Saturday, September 6, 2008

တမ်းတခြင်းရဲ့ ပဲ့တင်သံ

ကျမက မိုးကုတ်က ရှမ်း တိုင်းရင်းသူတစ်ဦးပါ။ ကျမတို့ မိသားစုရဲ့ ခံစားချက်တွေကို ဒီနေရာလေးမှာ ရင်ဖွင့်လိုက်မိပါတယ်။ မျှဝေခံစားနိုင်ကြပါစေ။

ကျမရဲ့ အမျိုးသားဟာ ကိုယ်ကျိုးအတွက် အနစ်နာခံပြီး အများပြည်သူ ကောင်းကျိုးအတွက် အမှန်တရားလမ်းကြောင်းပေါ် လျှောက်နေသူတစ်ဦးပါ။ သူဟာ (၈၈)အရေးအခင်းမှာလည်း ဖမ်းဆီးထောင်ချခံခဲ့ဘူးတယ်။ နောက် ဒီပဲရင်း အရေးအခင်းပြီးတော့လည်း အဖမ်းခံခဲ့ရပါတယ်။ ပြီးခဲ့တဲ့ စက်တင်ဘာ အရေးအခင်းမှာလည်း ထပ်အဖမ်းခံရပြန်တယ်။ အဲဒီနေ့က… ၂၅ စက်တင်ဘာ ၂၀၀၇။ ည (၁၁)နာရီ။ အခုတော့ မန္တလေး အိုးဘိုထောင်အတွင်းမှာ…။

ကျမမှာ သားသမီး (၃)ယောက် ရှိပါတယ်။ သမီးကြီးက ဆယ်တန်းအောင်ပြီး ရန်ကုန်မှာ သင်တန်းတက်နေရင်း ၂၆ ရက်နေ့ စက်တင်ဘာအရေးအခင်းတုန်းက ရွှေတိဂုံခြေရင်းမှာ ဖမ်းဆီးခံခဲ့ရလို့ အထဲမှာ တစ်ပတ်လောက် နေခဲ့ရပါတယ်။ သမီးလတ်က အလယ်တန်း၊ သားငယ်က မူလတန်းပါ။
၂၅ ဒီဇင်ဘာ ခရစ္စမတ် ညနေချမ်းမှာ ကျမတို့ သားအမိ ထမင်းဝိုင်းလေးအတွင်း သမီးကြီးက အဖေအတွက်၊ အမေအတွက် ဦးချပါတယ်။ အဖေဆိုတဲ့ အသံ ကြားလိုက်တာနဲ့ မွေးကတည်းက အဖေနဲ့ မခွဲပဲ အိပ်ခဲ့ရတဲ့ သမီးငယ်လေးက အမေ… ဒီနေ့ အဖေ့ကို ဖမ်းသွားတာ ၃လပြည့်ပြီ၊ လူချင်းလဲ မတွေ့ရဘူး။ အဖေ ဘယ်လိုခံစားနေရလဲ မသိဘူးနော်… တဲ့။ မထင်မှတ်တဲ့ မေးခွန်းမို့ ကျမ ရင်နင့်သွားခဲ့ရတယ်။ သမီးငယ်ရဲ့ မျက်နှာကို လှမ်းကြည့်လိုက်တော့ မျက်ဝန်းမှာ မျက်ရည်စတွေနဲ့လေ။ သမီးတို့ အဖေဟာ ထောင်ထဲမှာ ဘယ်လို ခံစားနေရတယ်ဆိုတာ ကျမ ဘယ်လိုပြောပြရမှာလဲ။

