Wednesday, December 31, 2008

Bye Bye 2008


မိတ်ဆွေများအားလုံး ၂၀၀၉ နှစ်သစ်တွင် အကြပ်အတည်းများ၊ အဆင်မပြေမှုများမှ လွတ်မြောက်ကြပြီး ပျော်ရွှင်နိုင်ကြပါစေ...။

Read More...

Friday, December 26, 2008

တောင်ကြီး ဖ၀ါးအောက်...

မိုးကုတ်မှာ နှစ်စဉ်နှစ်တိုင်း ဆောင်းရာသီရောက်ရင် ကျန်းမာရေးအတွက်ပဲဖြစ်ဖြစ်၊ စိတ်ပင်ပန်းနွမ်းနယ်နေတာကို အပန်းဖြေတဲ့သဘောဖြစ်ဖြစ် တောင်တက်ကြလေ့ရှိတယ်။ အထူးသဖြင့် ဒီဇင်ဘာလဆို တောင်တက်ရာသီလို့ ပြောရမလားမသိဘူး။ အစုလိုက် အဖွဲ့လိုက် ယောင်္ကျား၊ မိန်းမ၊ ကလေး၊ လူကြီး အစုံ တောင်တက်ကြတယ်။ အမြဲတမ်း တက်နေကြတောင်တွေကတော့ မိုးကုတ်-မိုးမိတ် နယ်စပ် လွယ်ဆာရွာ အနီးမှာရှိတဲ့ အံ့ဘွယ်တောင် (လွယ်ဆာတောင်)ပြောင်ခေါင်းရွာ အနီးမှာရှိတဲ့ တောင်မင်းတောင် ( တောင်မဲတောင်လို့လည်း ခေါ်ဝေါ်ကြတယ်) တို့ဖြစ်ပါတယ်။ ကျနော်တို့အဖွဲလည်း ဒီနှစ်တော့ တောင်မဲတောင်တက်မယ်လို့ ဆုံးဖြတ်ခဲ့ကြတယ်။ အမြင့်ပေကတော့ ၇၅၄၄-ပေ ရှိတယ်။ နေ့ကတော့ ဒီဇင်ဘာ (၂၅)ရက်နေ့၊ ခရစ္စမတ် နေ့လေ။ အမှတ်တရ ခရီးစဉ်လေးပဲပေါ့ ......။


တောင်ထိပ် စောစောရောက်ပြီး အချိန်ဖြုန်းနိုင်အောင် မနက်ပိုင်း ၃-နာရီခွဲလောက်က စတက်မယ်ဆိုပြီး ဈေးသစ်ရပ်၊ ဖောင်တော်ဦးဘုရားအောက်နားက ကိုအောင်မင်းသန့် အိမ်မှာလူစုကြပါတယ်။ တက်မယ့်လူက စုစုပေါင်း (၂၂)ယောက်တောင်ရှိတယ်။ ၄နာရီခွဲလောက် လူတွေစုံတော့ စံပြ မုန့်တိုက် (SP) က ကိုတေ့တေ က သူ့ ဟိုင်းလတ်စ်ကားနဲ့ တောင်ခြေနားက (တောင်ခြေဆိုပေမယ့် နှစ်တောင်၊ သုံးတောင်လောက် ထပ်ကျော်ဖြတ်ရသေးတယ်) ၊ ပုဂ္ဂလိက သစ်တောစိုက်ခင်းတစ်ခုနားထိ သွားပြီး အဲဒီကနေမှ တောင်တက်ခရီးစဉ် စတင်ကြပါတယ်။ နာရီကြည့်လိုက်တော့ မနက် ၅နာရီ ဆယ်မိနစ်။


မနက်စောစော၊ နေမထွက်သေးတော့ လမ်းတွေက မဲမှောင်ပြီး ဘာမှ မမြင်ရသေးဘူး။ ဆိုင်မှာ ကျနော် စက်နှိုက်ရင် သုံးဖို့ဆို ၀ယ်ထားတဲ့ မိုင်းနင်းတွေမှာသုံးတဲ့ ခေါင်းစွပ်တဲ့ ဓာတ်မီးလေးယူလာလို့ တော်သေးတယ်။ တအားဟန်ကျလို. အားလုံး ကျေးဇူးတင်နေကြတယ်။ ဒီကြားထဲ ရှေ့က တစ်ယောက်က ဖြတ်လမ်းထင်ပြီး လမ်းမှားပြီး ခေါ်သွားတယ်။ မဲမဲမှောင်မှောင်နဲ့ မပြုတ်ကျအောင် အပင်တွေ ခြုံတွေကို ကုတ်ကပ်ဆွဲ၊ ခြေလှမ်းတွေ သတိထားပြီး ဆယ့်ငါးမိနစ်လောက် တက်လိုက်ရတယ်။ တစ်ဖွဲ့လုံး ဟူးဟူး ဟဲဟဲနဲ့။ လမ်းညွှန်တဲ့တစ်ယောက်ကိုလည်း ၀ိုင်းပြီး ထောပနာပြုကြတယ်။ လမ်းကြောင်းပေါ် ပြန်ရောက်တော့ ရောင်နီလေးက ပျို့နေပြီ။ လှလိုက်တဲ့ ရှုခင်းလေးတွေ။ မြို့ထဲကို လှမ်းကြည့်တော့ ဘာမှ သဲသဲကွဲကွဲ မမြင်ရသေးဘူး။ မြင်ကွင်းရှင်းအောင် ခြုံတွေကိုဖြဲရှင်းပြီး ဓာတ်ပုံရိုက်တယ်။


