ဒေါ်မေနှင်းကြည် (ခ) ဒေါ်နီနီ (မိုးကုတ်မဲဆန္ဒနယ် အမှတ်-၁ ပြည်သူ့လွှတ်တော်ကိုယ်စားလှယ်)
ဒေါ်မေနှင်းကြည် (ခ) ဒေါ်နီနီကို ၁၉၄၈-ခုနှစ် ဖေဖော်ဝါရီလ (၁၄)ရက်နေ့တွင် မိုးကုတ်မြို့ ထင်းရှူးခြံရပ်ကွက်တွင် မွေးဖွားခဲ့ပါသည်။ မိဘများမှာ ဦးအောင်ညွန့်နှင့် ဒေါ်ဌေးတို့ ဖြစ်ကြပြီး မွေးချင်းမောင်နှမ (၅)ယောက်တွင် အကြီးဆုံးဖြစ်သည်။ ငယ်စဉ်က မိုးကုတ်မြို့တွင် ပညာသင်ကြားခဲ့ပြီး မိုးကုတ်အထက(၁) မှနေ၍ တက္ကသိုလ်ဝင်တန်း အောင်မြင်ခဲ့ပါသည်။ ထိုနောက် မန္တလေးတက္ကသိုလ် သို့ တက်ရောက်ခဲ့ပြီး ရုက္ခဗေဒ အထူးပြုဘာသာရပ်ဖြင့် ၁၉၆၈-ခုနှစ်တွင် ဘွဲ့ရရှိခဲ့ပါသည်။ ၁၉၆၉-ခုနှစ်တွင် ဦးမိုးဟိန်းနှင့် လက်ထပ်ခဲ့ပြီး သမီး(၃)ယောက် ထွန်းကားခဲ့ပါသည်။ မိဘရိုးရာ ကျောက်ကုန်သည်လုပ်ငန်းဖြင့် အသက်မွေးဝမ်းကျောင်းပြုခဲ့ပြီး မိုးကုတ်မြို့ မြို့မရပ်တွင်လည်းကောင်း၊ ရန်ကုန်မြို့ အမှတ်(၈၁) မြကန်သာလမ်း၊ ဆယ်မိုင်၊ အင်းစိန်မြို့နယ်တွင် တလှည့်စီ နေထိုင်ခဲ့ပါသည်။

ဒေါ်အောင်ဆန်းစုကြည် အထွေထွေအတွင်းရေးမှူးအဖြစ် ဆောင်ရွက်သော အမျိုးသားဒီမိုကရေစီအဖွဲ့ချုပ်ကို ၁၉၈၈ စက်တင်ဘာလတွင် ဖွဲ့စည်းတည်ထောင်ခဲ့ပြီးနောက် နိုင်ငံအနှံ့ရှိ မြို့နယ်ပေါင်းစုံတို့ ရန်ကုန်မြို့သို့ လာရောက် ဆက်သွယ်ကြပါသည်။ သို့ရာတွင် မိုးကုတ်မြို့နယ်အနေဖြင့် လာရောက်ဆက်သွယ်ခြင်း မရှိခဲ့သည့်အတွက် ရန်ကုန်မြို့တွင် နေထိုင်ကြသော မိုးကုတ်အသိုင်းအ၀ိုင်းများနှင့် မိုးကုတ်မြို့နယ်အသင်းတို့က NLD ခေါင်းဆောင်ပိုင်းနှင့် တိုင်ပင်ဆွေးနွေးကာ NLD ပါတီမှ မိုးကုတ်သို့ စည်းရုံးရေးတာဝန်ခံအဖြစ် စေလွှတ်ရန်အတွက် ဒေါ်မေနှင်းကြည်အား ရွေးချယ်တာဝန်ပေးခဲ့ကြပါသည်။ ထို့ကြောင့် ဒေါ်မေနှင်းကြည်သည် မိုးကုတ်မြို့နယ်သို့ ပါတီစည်းရုံးရေးကိစ္စဖြင့် ဒေါ်အောင်ဆန်းစုကြည်မှ တိုက်ရိုက်စေလွှတ်ခံရသူတစ်ဦးလည်း ဖြစ်ပါသည်။ ထို့နောက် မိုးကုတ်မြို့နယ်၏ NLD စည်းရုံးရေးလုပ်ငန်းများကို ၁၉၈၈ အောက်တိုဘာလ (၂၀)ရက်နေ့မှ စပြီး မြို့နယ်စည်းရုံးရေးတာဝန်ခံ အနေဖြင့် စတင်ဦးဆောင် လှုပ်ရှားခဲ့ပါသည်။ ၁၉၈၉-ခု မတ်လတွင် မိုးကုတ်မြို့နယ် အမျိုးသားဒီမိုကရေစီအဖွဲ့ချုပ်၏ မြို့နယ် စည်းရုံးရေးကော်မတီကို ရွေးချယ်တင်မြှောက်ဖွဲ့စည်းခဲ့ကြရာတွင် ကော်မတီဝင်တစ်ဦးအဖြစ် ရွေးချယ်ခံခဲ့ရကာ မြို့နယ်စည်းရုံးရေးမှူးနှင့် ဘဏ္ဍာရေးမှူး တာဝန်များကို ထမ်းဆောင်ခဲ့ပါသည်။

