Thursday, April 17, 2008

နှစ်သစ်မင်္ဂလာ

မြန်မာသက္ကရာဇ် ၁၃၆၉-ခုနှစ် ကုန်ဆုံးကာ ၁၃၇၀-ခုနှစ်သို့ ချင်းနင်းဝင်ရောက်ခဲ့ပြီဖြစ်ပါသည်။ မိုးကုတ်မီဒီယာမှ နှစ်သစ်တွင် မင်္ဂလာအပေါင်းနှင့် ပြည့်စုံနိုင်ကြပါစေရန် ဆုမွန်ကောင်း တောင်းလိုက်ပါသည်။

မင်္ဂလာဟု ဆိုရာတွင်လည်း အပေါ်ယံစကားလုံးထက် အတွင်းအနှစ်သာရအားဖြင့်ပါ မင်္ဂလာရှိစေချင်ပါသည်။ မင်္ဂလာ၏ အဓိပ္ပါယ်ကို ဗုဒ္ဓဟောကြားခဲ့သော မင်္ဂလသုတ်တော်တွင် အကျယ်တ၀င့် လေ့လာနိုင်ပါသည်။ အတိုချုပ်အားဖြင့် ကုသိုလ်ဖြစ်စေသော အကြောင်းတရားများဟု မှတ်ယူနိုင်ပါသည်။
အကုသိုလ်ဖြစ်စေသော အကြောင်းတရားများ လျော့ပါးပြီး ကုသိုလ်ဖြစ်စေသော အကြောင်းတရားများ ပိုမို ဖြစ်ထွန်းမှသာလျှင် မင်္ဂလာရှိသော နှစ်သစ် မည်ပေမည်။

ထိုကြောင့် ကျွန်ုပ်တို့ လူမှုအဖွဲ့အစည်းအားလုံး ယခုမှအစပြု၍ ကုသိုလ် လုပ်ရပ်များဖြင့် မင်္ဂလာရှိသော နှစ်သစ်ကို ဖြတ်ကျော်ကြပါစို့ ဟု တိုက်တွန်းနှိုးဆော်ရင်း မင်္ဂလာနှစ်သစ်ကို ကြိုဆိုလိုက်ရပါကြောင်း…။

Read More...

Monday, April 7, 2008

သတင်းစာဆရာမကြီး လူထုဒေါ်အမာ ကွယ်လွန်

ဝါရင့် သတင်းစာဆရာမကြီး လူထုဒေါ်အမာ သည် ယနေ့ မနက် (၈)နာရီ (၃၇)မိနစ်အချိန်တွင် မန္တလေးမြို့ ပြည်သူ့ဆေးရုံကြီး၌ ကွယ်လွန်သွားခဲ့ကြောင်း ကြားသိရပါသည်။

ဆရာမကြီးလူထုဒေါ်အမာသည် ကိုလိုနီခေတ်မှ ယနေ့ခေတ်တိုင် လူထုအပေါ် စာပေဖြင့် အကျိုးပြုခဲ့သော၊ တိုင်းပြည်အပေါ် တာဝန်ကျေခဲ့သော၊ သမိုင်းလှစွာဖြင့် ဇာတ်သိမ်းသွားခဲ့သောသူ ဖြစ်ပါသည်။ ကွယ်လွန်ချိန်တွင် အသက် (၉၃)နှစ်ရှိပြီဖြစ်သည်။

ဆရာမကြီး လူထုဒေါ်အမာ ယခုလို ဆုံးရှုံးသွားရခြင်းအတွက် မိုးကုတ်မီဒီယာ အနေဖြင့်လည်း မိသားစုနှင့် ထပ်တူထပ်မျှ ၀မ်းနည်းမိပါကြောင်း ...။
TP

Read More...