သွားရင်း တက်ရင်းနဲ့ နေထွက်လာလည်း တိမ်တွေရှိနေသေးတော့ သိပ်မလင်းသေးဘူး။ လမ်းတလျှောက် တစ်ယောက်နဲ့တစ်ယောက် စလိုက်-နောက်လိုက်၊ စောင့်လိုက်-နားလိုက်နဲ့ တက်ခဲ့ကြတာ ဗိုက်ဆာလာတော့ ကိုတေ့တေ ဝေပေးထားတဲ့ စံပြ ပူတင်းပေါင်မုန့်တွေကို မနက်စာအဖြစ် စားကြတယ်။ ရေသောက်ရတာလဲ သောက်ဖူးသမျှတွေထဲမှာ အချိုဆုံးပဲထင်တယ်။

တောင်မဲတောင်ခြေကိုရောက်တော့ ခုနှစ်နာရီကျော်ပြီ။ အားလုံးလဲ တော်တော်လေး ပြိုင်းနေကြတယ်။ ကိုအောင်မျိုးသန့်တစ်ယောက်ကတော့ တော်ပြီ.. နောက်နှစ်ကျရင် မတက်တော့ဘူး ဆိုပြီးနောင်တသံနဲ. ငြီးတွားနေလေတယ်။ ခဏနားပြီးတော့ စတက်ကြတယ်။ တက်ရတာ တော်တော်လေးမတ်တယ်ဗျာ။ တချို့ဆို ဒူးတုန်နေကြတယ်။ အောက်ကို လှမ်းကြည့်လိုက်တော့ တစ်မြို့လုံးကို အပေါ်စီးကနေမြင်နေရတယ်။

လေကလဲ တဟူးဟူးနဲ့။ ရှူရတာလဲ မြို့ထဲကနဲ့ ဘာမှ မဆိုင်ဘူး၊ ကောင်းလိုက်တာ။ တိမ်တွေကလည်း ဘေးမှာကော၊ အောက်မှာကော၊ အပေါ်မှာကောပဲ။ ဓာတ်ပုံတွေကိုလည်း အပေါ် တောင်ပေါ်ကိုရိုက်လိုက်၊ အောက်ရှုခင်းတွေကို ရိုက်လိုက်၊ ဘေးဘက်ကိုရိုက်လိုက်နဲ့ ၃၆၀ဒီဂရီပဲရှိလို့ တော်သေးတာပေါ့။ ဒီကြားထဲ မင်းသားတွေကလဲ တစ်ယောက်ပြီးတစ်ယောက် ပို့စ်အမျိုးမျိုးနဲ့ ရိုက်ခိုင်းနေသေးတယ်။ ပုံတွေ လိုက်ရိုက်နေတယ်ဆိုတဲ့ ကိုလွင်မိုးကြီးကိုလည်း သတိရသွားမိတယ်။ သူ့ကိုလည်း ဒီမြင်ကွင်းတွေ ရိုက်စေချင်လိုက်တာ၊ ကင်မရာအကောင်းစားကြီးနဲ့။ သူ မိုးကုတ်ကို တစ်ခါမှ မရောက်ဖူးသေးဘူး။

ကျနော်လည်း ရောက်တုန်း ဓာတ်ပုံကောင်းကောင်းလေးတွေရအောင် ရိုက်ထားမှဆို ရိုက်ရင်း-တက်ရင်းနဲ့ တက်တဲ့လူတွေနောက် တော်တော်လေးကျန်ခဲ့တယ်။ မှီအောင် ခပ်သွက်သွက်လေး တက်ရင်း ခြေထောက် ကြွက်တက်မလိုတောင် တစ်ခါဖြစ်သေးတယ်။ ရောက်ပါပြီ တောင်ထိပ်ကို။ စောင့်နေကြတယ်။ ဒီတောင်မဟုတ်သေးဘူးတဲ့ နောက်ဟိုတစ်တောင်မှရောက်မှာတဲ့ အမောပြေအောင် ဆီးပြောကြတယ်။ ကျနော်တို့ဆီမှာလည်း တောင်မြင့်မြင့်ဆို စေတီတစ်ဆူဆူတော့ အမြဲတည်ထားတတ်တယ်။ စေတီမြင်တော့ ရောက်ပြီထင်တာပေါ့။ အဲဒါနဲ့ပဲ ဆက်ချီတက်ကြတယ်။

အဲဒီတောင်ကနေ ပြေပြေလေးဆင်းသွားတော့ တောင်မဲတောင်ထွတ်ကြီးကို ထီးထီး မြင်နေရပြီ။ ကျောက်သားအတိကြီးပဲ။ တောင်နှစ်တောင်ကြားထဲကနေ နှစ်ဖက်စလုံး လှည့်ပတ် ကြည့်မိတယ်။ ၀ူခုန်းကားတွေထဲကအတိုင်းပဲဗျာ။ ကျောက်တောင်တွေကော၊ အပင်တွေကော၊ တိမ်တွေကော။ လူတောင် ၀ူခုန်းလို ဆီးဖော် ဆီးဖော်ဆို အော်အော်ပြီး ခုန်လိုက်ချင်တယ်။ အဲဒီတောင်ပေါ်ရောက်မှပဲ လူဟာမျောက်နဲ. အမျိုးတော်တယ်ဆိုတာ လုံးဝယုံလိုက်ပြီ။



အမောတော့ တော်တော်လေးပြေသွားပြီ။ ကျနော်လည်း ထုံးစံအတိုင်း လူတွေကိုရော၊ ရှုခင်းတွေကိုရော တဖြတ်ဖြတ်နဲ့ ဓာတ်ပုံ လိုက်ရိုက်တယ်။ စိတ်ထဲမှာလည်း ဒီထက်ကောင်းတဲ့ ကင်မရာလေးတစ်လုံးလောက် ရချင်နေမိတယ်။ ဟိုးဘက်တောင်ပေါ်တက်နေကြတဲ့ လူလေးတွေကိုလည်း ရေးရေးလေး မြင်နေရတယ်။ ကောင်းကင်ပြာပြာကြီးနဲ့ ကျောက်တောင်ထီးထီးကြီးကလည်း ဟာမိုနီ ကိုက်နေလိုက်တာ။ စိတ်တိုင်းကျ ရိုက်ပြီးတာနဲ့ တောင်ထိပ် ဆက်တက်တယ်။ တက်ရတာ အသဲယားစရာကောင်းတယ်။ ကျောက်တောင်ထီးထီးကြီးမှာ အပင်ကြီးတွေ မရှိပဲ မြက်ခြောက်တွေလောက်ပဲ ရှိတယ်။ သတိထားပြီး ဖြည်းဖြည်းချင်း တက်သွားတယ်။ ရောက်ပါပြီ... တောင်ပေါ်ကို...။ မနက် ရှစ်နာရီခွဲကျော်ကျော်လောက်ပါ။