၁၉၉၀ ပါတီစုံရွေးကောက်ပွဲတွင် မိုးကုတ်မြို့နယ် မဲဆန္ဒနယ်မြေ အမှတ်(၁)မှ ပြည်သူ့လွှတ်တော်ကိုယ်စားလှယ်လောင်း အဖြစ် အမျိုးသားဒီမိုကရေစီအဖွဲ့ချုပ်မှနေ၍ ၀င်ရောက်အရွေးခံရာ အနိုင်ရရှိခဲ့ပါသည်။ ထိုစဉ်က မဲလာရောက်ပေးသူပေါင်း (၂၅၃၄၈)အနက်မှ ထောက်ခံမဲ (၁၆၄၃၉)ကို ရရှိခဲ့ပြီး ရာခိုင်နှုန်းအားဖြင့် (၇၂.၂၆)ဖြင့် အနိုင်ရရှိခဲ့သည်။ ၁၉၉၃-ခုနှစ်တွင် ကျင်းပခဲ့သော အမျိုးသားညီလာခံ၌ NLD မှ ကိုယ်စားပြုလွှတ်တော်အမတ်ပေါင်း (၁၀၀)တက်ရောက်ခဲ့ရာတွင် တစ်ဦးအပါအ၀င်ဖြစ်သည်။ ၁၉၉၅-ခုနှစ်တွင် အမျိုးသားညီလာခံ၏ မူဝါဒနှင့် စည်းကမ်းချက်များကို ပြုပြင်ပေးရန် တောင်းဆိုရာတွင် အစိုးရမှ မလိုက်လျောသဖြင့် NLD ပါတီက သပိတ်မှောက်ထွက်ခွာခဲ့ရာတွင်လည်း ပါဝင်ခဲ့ပါသည်။

ထို့နောက်ပိုင်းတွင် ရန်ကုန်မြို့သို့ ပြောင်းရွှေ့နေထိုင်ခဲ့ပြီး ဒေါ်အောင်ဆန်းစုကြည်၏ ပုဂ္ဂိုလ်ရေးဆိုင်ရာ ကိစ္စရပ်များအတွက် ကူညီဆောင်ရွက်ပေးနေပါသည်။ ထို့အပြင် NLD ပါတီမှ ဦးဆောင်ကျင်းပသော အခမ်းအနားတချို့နှင့် အစည်းအဝေးလုပ်ငန်းများကို မိမိနေအိမ်တွင် လက်ခံ၍ ဆောင်ရွက်ပေးလျှက်ရှိပါသည်။ လက်ရှိ NLD ဗဟိုအမျိုးသမီးလုပ်ငန်းအဖွဲ့ တွင်လည်း အဖွဲ့ဝင်တစ်ဦးအဖြစ် တာဝန်ယူဆောင်ရွက်နေဆဲလည်း ဖြစ်သည်။ ၄င်းအပြင် မိုးကုတ်မြို့နယ် NLD လူငယ်အဖွဲ့နှင့် စဉ်ဆက်မပြတ် ဆက်သွယ်ဆောင်ရွက်လျှက်ရှိပြီး လူငယ်မျိုးဆက်သစ်များ ပေါ်ထွက်လာစေရေးအတွက် လိုအပ်သည်များကို ကူညီပံ့ပိုးပေးလျှက် ရှိသည်။ မိုးကုတ် NLD လူငယ် စာကြည့်အသင်းတို့လည်း ကွန်ပျူတာနှင့် စာအုပ်စာတမ်းများကို ထောက်ပံ့ကူညီပေးခဲ့ပါသည်။