ဒါနဲ့ ညပိုင်း အိပ်ချိန်ရောက်လာပြန်တယ်။ မိုးကုတ် ဆောင်းကလည်း ရေခဲလောက်အောင် အေးနေတော့ သားအမိလေးယောက်လုံး စောင်အထပ်ထပ်နဲ့ ကွေးနေကြတယ်။ ကလေးတွေ အတွေးကိုယ်စီနဲ့ သူတို့အဖေကို သတိရနေကြတယ်ဆိုတာ ကျမ သိနေခဲ့တယ်လေ။ ထင်တဲ့အတိုင်းပါဘဲ… သားငယ်လေးက ကျမ လည်ပင်းကိုဖက်ပြီး အမေ.. သား ငိုချင်တယ် တဲ့။ ဘာဖြစ်လို့လဲ လို့ မေးလိုက်တော့ သားတို့ အိမ်မှာ စောင်အထပ်ထပ်ခြုံပြီး အိပ်ရတာတောင် ဒီလောက် အေးနေတာ အဖေက ထောင်ထဲမှာ စောင်ပါးလေးတစ်ထည်နဲ့ အိပ်ရတော့ ဘယ်လောက် အေးနေရှာမလဲ တဲ့…။ မအေးပါဘူးသားရယ်… အင်္ကျီတွေ ထပ်ပြီး အိပ်မှာပေါ့ လို့ နှစ်သိမ့်ပေးလိုက်ရတယ်။ ဒါပေမယ့် သားငယ်လေးက အမေရယ်.. အဖေ့ကို ခေါ်သွားတုန်းက ဒီအတိုင်း လိုက်သွားခဲ့လိုက်ရတာ အင်္ကျီအပိုမှ ပါမသွားပဲ ဘာနဲ့ ထပ်ပြီး ၀တ်ရမှာလဲ တဲ့…။ အမေ ထောင်ထဲမှာဆိုရင် ထောင်ကျတဲ့ လူတွေကကော ဘယ်လို အိပ်ရသလဲ တဲ့..။ မေးခွန်းတွေ အထပ်ထပ် မေးနေရင်း အဖေကို သတိရနေရှာတဲ့ သားလေးရဲ့မျက်နှာကို ကြည့်ပြီး ကျမ ဘယ်လို ဖြေပြနိုင်မှာလဲ…။

ဒီလိုနဲ့ ကျမတို့ သားအမိတွေ အိပ်မပျော်ခင်မှာပဲ အိမ်ရှေ့လမ်းမပေါ်က အရက်မူးသမားတစ်ယောက် ဆူပူသောင်းကျန်းနေတဲ့အသံကို ကြားနေရတယ်။ ကျမရဲ့ သားငယ်လေးက အမေ အရက်မူးသမားက ဒီလောက် ဆူပူသောင်းကျန်းနေတာကို ဘာဖြစ်လို့ ရဲတွေ လာမဖမ်းတာလဲ တဲ့…။ သားတို့အဖေကျတော့ ဘာလို့ လာဖမ်းကြတာလတဲ့…။ ဒါနဲ့ ကျမ သမီးကြီးက သူ့မောင်လေးကျေနပ်အောင် ဒီလို ပြောလိုက်တယ်။ ဒို့အဖေက အမှန်တရားနဲ့ အများကောင်းကျိုးအတွက် လုပ်နေလို့ပေါ့ တဲ့…။ သားလေးက ထပ်ပြီးမေးတယ်။ အမေ… ဒါဆိုရင် အရက်မူးသမားဆိုရင် မဖမ်းဘူးလား…။ အမှန်တရားလုပ်ရင် ဖမ်းသလား…။ အများကောင်းကျိုးလုပ်ရင် အဖမ်း ခံရသလား တဲ့…။ ဒီကလေးတွေရဲ့ အနာဂတ်အတွက် သူတို့ သိချင်တဲ့ အဖြေမှန်ကို ကျမ ဘယ်လို ဖြေပြရမှာလဲ…။

ကျမ ဘ၀မှာလည်း မိခင်တစ်ယောက်အနေနဲ့ အမှန်တရားကို ပြောပြနိုင်ဖို့ ဘယ်လောက်ထိဆက်ပြီး ရုန်းကန် ခံစားနေရဦးမယ်ဆိုတာ တွေးမိရင်းနဲ့ပေါ့…။
MN

(၂၀၀၇ စက်တင်ဘာအရေးအခင်းတွင် မတရား ဖမ်းဆီးခံရသော မိုးကုတ်မြို့မှ ထိပ်တန်းနိုင်ငံရေးသမား ကိုမင်းသူ သို့ …)

3 comments:

ခင်မင်းဇော် said...

စိတ်ထဲ အရမ်းခံစာရတယ်... ကိုမင်းသူရဲ့ မိသားစု အဆင်ပြေပါစေ...

နတ်သမီး said...

free free burma !
Now i read this story ,i want to cry and anger junta.they deep down hell
junta is always dead!(it is my wish)

MELODYMAUNG said...

eek :(
so sad to read this real echo.
Wish free KoMinThu at earliest!