တောင်ပေါ်မှာ ကျနော်တို့ထက်အရင် ရောက်နေကြတဲ့ အဖွဲ့လည်း ရှိတယ်ဗျ။ ဆယ်ယောက်ကျော်လောက်ရှိမယ်။ ကျနော်တို့လည်း ညာဘက် တောင်ထွတ်နေရာဦးပြီး စတည်းချကြတယ်။


အားလုံးလည်းပင်ပန်းပြီး ဗိုက်ဆာနေကြတယ်။ တောင်စတက်တုန်းက ဝေထားတဲ့ ထမင်းကြော်ထုတ်တွေ ဖြည်ပြီး အာဟာရ ဖြည့်တင်းကြတယ်။ အလုပ်လုပ်တဲ့နေရာမှာ အမြဲအကွက်စိတဲ့ ကိုအောင်မျိုးသန့်က သူယူခဲ့တဲ့ ဘီတာဒိုင်းလိမ်းဆေးတွေ၊ ဟန်ဆာပလတ်စ်တွေ၊ လန်းဆန်းတွေ၊ တစ်ခြားလိမ်းစရာဆေးတွေကိုကြည့်ပြီး ဘယ်သူမှလည်း ဘာမှ မဖြစ်ကြဘူး... ငါ့ဟာတွေတော့ အလကားဖြစ်ကုန်ပါပြီ ဆို ပြောလို့ အားလုံး ၀ိုင်းအော်ကြသေးတယ်။ ကိုတေ့တေကတော့ သူ့ဆိုင်ကယူခဲ့တဲ့ ပါဖက်လိမ္မော်ထုပ်တွေ၊ ဝေဖာထုပ်တွေ အချိုပွဲအဖြစ် ဝေတယ်။ အားလုံး စားပြီး သောက်ပြီးကြတော့ တစ်ရေးတမော အိပ်တဲ့လူက အိပ်၊ တောင်ပေါ် ဟိုကြည့် သည်ကြည့် ကြည့်တဲ့လူကကြည့်၊ ဆော့နေကြတဲ့ လူတွေက ဆော့၊ မျောက်လို ကမြင်းတဲ့သူက ကမြင်းနေကြနဲ့...။


ကျနော်ကတော့ ပုံတွေပဲ ထပ်လိုက်ရိုက်နေတယ်။ နောက်ထပ် တောင်တက်တဲ့အဖွဲ့တွေလည်း တဖွဲဖွဲနဲ့ ထပ်ရောက်လာကြတယ်။ စုစုပေါင်း သုံးဖွဲ့။
တောင်ထိပ်စေတီဘေးမှာ အရင် မိုးကြိုးပစ်ပြီး ပြိုကျနေတဲ့ စေတီဟောင်း တစ်ပိုင်းလည်း တွေ့ရတယ်။ စေတီအုတ်ခုံမှာ ရောက်တုန်းရောက်ခိုက် ရေးထားခြစ်ထားတဲ့ မှတ်တမ်းတွေ၊ နေ့စွဲတွေလည်း တွေ့ရတယ်။ ဘုန်းကြီးသီတင်းသုံးတဲ့ ကျောင်းတွေ ဘာတွေတော့မရှိဘူး။



တောင်ပေါ်ကနေ အောက်ခြေက ပြောင်ခေါင်းရွာ၊ မိုးကုတ် အရှေ့ပိုင်း၊ အနောက်ပိုင်း၊ စီဒီအမ်အေ တာဝါတိုင်ကြီး၊ မိုးမိတ်မြို့ဘက် အကုန်မြင်ရတယ်။ ခါတိုင်း ဧရာဝတီမြစ်ကြီးကို မြင်ရတယ်လို့တော့ ပြောကြတယ်။ ခုတော့ မြူတွေ၊ တိမ်တွေ ဆိုင်းနေတော့ ခပ်ဝေးဝေးအဲသည်ထိ မမြင်ရဘူး။ မှန်ဘီလူးလဲ ဘယ်သူမှ မပါလာကြဘူး။




တောင်ပေါ်မှာ ရာသီဥတု သုံးမျိုးပြောင်းတယ် ဆိုတာ မှန်သားပဲ။ ခဏနေတုန်း တိမ်တွေ မည်းတက်လာတယ်။ ရာသီဥတု ချက်ခြင်း ပြောင်းသွားတယ်။ နေမပွင့်တော့ လေတိုက်တာနဲ့ တော်တော်အေးတယ်ဗျ။ ဒါနဲ့ စတည်းချတဲ့နေရာ ပြန်လာတယ်။ အမယ် အေးလို့ဆို မိုးကုတ်ကနေ မန်းလေးကို ဆောင်းခိုသွားကြတဲ့သူတွေလည်း ရှိသဗျ။ ကျနော်အင်္ကျီထူထပ်၊ ဦးထုပ်ဆောင်း၊ နေရာလွတ် တနေရာရှာပြီး ခဏ လှဲနားတယ်။ ပြီးတော့ ဟိုဘက်တောင်စွန်းထိပ် ပြန်သွားရိုက်တယ်။