ဦးဗိုလ်လှတင့် (မိုးကုတ်မဲဆန္ဒနယ် အမှတ်(၂) ပြည်သူ့လွှတ်တော်ကိုယ်စားလှယ်)
ဦးဗိုလ်လှတင့်ကို ၁၉၅၇- ဒီဇင်ဘာ (၂၃)ရက်နေ့တွင် မိုးကုတ်မြို့နယ် အနောက်ပိုင်း ဂေါင်းဦးဘာရပ်ကွက်တွင် မွေးဖွားခဲ့ပါသည်။ မိဘများမှာ ဦးစံရှိန်နှင့် ဒေါ်အုန်းတို့ ဖြစ်ကြပြီး မွေးချင်း(၈)ယောက်တွင် သတ္တမမြောက်သား ဖြစ်သည်။ ၁၉၆၂-မှ ၁၉၇၃-အထိ မိုးကုတ်ကျပ်ပြင်အထကတွင် န၀မတန်းအထိ ပညာသင်ကြားခဲ့ပြီး ၁၉၇၃-၇၅ တွင် ရန်ကုန် ကမာရွတ် အထက(၂) မှနေ၍ တက္ကသိုလ်ဝင်တန်း အောင်မြင်ခဲ့ပါသည်။ ထိုမှ စက်မှုတက္ကသိုလ်(ရန်ကုန်)သို့ တက်ရောက်ခွင့်ရခဲ့ပြီး ၁၉၈၀-၈၁ တွင် B.E Civil ဘွဲ့ကို ရရှိခဲ့သည်။ ၁၉၈၄-၈၅တွင် ဆည်မြောင်းဦးစီးဌာန၊ ပျဉ်းမနား ငလိုက်ချောင်း စီမံကိန်း၌ လက်ထောက်အင်ဂျင်နီယာ ၀န်ထမ်းအဖြစ် ဆောင်ရွက်ခဲ့သည်။ ၁၉၈၆-ခုနှစ်တွင် အစိုးရအလုပ်မှ နှုတ်ထွက်ပြီး ကျောက်အရောင်းအ၀ယ်လုပ်ငန်းကို လုပ်ကိုင်ခဲ့ပါသည်။

၁၉၈၈-ခုနှစ်တွင် တစ်နိုင်ငံလုံး၌ ရှစ်လေးလုံး လူထုအရေးတော်ပုံကြီး ပေါ်ပေါက်ခဲ့ရာတွင် မိုးကုတ်မြို့နယ်၌ ခေါင်းဆောင်တစ်ဦးအဖြစ် တက်ကြွစွာ ပါဝင်လှုပ်ရှားခဲ့ပါသည်။ စစ်တပ်မှ အာဏာသိမ်းပြီးကာစ (၁၉.၈.၀၈) မှ (၂၄.၈.၀၈)အထိ မိုးကုတ်အကျဉ်းထောင်တွင် အခြားနိုင်ငံရေးလှုပ်ရှားသူများနှင့်အတူ ထိန်းသိမ်းခံခဲ့ရပါသည်။ မိုးကုတ်မြို့နယ် အမျိုးသားဒီမိုကရေစီအဖွဲ့ချုပ်ကို ဖွဲ့စည်းတည်ထောင်ပြီးနောက် မြို့နယ်စည်းရုံးရေးမှူးအဖြစ် တက်ကြွစွာ ပါဝင်ခဲ့ပါသည်။ ထို့နောက် မြို့နယ်စည်းရုံးရေးကော်မတီတွင် တွဲဖက်အတွင်းရေးမှူးအဖြစ် တာဝန်ယူခဲ့သည်။