ဟိုဘက်က ကောင်တွေကတော့ သတိထားဦးနဲ့ စိုးရိမ်တကြီး အော်ဖော်ရကြတယ်။ အဲသည်ဘက်မှာ နာရီဝက်ကျော်ကျော်လောက် အချိန်ဖြုန်းပြီးမှ ပြန်လာခဲ့တယ်။ ဟိုပြောသည်ပြော ဟိုစားသည်စား ဟိုကြည့်ဒီကြည့်နဲ့ ၁၂နာရီလောက်ကျတော့ တောင်အောက်ပြန်ဆင်းမယ်ဆိုပြီး လူစုကြတယ်။ အမှတ်တရ ဓာတ်ပုံတွေလည်း ထပ်ရိုက်ကြတာပေါ့။


ပြီးမှ အားလုံး အနောက်ဖက်လမ်းကနေ ပတ်ပြီး ပြန်ဆင်းခဲ့ကြတယ်။ အလာလမ်းနဲ့ မတူပဲ အဲဒီလမ်းလည်း ဆင်းရ တော်တော်လေးခက်တယ်။ လျှိုတွေထဲ ပတ်ဆင်းရတယ်။ ဒီနေရာမှာ ဒူးကောင်းမကောင်း စကားပြောတယ် ဆို စ-နေကြသေးတယ်။လမ်းမှာ ထင်းခုတ်တဲ့ လူတွေကိုလည်း တွေ့ရတယ်။ မေးကြည့်တော့ ဒီဇင်ဘာ တစ်လလုံး နေ့တိုင်း တောတက်ကြတယ်တဲ့။ ဂေါ်ရခါး အမျိုးသမီးကြီးတွေကော ကလေးတွေကော။ (ကင်မရာတော့ ဓာတ်ခဲကုန်သွားလို့ မရိုက်နိုင်တော့ဘူး) ထင်းထမ်းတဲ့ ကလေးတွေ ကျောင်းမတက်နိုင်၊ ပညာမသင်ကြားနိုင်ကြတာကိုတော့ သနားမိတယ်။ ငါလည်း အဲဒီလိုမျိုး မိဘက မွေးခဲ့ရင် ထမ်းနေရမှာပဲဆို ကိုယ်ချင်းစာမိတယ်ဗျာ။ ကိုအောင်မျိုးသန့်ကတော့ သူတို့ကို မသုံးလိုက်ရတဲ့ ဆေးဝါးတွေ ဒါနပြုသလိုလိုနဲ့ ကြေငြာနေပြန်တယ်။ ညနေ သုံးနာရီမထိုးခင် မူလ ကားရပ်ထားတဲ့နေရာ အားလုံး ပြန်ရောက်ကြတယ်။ အပြန် ကားလမ်းခရီးမှာ အရင်ဆင်းသွားခဲ့တဲ့အဖွဲ့က သူတွေနဲ့ သွားပြန်တွေ့တော့ အပြန်အလှန် စကြ၊ နောက်ကြ၊ တ၀ါးဝါးနဲ့ ပျော်စရာကြီး။

မြို့ထဲရောက်တော့ ဒကာတော် ကိုတေ့တေက အစားအသောက်ကောင်းတယ်ဆိုတဲ့ ရွှေကံ့ကော် စားသောက်ဆိုင်ကို ခေါ်သွားပြီး ကျွေးမွေးပြုစုပြန်ပါသေးတယ်။ အဲဒီကနေ စားသောက်ပြီးမှ အားလုံး ကိုအောင်မျိုးသန့် အိမ်မှာဆင်းပြီး နှုတ်ဆက်ကာ လူစုခွဲခဲ့ကြပါတယ်။ နောက်နှစ်ဆို မတက်တော့ဘူး လို့ တောင်တက်တုန်းက ပြောခဲ့တဲ့ ကိုအောင်မျိုးသန့်ကတော့ နောက်နှစ်လည်း တက်ဦးမယ်... တဲ့။
TP

Read More...

Monday, December 22, 2008

ဦးဇင်း ဦးကျော် မိုးကုတ်လာမည်


ဦးကိတ္ထိသာရ တဖြစ်လဲ ဦးဇင်း ဦးကျော်ဟိန်း မိုးကုတ်ကို ကြွလာမယ်လို့ သိရပါတယ်။ မိုးကုတ် အနောက်ပိုင်း ကျပ်ပြင်၊ ပါရမီ နာမှုကူညီရေးအသင်း က ကမကထပြု ခေါ်ယူတာဖြစ်ပြီး ခေါင်းစဉ်ကိုတော့ တရားအလှူပွဲ အသျှင် ကိတ္ထိသာရ (အကယ်ဒမီ ဦးကျော်ဟိန်း) စိတ်အကြောင်းဆွေးနွေးပွဲ လို့ နာမည်တပ်ထားပါတယ်။

တရားပွဲအစီအစဉ်ကတော့ အောက်ပါအတိုင်းဖြစ်ပါတယ်...
နေ့ရက် - ၁၃၇၀-ပြည့်နှစ် နတ်တော်လဆုပ် (၁၃)ရက်မှ ပြာသိုလဆန်း (၄)ရက်နေ့အထိ။
(၂၅.၁၂.၂၀၀၈ မှ ၃၀.၁၂.၂၀၀၈)
နေရာ - မိုးကုတ်မြို့ အနောက်ပိုင်း၊ ပန်းမလယ်ပြင်ကျောင်းတိုက်။
အချိန် - ညနေ (၆း၃၀)
TP

Read More...

အင်အားအသင့်အတင့်ရှိ ငလျင် လှုပ်ခတ်သွား

၂၀၀၈-ခုနှစ်မကုန်ဆုံးမှီ ဒီဇင်ဘာ (၂၁)ရက်နေ့တွင် မိုးကုတ်မြို့ဝန်းကျင်ကို ဗဟိုပြု၍ အင်အားအသင့်အတင့်ပြင်းထန်သော မြေငလျင်တစ်ခု လှုပ်ခတ်သွားခဲ့ပါသည်။

မြန်မာနိုင်ငံ မိုးလေ၀သနှင့်ဇလဗေဒဌာန၏ သတင်းထုတ်ပြန်ချက်အရ ငလျင်၏ အင်အားမှာ ၅.၂ ရစ်ချက်တာစကေးရှိပြီး ကမ္ဘာအေးမြေငလျင်တိုင်းတာရေးစခန်း၏ အရှေ့မြောက်ဖက် မိုင်(၃၈၀)ခန့် အကွာအဝေးကို ဗဟိုပြု၍ နံနက်(၅)နာရီ (၅၇)မိနစ် (၂၂)စက္ကန့် အချိန်တွင် လှုပ်ခတ်သွားကြောင်း သိရသည်။ ထို့ပြင် ည (၉)နာရီ (၅၄)မိနစ် အချိန်တွင်လည်း ငလျင်တစ်ကြိမ် ထပ်မံ၍ လှုပ်ခတ်သွားပါသည်။ အဆိုပါငလျင်ကို မြန်မာနိုင်ငံ အထက်ပိုင်းနှင့် အလယ်ပိုင်းဒေသ တချို့တွင်လည်း သိရှိခံစားလိုက်ရသည်ဟု ဒေသခံများက ဆိုပါသည်။ ယခု ငလျင်ဒဏ်ကြောင့် အပျက်အစီး အထိအခိုက် မရှိခဲ့ပါ။ ပြီးခဲ့သော ၂၀၀၄-ခုနှစ်တုန်းကလည်း ယခုကဲ့သို့သော နှစ်ဟောင်းမကုန်ဆုံးမှီ ဒီဇင်ဘာလ (၂၅)ရက် ခရစ္စမတ်နေ့ နံနက်ပိုင်းအချိန်တွင် အရှေ့တောင်အာရှဒေသ၌ အင်အားပြင်းထန်သော ဆူနာမီငလျင်ကြီး လှုပ်ခတ်ခဲ့ပြီး လူအသေအပျောက်များစွာ ရှိခဲ့ပါသည်။

ရှေးက မိုးကုတ်မြို့တွင် လှုပ်ခတ်သွားခဲ့သော ထင်ရှားသည့် ငလျင်များကို သမိုင်းစာအုပ်များတွင် မှတ်တမ်းတင်ထားသည်ကို တွေ့ရှိရပါသည်။ ဗြိတိသျှခေတ် ၁၉၁၂-ခု မေလ (၂၃)ရက်နေ့တွင် ရှမ်းပြည်နယ် မြောက်ပိုင်း၊ ကျောက်ကြမ်းဒေသတ၀ိုက်ကို ဗဟိုပြု၍ လှုပ်ခတ်သွားခဲ့သော ငလျင်ဒဏ်ကြောင့် မိုးကုတ်မြို့တွင် သက်တမ်းအရှည်ကြာဆုံးဖြစ်သည့် သမိုင်းဝင် ရွှေဂူကြီးစေတီတော် ပြိုကျပျက်စီးခဲ့ရပါသည်။ လွတ်လပ်ရေးခေတ် ၁၉၄၆-ခုနှစ် စက်တင်ဘာလ (၁၂)ရက် ကြာသပတေးနေ့ ည (၉)နာရီ (၄၃)မိနစ် အချိန်တွင် လှုပ်ခတ်သွားခဲ့သော ငလျင်ဒဏ်ကြောင့် မင်းဘုရားတောင်ပေါ်တွင် တည်ထားကိုးကွယ်ခဲ့သည့် ချမ်းသာကြီးစေတီတော်မှာ ပြိုကျပျက်စီးခဲ့ရပါသည်။ ချမ်းသာကြီးစေတီတော်ကို ပြန်လည်ပြုပြင်မွမ်းမံပြီးနောက် ၁၉၄၇-ခုနှစ် စက်တင်ဘာလ (၃)ရက်နေ့ ည(၉)နာရီ (၃၀)မိနစ်အချိန်တွင် လှုပ်ခတ်ခဲ့သော မြေငလျင်ဒဏ်ကြောင့် စေတီတော်မှာ ထပ်မံ၍ မြေခခဲ့ရပြန်ပါသည်။

ရှမ်းပြည်နယ်မြောက်ပိုင်း ကျောက်ကြမ်းဒေသတ၀ိုက်သည် ပြင်းထန်သော ငလျင်များ လှုပ်ရှားလေ့ရှိသည့် ငလျင်ရပ်ဝန်းဒေသဖြစ်သည်။ ထိုငလျင်ကြောတွင် မိုးကုတ်မြို့သည်လည်း ပါဝင်သည်ဟု ယူဆနိုင်သည်။ ကျောက်ကြမ်းပြတ်ရွေ.ကြောသည် ရှမ်းပြည်နယ် နောင်ချြိုမို.အနီးမှ တောင်မြောက်အနေအထား ဖြတ်သွားလျက်ရှိသည်ဟုသိရသည်။
KT

Read More...