၁၉၉၀-ရွေးကောက်ပွဲတွင် မိုးကုတ်မြို့နယ်မဲဆန္ဒနယ် အမှတ်(၂)မှ NLD ကိုယ်စားပြု လွှတ်တော်ကိုယ်စားလှယ်လောင်းအဖြစ် ၀င်ရောက်ယှဉ်ပြိုင်ခဲ့ရာ အနိုင်ရရှိခဲ့သည်။ ထိုစဉ်က မဲလာရောက်ပေးသူပေါင်း (၂၄၅၉၆) ရှိသည့်အနက် ထောက်ခံမဲ (၁၆၅၂၇)မဲ၊ ရာခိုင်နှုန်းအားဖြင့် (၇၂.၂၆)ဖြင့် အနိုင်ရရှိခဲ့သည်။ ၁၉၉၀ ဇူလိုင်လတွင် မန္တလေးသူ ဒေါ်နှင်းနှင်းဝေနှင့် လက်ထပ်ခဲ့ပါသည်။ ၁၉၉၀ စက်တင်ဘာလနှင့် အောက်တိုဘာလအတွင်း စင်ပြိုင်အစိုးရဖွဲ့စည်းရေးနှင့် ပတ်သက်၍ မန္တလေးမြို့၌ လှို့ဝှက်ကျင်းပခဲ့သော အစည်းအဝေးတွင် ဦးဆောင်ပါဝင်ခဲ့သည်။ ထို့နောက် အဖမ်းခံရမည့်အန္တရာယ်ကို တိမ်းရှောင်ရင်း ထိုင်းနယ်စပ်သို့ ထွက်ခွာသွားခဲ့သည်။ ထို့နောက် အမေရိကန်တွင် အခြေစိုက်သော ၀န်ကြီးချုပ် ဒေါက်တာစိန်ဝင်း ဦးဆောင်သည့် ပြည်ထောင်စုမြန်မာနိုင်ငံအမျိုးသားညွှန့်ပေါင်းအစိုးရအဖွဲ့ (NCGUB) တွင် ဘဏ္ဍာရေးဝန်ကြီးအဖြစ်လည်းကောင်း၊ နိုင်ငံခြားရေးဝန်ကြီးအဖြစ်လည်းကောင်း တာဝန်ထမ်းဆောင်လျှက် ရှိပါသည်။

NLD မိုးကုတ်
အမျိုးသားဒီမိုကရေစီအဖွဲ့ချုပ်၊ NLD ပါတီသည် ယနေ့အချိန်ထိ တရားဝင်ပါတီအဖြစ် ရပ်တည်လှုပ်ရှားနေဆဲ ဖြစ်သည်။ ၂၀၀၃-ခုနှစ် မေလတွင် ဖြစ်ပွားခဲ့သော ဒီပဲယင်းအရေးအခင်းပြီးနောက် အစိုးရမှနေ၍ နိုင်ငံတ၀ှမ်းရှိ NLD မြို့နယ်နှင့် တိုင်းရုံး အားလုံးကို ဖွင့်လှစ်ခွင့်မပြုတော့ပဲ ချိတ်ပိတ်ထားခဲ့ရာ ရန်ကုန်မြို့ရှိ ဗဟိုဌာနချုပ်ရုံး တစ်ခုတည်းကိုသာ ဖွင့်လှစ်ခွင့်ပြုခဲ့ပါသည်။ ထို့ကြောင့် မိုးကုတ်မြို့နယ် NLD ပါတီရုံးသည်လည်း ချိတ်ပိတ်ခံရပြီး ရုံးလုပ်ငန်းများ ရပ်ဆိုင်းခဲ့ရသည်။ မိုးကုတ်မြို့နယ် NLD ပါတီရုံးကို ရှမ်းစုရပ်ရှိ ဦးအောင်ကျော် နေအိမ်တွင် ၁၉၈၈-ခု အောက်တိုဘာလမှစ၍ ချိတ်ပိတ်ခံရသည့်အချိန်အထိ ဖွင့်လှစ်ခဲ့ပါသည်။

လက်ရှိအနေဖြင့် မိုးကုတ်မြို့နယ် NLD ပါတီ စည်းရုံးရေးကော်မတီတွင် ဥက္ကဌအဖြစ် ဦးလှဦး(ဈေးဟောင်း)၊ ဒုဥက္ကဌ-၁ ဦးကျော်ညွန့်(မြို့လယ်)၊ ဒုဥက္ကဌ-၂ ဦးဦးကို(ကျပ်ပြင်မြို့မ)၊ အတွင်းရေးမှူး ဦးတိုးတိုး(အောင်ချမ်းသာ)၊ တွဲဖက်အတွင်းရေးမှူး ဦးဘစိမ်း(ကျပ်ပြင်တောင်ပေါ်ကုန်း)၊ လူငယ်တာဝန်ခံ ကိုမင်းသူ(ရေပူ) တို့မှ ဆက်လက်တာဝန်ယူကာ ပါတီလုပ်ငန်းများကို ဆောင်ရွက်လျှက်ရှိပါသည်။
K.T

Read More...