Saturday, December 13, 2008

တတိယအကြိမ် သဟာယစာပေဆုအား တိုးချဲ့ချီးမြှင့်ခြင်း

သဟာယစာပေဆုကို ယခင်နှစ်များက တစ်နှစ်လျှင် ဆုတစ်ဆုစီသာ ချီးမြှင့်ခဲ့သော်လည်း ယခု တတိယအကြိမ်မြောက် သဟာယစာပေဆုတွင် ဆုနှစ်ဆု ပေးအပ်ချီးမြှင့်သွားမည်ဖြစ်ကြောင်း သတင်းရရှိပါသည်။ တတိယအကြိမ် သဟာယစာပေဆုကို အတွေးအမြင်စာစောင်၏ အယ်ဒီတာအဖွဲ့အား ပေးအပ်ချီးမြှင့်မည်ဖြစ်သည့်အကြောင်း ဆုရွေးချယ်ရေးကော်မတီက သတင်းထုတ်ပြန်ခဲ့ပြီးဖြစ်ပါသည်။ ယခုထပ်မံ၍ တိုးချဲ့ချီးမြှင့်မည့် သဟာယစာပေဆုကိုမူ စာရေးဆရာမ ဂျူး သူ မင်းကို ဘယ်တော့မှ… ဆိုသည့် စာအုပ်အား ရွေးချယ်လိုက်သည့်အကြောင်း ဆုရွေးချယ်ရေးကော်မတီက သတင်းထုတ်ပြန်လိုက်ပါသည်။ ဆုရွေးချယ်ရေးအဖွဲ့၏ သုံးသပ်ချက်တွင် ၄င်းစာအုပ်နှင့် ပတ်သက်၍ ဖော်ပြထားသည်မှာ… စာရေးဆရာ၏ ရှုထောင့်မှနေ၍ လက်ရှိကြုံတွေ့နေရသည့် မျက်မှောက်လူမှုဘ၀ အကျပ်အတည်း အနေအထားကို ၄င်း၏ ကလောင်စွမ်းဖြင့် ခြယ်မှုန်းပြသနိုင်သည်ဟု ယူဆသည့်အတွက် ရွေးချယ်ရခြင်းဖြစ်သည် ဟု ပါရှိသည်။




ဂျူး Profile
အမည်ရင်း တင်တင်ဝင်း၊ ၁၉၅၈ခုနှစ် စက်တင်ဘာလ (၂၀)ရက်နေ့တွင် မကွေးတိုင်း ရေနံချောင်းမြို့၌ ဖွားမြင်ခဲ့။ မွေးချင်း (၅)ယောက်တွင် အလတ်ဖြစ်၊ မန္တလေး ဆေးတက္ကသိုလ်မှ ၁၉၈၃-ခုနှစ်တွင် ဆရာဝန်ဘွဲ့ (M.B.B.S) ရရှိခဲ့။ ပထမဆုံးဝတ္ထုမှာ သက်ငင်ချစ် (၁၉၈၁-ခု ဇွန်လထုတ် ရှုမ၀မဂ္ဂဇင်းတွင် ဖော်ပြခံရ)၊ ပထမဆုံးလုံးချင်းဝတ္ထု စာအုပ်မှာ အမှတ်တရ (၁၉၈၇) ဖြစ်သည်။

ဂျူးသည် ကျောင်းနေစဉ်ကာလကပင် မိခင်၏စေ့ဆော်မှုဖြင့် စာရေးဆရာ ဓူဝံမာလာဝတ္ထုရှည် ကိုစတင်ဖတ်ရင်း စာရေးဆရာဖြစ်ချင်ခဲ့သည်။ တက္ကသိုလ်ဝင်တန်းအောင်မြင်သည့်အခါတွင်လည်း မိခင်၏တိုက်တွန်းချက်ကြောင့်ပင် ဆေးတက္ကသိုလ်သို. တက်ရောက်သင်ကြားခဲ့သည်။ ရေနံချောင်းဒေသကောလိပ် နှစ်လည်မဂ္ဂဇင်းတွင် ရာဇ၀င်ထဲမှာမောင့်ကိုထားရစ်ခဲ့ ၀တ္ထုတိုတစ်ပုဒ် စတင်ရေးသားဖော်ပြခံရသည်။ မန္တလေးဆေးတက္ကသိုလ် မဂ္ဂဇင်းတွင်လည်း ၀တ္ထုတိုများ ရေးသားခဲ့သည်။ ၁၉၈၁ ခုနှစ်တွင် ရှုမ၀ရုပ်စုံမဂ္ဂဇင်း၊ ချစ်ကိုယ်တွေ.ကဏ္ဍတွင် သက်ငင်ချစ် ၀တ္ထုတိုတစ်ပုဒ် စတင်ရေးသားပြီး မဂ္ဂဇင်းစာမျက်နှာများပေါ်တွင် ခြေချလာသည်။ ရှုမ၀ရုပ်စုံမဂ္ဂဇင်း၌ ကဗျာ၊ ၀တ္ထုတိုများရေးသားဖွဲ.ဆိုလာရင်း မျိုးဆက်သစ် အမျိုးသမီးစာရေးဆရာအဖြစ် ဆေးတက္ကသိုလ်နောက်ဆုံးနှစ် ကျောင်းသူဘ၀မှာပင် ထင်ရှားလာသည်။ နောက် ပေဖူးလွှာမဂ္ဂဇင်းတွင်လည်း ၀တ္ထုတိုများနှင့် မဂ္ဂဇင်းဝတ္ထုရှည်(အမှတ်တရ) စာပေလက်ရာများဖြင့် ကျော်ကြားလာခဲ့သည်။ ဒဂုန်၊ စံပယ်ဖြူ၊ ချယ်ရီ၊ မဟေသီ၊ ကလျာ၊ ဟန်သစ် မဂ္ဂဇင်းများတွင် ၀တ္ထုတိုလက်ရာများအပြင် စာပေဆောင်းပါးများ၊ ရုပ်ရှင်ခံစားမှုဆောင်းပါးများ ရေးသားတင်ပြခဲ့သည်။

ပထမဆုံးလုံးချင်းဝတ္ထု စာအုပ်ထွက်ပြီးနောက်ပိုင်း ဆက်လက်ရေးသားထုတ်ဝေလာသော လုံးချင်းဝတ္ထုများမှာလည်း ထင်ရှားအောင်မြင်ခဲ့သည်။ ကြာတော့သည်လည်းမောင့်စကား (၁၉၈၆)၊ ကြေမွသွားသောတိမ်တိုက်များအကြောင်း (၁၉၉၁)၊ မရှိမဖြစ်မိုး (၁၉၉၂)၊ မြစ်တို့၏မာယာ ၊ နံရံ၏အခြားတစ်ဖက်မှာ (၁၉၉၃)၊ မိန်းမတစ်ယောက်ရဲ့ဖွင့်ဟ၀န်ခံချက် (၁၉၉၄)၊ ကံကြမ္မာကို မယုံကြည်ကြသူများ (၁၉၉၅)၊ ပင်လယ်နှင့်တူသော မိန်းမများ (၁၉၉၆)၊ မြစ်တို့၏မာယာ (၁၉၉၉)၊ ကျွန်မ၏သစ်ပင် (၁၉၉၇)၊ ချစ်သူရေးတဲ့ ကျွန်မရဲ့ညတွေ (၁၉၈၀)၊ ချစ်သူလေလား... စကားတစ်ပွင့် ပွင့်ခဲ့တယ် (၂၀၀၃)၊ ကြယ်စင်တံတား ကမ်းပါးနှင်းဖြူ လရောင်အောက်ဖက် မိုင်အဝေးမှာ ၊ တိမ်နှင့်ချည်တဲ့ကြိုး ၊ စောင့်နေမယ်လို့ မပြောလိုက်ဖူး၊ ကြယ်ကြွေတို့ရဲ့ အတောင်ပံ စသဖြင့်… ။

ဝတ္ထုတို လုံးချင်းစာအုပ် ရာဇ၀င်ထဲမှာမောင့်ကိုထားရစ်ခဲ့နှင့် အခြားဝတ္ထုတိုများ (၁၉၈၈)၊ ကောင်းကင်မပါသောညနှင့် အခြားဝတ္ထုတိုများ (၁၉၉၁) စသဖြင့်… ။


ဂျူး၏ အမှတ်တရ လုံးချင်းဝတ္ထုသည် မြန်မာစာပေလောကအတွင်း အဝေဖန်ခံရဆုံးသော စာပေလက်ရာဖြစ်ခဲ့သည်။ အခြားတစ်ဖက်တွင် ပြောစမှတ်ပြုခံရသော ၀တ္ထုရှည်လက်ရာများဖြင့် သုံးသပ်ဖော်ကြူးခံရသည်။ ဥပမာ- မလိခ၏ မြန်မာဝတ္ထုအညွှန်းတွင် ပင်လယ်နှင့်တူသောမိန်းမ အား အကောင်းဆုံးလက်ရာ (Masterpiece) အဖြစ် ညွှန်းဆိုဖော်ပြထားသည်။ လုံးချင်းဝတ္ထုရှည်များသည်လည်း ရုပ်ရှင်အဖြစ် ရိုက်ကူးခြင်းခံရသည်။

ဂျူးသည် ၀တ္ထုရေးဆရာမ (Novelist) စစ်စစ် ဖြစ်ပါသည်။ ၀တ္ထုတို၊ ၀တ္ထုလတ် (Novelette)၊ မဂ္ဂဇင်း ၀တ္ထုရှည်များနှင့် လုံးချင်းဝတ္ထုရှည်များ တခုတ်တရ ရေးသားတင်ဆက်နေသူပင်။ ထို့ပြင် ကလျာမဂ္ဂဇင်းတွင် ကျွန်မဖတ်ခဲ့သောစာအုပ်များ (လုံးချင်းစာအုပ်အဖြစ် ထုတ်ဝေခဲ့သည်) ဆောင်းပါးများနှင့် ဟန်သစ်မဂ္ဂဇင်းမှ ဗွီဒီယိုရုပ်ရှင်ခံစားမှု ( မြစ်တစ်စင်းကိုဖြတ်ကျော်ခြင်း အမည်ဖြင့် လုံးချင်းစာအုပ် ထုတ်ဝေခဲ့သည်)၊ ဂျူး၏ ဆောင်းပါးများသည် စာဖတ်ပရိသတ် မပြတ် ဖတ်ခဲ့ရသော ဆောင်းပါးလက်ရာ များဖြစ်ခဲ့သည်။ ယခု ပတ်ဝန်းကျင်ထိန်းသိမ်းရေး ဆောင်းပါးလက်ရာများ ရေးသားလျှက် ရှိသည်။ ထို့ပြင် မူးယစ်ဆေးဝါးဆိုင်ရာပြဿနာ၊ နိုင်ငံတကာရေးရာ၊ မြို့ပြရေးရာဆိုင်ရာ ဆောင်းပါးများ ရေးသားနေရာ စာဖတ်ပရိသတ်များ အဆက်မပြတ် ဖတ်နေရဆဲဖြစ်သည်။ ဥပမာ- အမုန်းကြောင့်ဖြစ်သော စစ်ပွဲများ၊ ကျွန်မချစ်သောမြို့ စသဖြင့် လုံးချင်းစာအုပ်များအဖြစ် ထုတ်ဝေလျှက်ရှိသည်။

ထင်ရှားသောဆောင်းပါးလက်ရာ စာအုပ်များအနက် မြစ်တစ်စင်းကိုဖြတ်ကျော်ခြင်းမှ အော်လန်ဒို ရုပ်ရှင်ခံစားမှု ဆောင်းပါးတွင် (အော်လန်ဒိုကို ကြည့်ပြီးသည့်အခါ ကဗျာတစ်ပုဒ်၏ လှပမှုကို ရလိုက်သည်။ စိတ်၏ ငြိမ်းချမ်းတည်ငြိမ်မှုကို ရလိုက်သည်။ မိန်းမ-ယောက်ျားဟူသော သတ်မှတ်ချက်ထက် လူသားဟူသော ပေါင်းစည်းမှုကို တွေ့ရသည်) ဟု ရုပ်ရှင်ကားအပေါ် ခံစားတင်ပြခဲ့ပါသည်။

အခြား စာရေးဆရာ ဆရာမများနှင့် တွဲဖက်၍ ၀တ္ထုစာစဉ်များတွင်လည်း ပါဝင်ရေးသားခဲ့သည်။ ဥတ္တရလမင်း ခံစားသူအကြိုက် ၀တ္ထုတိုများ၊ မြန်မာဝတ္ထုတိုအဖွင့်၊ ရာစုသစ်သို့ ပျံသန်းခြင်း၊ နားကြပ်ကိုကိုင် ကလောင်ကို ကိုင်ဆွဲ၊ ပန်းတို့ရဲ့ရနဲ့၊ မြန်မာဝတ္တုတို (၂၀၀၁-၂၀၀၅)၊ အခြားစာစဉ်များတွင်လည်း ပါဝင်ရေးသားသည်။

ထို့ပြင် ဂျူး၏ ရေမျောသီး ၀တ္ထုတိုကို အဆိုတော် ဟေမာနေ၀င်း ကလည်းကောင်း၊ မြရဲ့လ ၀တ္ထုတိုကို အဆိုတော် ထူးအိမ်သင် ကလည်းကောင်း ဖတ်ကြားအသံသွင်းကာ တိတ်ခွေအဖြစ် (၁၉၉၇)တွင် ဖြန့်ချီခဲ့ပါသည်။

ဝတ္ထုရေးဆရာမ (Novelist) အဖြစ် မြန်မာစာပေလောကတွင် ထင်ရှားအောင်မြင်နေသော ဂျူး၏ စာရေးဆရာမ ဘ၀အတွေ့အကြုံများမှာ စိတ်ဝင်စားစရာပင်။

ကျွန်မ ကြည်အေးရဲ့ ၀တ္ထု ကဗျာ တော်တော်များများကို သဘောကျတယ်။ တစ်ခါတလေမှာ (Style) ချင်း သွားတူတာကို ကျွန်မကိုယ်တိုင်လည်း သတိထားမိလိုက်တယ်။ အခုနောက်ပိုင်း ကျွန်မရဲ့ ၀တ္ထုတွေမှာ ကြည်အေးရဲ့ (Style) နဲ့ လုံးဝကင်းရှင်းပြီး သီးသန့်ဖြစ်အောင် ကြိုးစားနေပါတယ်
ကျွန်မဟာ စာမရေးဘဲ မနေနိုင်လို့ ရေးတာပါ။ ကျွန်မရဲ့ဦးနှောက်ကို အလိုလိုက်တဲ့ လက်ရဲ့ ဖန်တီးမှုသက်သက်သာ ဖြစ်ပါတယ်လို့ ကျွန်မရေးခဲ့ပါတယ်။ ဒါ ကျွန်မရဲ့ ရိုးသားပွင့်လင်းစွာ ၀န်ခံမှုပါ။

ဂျုး သည် နိုင်ဝင်းဆွေ နွေတစ်ည လုံးချင်းဝတ္ထုကို နှစ်ခြိုက်သလို ဖြစ်တည်မှုပဓာနစာရေးဆရာ ဖရန့်ကာဖကာ (Frank Kafka) ၀တ္ထုတိုများကိုလည်း နှစ်ခြိုက်သူဖြစ်သည်။

ဂျူးနှင့်ပတ်သက်၍ စာဖတ်ပရိသတ်တစ်ဦးဖြစ်သော အင်န်ဂျီအို အဖွဲ့တစ်ဖွဲ့မှ သားသည်မိခင်တစ်ဦးက ဤသို့ သုံးသပ်ခဲ့ကြောင်း စောကျော်မြတ်ငြိမ်း ၏ မြန်မာလူမှုရှုခင်း (ဂျူးကို သူ၏ ပရိသတ်တွေ ဘယ်လိုသဘောထားကြသလဲ ဆောင်းပါး၊ သင့်ဘ၀မဂ္ဂဇင်း၊ ၁၉၉၉-ခုနှစ် အမှတ်(၁၁)တွင်) ကျွန်မကတော့ ဂျူးရဲ့စာတွေကို ဖတ်သင့်တယ် ထင်လို့ ဖတ်နေတယ်။ သူ့ရဲ့ဝတ္ထုတို၊ ၀တ္ထုရှည်၊ ဆောင်းပါးအားလုံးကို ဖတ်တယ်။ ကျွန်မနဲ့ သဘောထားချင်း မတိုက်ဆိုင်တာ တစ်ခုနှစ်ခုလောက်ကလွဲရင် အများစုကိုတော့ သဘောကျတယ်။ ကျွန်မသဘောမကျတာက သူ့ဝတ္ထုတွေထဲမှာ အတ္တချင်းပြိုင်ကြတာ၊ အဲဒါမျိုးတွေ အများကြီး တွေ့ရတယ်။ ဒီသေးသေးမွှားမွှားအားနည်းချက်ကလွဲရင် ဂျူးဟာ သိပ်ကို ထက်မြက်ပါတယ်။ အနုပညာအား သိပ်ကောင်းတယ်။ သူကောင်းတာတွေက အများကြီးပဲ။ ဥပမာ… ပညာတန်ဖိုးထားတာ… နောက်ပြီး အမျိုးသမီးတွေရဲ့ ကိုယ့်ကိုယ်ကိုယုံကြည်မှုအားမာန်၊ အတွေးအခေါ်လွတ်လပ်မှု အဲဒါတွေ တင်ပြထားတယ် ဟု ဖတ်ရှုရသည်။

ယခုအခါ ဂျူးသည် စာပေအနုပညာများ ရေးသားဖန်တီးရင်း ဂျူး စာအုပ်တိုက် ကိုထူထောင်ကာ စာအုပ်များ ထုတ်ဝေဖြန့်ချီရင်း ရန်ကုန်မြို့ ကြည့်မြင်တိုင်မြို့နယ်၊ အထက်ကြည့်မြင်တိုင်လမ်းတွင် မိသားစု၊ ညီအကိုမောင်နှမများနှင့်အတူ နေထိုင်ကာ စာပေလက်ရာများကို ရေးသားဖန်တီးလျှက် ရှိပါသည်။
STA

ဂျူး Profile မှ အချက်အလက်များကို စံပယ်ဖြူမဂ္ဂဇင်း (အမှတ်၆ ၊ ၂၀၀၈ နိုဝင်ဘာ) တွင်ပါရှိသော လေးကိုတင်၏ ဧရာဝတီရုပ်ပုံလွှာမှ ကူးယူဖော်ပြထားကြောင်း ၀န်ခံပါသည်။

Read More...